Begin typing your search above and press return to search.
exit_to_app
exit_to_app
Naredndra Modi, Manmohan singh
cancel
Homechevron_rightNewschevron_rightIndiachevron_rightഇന്ധനവില വർധന: യു.പി.എ ...

ഇന്ധനവില വർധന: യു.പി.എ സർക്കാറിന്‍റെ തലയിൽ​ കെട്ടിവെച്ച്​ വീണ്ടും ബി.ജെ.പിയും കേന്ദ്രവും

text_fields
bookmark_border

ന്യൂഡൽഹി: രാജ്യത്തെ ജനങ്ങൾ ഇന്ധനവില വർധനയിൽ നട്ടം തിരിയു​േമ്പാൾ ഉത്തരവാദിത്തം യു.പി.എ സർക്കാറിന്‍റെ തലയിൽ കെട്ടിവെച്ച്​ ​ബി.ജെ.പിയും കേന്ദ്രസർക്കാറും. 2004-2014 യു.പി.എ കാലഘട്ടത്തിൽ 'ഓയിൽ ബോണ്ട്​' ഉപയോഗിച്ച് മുൻ പ്രധാനമന്ത്രി​ മൻമോഹൻ സിങ്​ നടത്തിയ സാമ്പത്തിക തട്ടിപ്പാണ്​ വില വർധനക്ക്​ കാരണമെന്ന്​ സർക്കാർ വൃത്തങ്ങൾ പറയുന്നു.

വിഷയത്തിൽ രാഷ്​ട്രീയക്കാരെ തഴഞ്ഞ്​ 'രാഷ്​ട്രീയക്കാരല്ലാത്ത ചിലർ' തീരുമാനങ്ങൾ എടുക്കുകയായിരുന്നുവെന്നും മൻമോഹൻ സിങ്ങിനെ ലക്ഷ്യമാക്കി അവർ ആരോപിച്ചു.

ഇന്ധനമേഖലയിൽ സബ്​സിഡിക്ക്​ വേണ്ടി യു.പി.എ സർക്കാർ ഓയിൽ ബോണ്ടുകളുണ്ടാക്കി. ചില പെട്രോളിയം ഉൽപ്പന്നങ്ങൾക്ക്​ സബ്​സിഡി നൽകുന്നതിനായിരുന്നു ഇത്തരം ബോണ്ടുകൾ. ഓയിൽ ബോണ്ട്​ കടപത്രം ഇറക്കി യു.പി.എ സർക്കാർ കടബാധ്യത വരുത്തിവെക്കുകയായിരുന്നുവെന്നും പറയുന്നു.

ഈ വർഷം 1,30,701 കോടി രൂപ കടപത്രത്തിന്‍റെ കടം വീട്ടണം. അതിൽ 10,000 കോടി രൂപ​ അവർക്ക്​ പലിശ നൽകണമെന്നും സർക്കാർ വൃത്തങ്ങൾ പറയുന്നു.

ബന്ധപ്പെട്ട സർക്കാറും ഉദ്യോഗസ്​ഥരും സാമ്പത്തിക ഉപദേശകരും റിസർവ്​ ബാങ്ക്​ ഗവർണർമാരുമെല്ലാം ഇതിന്‍റെ ഉത്തരവാദികളാണ്​. തുടർന്നുവന്ന സർക്കാറിന് കടപത്രത്തിന്‍റെ ഭാരവും കൈമാറി. രാഷ്​ട്രീയക്കാരല്ലാത്തവർ നടത്തിയ കൃത്യവിലോപത്തിന്‍റെ ഉത്തരവാദിത്തം രാഷ്​ട്രീയക്കാർ ഏറ്റെടുക്കേണ്ടി വരുന്നുവെന്നും പറയുന്നു.

ചെറിയ തുകയല്ല ഇതിൽ ഉൾപ്പെട്ടിരിക്കുന്നത്​. അതിനാൽ തന്നെ സർക്കാർ സാമ്പത്തിക പരിപാടികളിൽ അവയെ പ്രതികൂലമായി ബാധിക്കും. കഴിഞ്ഞ ഏഴുവർഷമായി പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള സർക്കാർ കടപത്രത്തിന്‍റെ 70,000 കോടിയുടെ പലിശ മാത്രം കൊടുത്തുതീർത്തു. എന്നാൽ, ഇത്തവണ കോവിഡ്​ പ്രതിരോധത്തിനായി മാറ്റിവെച്ചത്​ 35,000 കോടി മാത്രമാ​െണന്നതാണ്​ ഇതിന്‍റെ വിരോധാഭാസമെന്നും അവർ പറയുന്നു.

ബി.ജെ.പി നേതാവ്​ അമിത്​ മാളവ്യയടക്കം പത്ര റി​േപ്പാർട്ട്​ പങ്കുവെച്ച്​ യു.പി.എ സർക്കാറിനും മൻമോഹൻ സിങ്ങിനുമെതിരെ രംഗത്തെത്തി. യു.പി.എ സർക്കാറിന്‍റെ കെടുകാര്യസ്​ഥത​യാണ്​ ഇന്ധനവില വർധനക്ക്​ കാരണമെന്ന്​ വരുത്തിതീർക്കാനാണ്​​ ഇവരു​െട നീക്കം.

അതേസമയം, സർക്കാറും ബി.ജെ.പിയും മുടന്തൻ ന്യായങ്ങൾ നിരത്തുകയായിരുന്നുവെന്നാണ്​ കോൺഗ്രസ്​ നേതാക്കള​ുടെ പ്രതികരണം. കഴിഞ്ഞ ആറാഴ്ചയിൽ മാത്രം ഏഴു രൂപയാണ്​ മോദി സർക്കാർ ഇന്ധനത്തിന്​ വർധിപ്പിച്ചത്​. ഇത്രയും വലിയ വർധന എന്തിനുവേണ്ടിയാണെന്നായിരുന്നു കോൺഗ്രസ്​ നേതാവ്​ അമിതാഭ്​ ദുബെയുടെ പ്രതികരണം.

Show Full Article
TAGS:Fuel Price Hike UPA Petrol Diesel Price BJP dr Manmohan Singh 
News Summary - UPAs Oil Bonds Legacy Hurting Consumers Today Government Sources
Next Story