സ്വകാര്യ ഭാഗത്ത് പ്രഷർ പമ്പ് തിരുകി കാറ്റടിച്ചു; യു.പിയിൽ യുവാവ് ഗുരുതരാവസ്ഥയിൽ

ലഖ്നോ: സ്വകാര്യ ഭാഗത്ത് പ്രഷർ പമ്പ് തിരുകി കാറ്റടിച്ചതിനെ തുടർന്ന് കാർ വാഷിങ് സ്ഥാപനത്തിലെ ജീവനക്കാരനായ യുവാവ് ഗുരുതരാവസ്ഥയിൽ. യു.പിയിലെ ഗാസിയാബാദിലാണ് സംഭവം. വിജയ് എന്ന 19കാരനാണ് ഗുരുതരാവസ്ഥയിൽ ചികിത്സയിൽ തുടരുന്നതെന്ന് പൊലീസ് അറിയിച്ചു.

കാർ വാഷിങ് സ്ഥാപനത്തിൽ വെച്ച് വിജയും മോഹിത് എന്നയാളും തമ്മിൽ വാക്കേറ്റമുണ്ടായിരുന്നു. വിജയിനെ ആക്രമിച്ച് കീഴ്പ്പെടുത്തിയ മോഹിത്, ദേഹത്ത് കയറിയിരുന്ന ശേഷം പ്രഷർ പമ്പ് വാൽവ് തുറന്ന് സ്വകാര്യ ഭാഗത്ത് തിരുകുകയായിരുന്നു.

സ്വകാര്യ ആശുപത്രിയിൽ ചികിത്സയിൽ കഴിയുന്ന വിജയിന്‍റെ നില ഗുരുതരമാണെന്നും ഒളിവിൽ പോയ പ്രതി മോഹിതിനെ കണ്ടെത്താൻ അന്വേഷണം തുടങ്ങിയെന്നും പൊലീസ് അറിയിച്ചു.