സി.എ.എ പ്രതിഷേധക്കാരോട് 57 ലക്ഷം പിഴ ആവശ്യപ്പെട്ട് യു.പി പൊലീസ് നോട്ടീസ്

ന്യൂഡൽഹി: സി.എ.എ പ്രതിഷേധക്കാരോട് 57 ലക്ഷം പിഴ ആവശ്യപ്പെട്ട് യു.പി പൊലീസിന്റെ നോട്ടീസ്. 60 ആളുകളിൽ നിന്നാണ് പൊതുമുതൽ നശിപ്പിച്ചതിന് പൊലീസ് നഷ്ടപരിഹാരം ആവശ്യപ്പെട്ടിരിക്കുന്നത്. 2019 ഡിസംബർ 20ന് നടന്ന സി.എ.എ പ്രതിഷേധത്തിനിടെ ഇവർ സർക്കാർ വസ്തുക്കൾ നശിപ്പിക്കുകയും ​പൊലീസ് ജീപ്പിന് തീയിടുകയും ചെയ്തു​വെന്ന് നഹാതുർ പൊലീസ് എസ്.എച്ച്.ഒ പങ്കജ് തോമർ പറഞ്ഞു.

ആൾക്കൂട്ടം ​പൊലീസിനേയും ആക്രമിച്ചു. തുടർന്ന് പ്രതിരോധിക്കുന്നതിന്റെ ഭാഗമായി പൊലീസ് നടത്തിയ വെടിവെപ്പിൽ രണ്ട് പേർ കൊല്ലപ്പെടുകയും ചെയ്തുവെന്നും അദ്ദേഹം വ്യക്തമാക്കി. കേസിൽ കുറ്റാരോപിതരായ 60 പേരോട് 57 ലക്ഷം രൂപ നഷ്ടപരിഹാരം നൽകണമെന്ന് ആവശ്യപ്പെട്ട് നോട്ടീസയച്ചിട്ടുണ്ടെന്നും അദ്ദേഹം പറഞ്ഞു.