നീരവ് മോദി രാജ്യത്തുണ്ടെന്ന് സ്ഥിരീകരിച്ചിട്ടില്ലെന്ന് അമേരിക്ക

ന്യൂഡൽഹി: പി.എൻ.ബി സാമ്പത്തിക തട്ടിപ്പിനെ തുടർന്ന് രാജ്യംവിട്ട വജ്ര വ്യാപാരി നീരവ് മോദി അമേരിക്കയിലുണ്ടെന്ന കാര്യത്തിൽ സംശയം പ്രകടിപ്പിച്ച് യു.എസ് അധികൃതർ. നീരവ് മോദി രാജ്യത്തുണ്ടെന്ന കാര്യം സ്ഥിരീകരിച്ചിട്ടില്ലെന്ന് യു.എസ് സർക്കാർ വ്യക്തമാക്കി. 

വായ്പാ തട്ടിപ്പ് നടത്തിയ ശേഷം ഇന്ത്യയിൽ നിന്ന് കടന്നുകളഞ്ഞ നീരവ് അമേരിക്കയിലുണ്ടെന്ന് മാധ്യമങ്ങൾ റിപ്പോർട്ട് ചെയ്ത സാഹചര്യത്തിലാണ് നീതിന്യായ വകുപ്പ് വക്താവിന്‍റെ പ്രതികരണം. നീരവ്​ മോദി ബെൽജിയത്തിലുണ്ടെന്ന വാർത്തകളും പുറത്ത്​ വരുന്നുണ്ട്​.

പി.എൻ.ബി ബാങ്കിന്‍റെ ജാമ്യം ഉപയോഗിച്ച്​ 11,300 കോടി രൂപ നീരവ്​ ​േമാദി തട്ടിയെടുത്തുവെന്നാണ്​ ആരോപണം. നീ​ര​വ്​ പ​ഞ്ചാ​ബ്​ നാ​ഷ​ന​ൽ ബാ​ങ്കി​നെ സ​മീ​പി​ച്ച്​ വി​ദേ​ശ വ്യാ​പാ​ര​ത്തി​നു​ള്ള ‘ലെ​റ്റ​ർ ഒാ​ഫ്​ ക്രെ​ഡി​റ്റ്​’ (ബാ​ങ്ക്​ ഗാ​ര​ൻ​റി) ആ​വ​ശ്യ​പ്പെടുകയും ​ഇ​തി​നു​ള്ള തു​ക നീ​ര​വ്​ ബാ​ങ്ക്​ അ​ക്കൗ​ണ്ടി​ൽ നി​ക്ഷേ​പി​ക്കുകയുമായിരുന്നു. എന്നാൽ, ഇൗ ​തു​ക ബാ​ങ്കി​​ന്‍റെ വ​ര​വ്​ പു​സ്​​ത​ക​ത്തി​ൽ ചേ​ർ​ക്കാ​തെ ത​ന്നെ ബാ​ങ്ക്​ ഗാ​ര​ൻ​റി ന​ൽ​കി​യാ​ണ്​ ത​ട്ടി​പ്പ്​ അ​ര​ങ്ങേ​റി​യ​ത്. 

രാജ്യംവിട്ട വജ്ര വ്യാപാരി നീരവ്​ മോദിയുടെയും ബിസിനസ്​ പങ്കാളി മെഹൽ ചോക്​സിയുടെയും പാസ്പോർട്ട് വിദേശകാര്യ മ​ന്ത്രാലയം മരവിപ്പിച്ചിരുന്നു.