പേരു മറച്ചുവെച്ച്​ വിവാഹിതരായി; യു.പിയിൽ മതപരിവർത്തനം ആരോപിച്ച്​ മുസ്​ലിം യുവാവ്​ ​ജയിലിൽ

ലഖ്​നോ: പൂർണമായും ഹിന്ദു ആചാരങ്ങൾ പാലിച്ച്​ വിവാഹിതനായിട്ടും യു.പിയിൽ മുസ്​ലിം യുവാവിന്​ യോഗി സർക്കാർ നൽകിയത്​ ജയിൽ. ഏറെയായി ഇഷ്​ടത്തിലുള്ള സുഹൃത്തുക്കളുടെ വിവാഹമാണ്​ ചില ഇടപെടലുകൾക്കൊടുവിൽ വഞ്ചനയും നിർബന്ധിത മതപരിവർത്തനവും ചുമത്തി യുവാവി​നെ ജയിലിലടക്കുന്നതിൽ കലാശിച്ചത്​.

സിവിൽ സർവിസിന്​ പഠിക്കുന്നതിനൊപ്പം അധ്യാപികയായി സേവനം അനുഷ്​ഠിക്കുന്ന പ്രിയ വർമ (29)യും സിവിൽ സർവിസ്​ സഹപാഠിയായ തൗഫീഖും തമ്മിൽ രണ്ടു വർഷമായി പ്രണയത്തിലായിരുന്നു. ഇരുവരും ഏറെയായി സിവിൽ സർവിസ്​ മോഹങ്ങൾ പങ്കുവെക്കുന്നവരാണ്​. നിർബന്ധിത മതപരിവർത്തനം തടയാൻ എന്ന പേരിലുള്ള പുതിയ നിയമം വില്ലനാകുമെന്നറിഞ്ഞതോടെ തൗഫീഖ്​ ഹിന്ദു ആചാരങ്ങൾ പാലിച്ച്​ വിവാഹത്തിന്​ സമ്മതിച്ചു. അതോടെ തൗഫീഖിനെ രാഹുൽ വർമയെന്ന പേരിലാണ്​ പ്രിയ കുടുംബത്തിന്​ പരിചയപ്പെടുത്തിയത്​. മുസ്​ലി​മാണെങ്കിൽ കുടുംബം സമ്മതിക്കില്ലെന്ന ഉറപ്പ്​ വന്നതോടെയായിരുന്നു നീക്കം.

കുടുംബത്തി​െൻറ സമ്മതത്തോടെ ഇരുവരും വിവാഹിതരായതിനു പിന്നാലെ സമൂഹ മാധ്യമങ്ങളിൽ പങ്കുവെച്ച ചിത്രങ്ങളാണ്​ തൗഫീഖിനെ കുടുക്കിയത്​​. കനൗജ്​ സ്വദേശിയായ പ്രിയയുടെ കുടുംബം വിവാഹം കഴിഞ്ഞ്​ രണ്ടാം നാൾ തന്നെ തൗഫീഖിനെ മുസ്​ലിമാണെന്ന്​ തിരിച്ചറിഞ്ഞു. തൗഫീഖി​െൻറ നാട്ടുകാരനായ പ്രാദേശിക ബി.ജെ.പി നേതാവ്​ വിഷയം ഏറ്റെടുത്തതോടെ 'ലവ്​ ജിഹാദ്​' ആയി വിവാഹം മാറി. പ്രിയയുടെ പിതാവ്​ സർവേശ്​ ശുക്ല​െയ കണ്ട ബി.ജെ.പി നേതാവ്​ ഉടൻ കേസ്​ നൽകാൻ ആവശ്യപ്പെട്ടു.

വൈകാതെ തൗഫീഖിനെ കസ്​റ്റഡിയിലെടുത്ത്​ ജയിലിലേക്ക്​ മാറ്റി. യോഗി സർക്കാർ പാസാക്കിയ ഉത്തർ പ്രദേശ്​ നിയമവിരുദ്ധ മതപരിവർത്തന നിരോധന നിയമം 2020 പ്രകാരമായിരുന്നു നപടി.

തന്നെ ഒരിക്കലും തൗഫീഖ്​ മതപരിവർത്തനത്തിന്​ പ്രേരിപ്പിച്ചില്ലെന്നു മാത്രമല്ല, ആവശ്യമെങ്കിൽ ഹിന്ദു ആചാരങ്ങൾ പാലിക്കാമെന്നും തൗഫീഖ്​ പറഞ്ഞിരുന്നതായി പ്രിയ പറയുന്നു. മാത്രവുമല്ല, തൗഫീഖിനെതിരെ ഫയൽ ചെയ്​ത കേസിൽ മതപരിവർത്തന ആരോപണം പോലും ഇല്ലെന്നതും ശ്രദ്ധേയമാണ്​.