മതപരിവർത്തനം തടയൽ നിയമപ്രകാരം വീണ്ടും അറസ്​റ്റ്​; വ്യക്തിവിവരങ്ങൾ മറച്ചു​െവച്ചുവെന്നും ആരോപണം

ബിജ്​നോർ: ഉത്തർപ്രദേശിലെ ബിജ്​നോറിൽ നിർബന്ധിത മതപരിവർത്തനം തടയൽ നിയമപ്രകാരം വീണ്ടും അറസ്​റ്റ്​. സാദിഖ്​ എന്ന വ്യക്തിയാണ്​ അറസ്​റ്റിലാത്​. ഇയാൾ പെൺകുട്ടിയെ തട്ടികൊണ്ടുപോയശേഷം മതം മാറാൻ നിർബന്ധിച്ചതായി മുതിർന്ന പൊലീസ്​ ഉദ്യോഗസ്​ഥൻ സഞ്​ജയ്​ കുമാർ പറഞ്ഞു.

'കുറച്ചുദിവസങ്ങളായി ദാംപുർ സ്വദേശിയായ പെൺകുട്ടിയെ കാൺമാനില്ലായിരുന്നു. പിന്നീട്​ പെൺകുട്ടിയെയും സാദിഖിനെയും പൊലീസ്​ കണ്ടെത്തി. ചോദ്യം ചെയ്യലിനെ തുടർന്ന്​ പെൺകുട്ടിയെ തട്ടികൊണ്ടുപോയതിനും മതപരിവർത്തനത്തിന്​ നിർബന്ധിച്ചതിനും അറസ്​റ്റ്​ ചെയ്യുകയായിരുന്നു' -സഞ്​ജയ്​ കുമാർ പറഞ്ഞു.

സാദിഖ്​ സ്വന്തം വ്യക്തിത്വം മറച്ചുവെച്ചിരുന്നതായും സോനു എന്നാണ്​ പെൺകുട്ടിയെ പരിചയപ്പെടുത്തിയിരുന്നുതെന്നും പൊലീസ്​ പറഞ്ഞു. നിർബന്ധിത മതപരിവർത്തനം തടയൽ, എസ്​.സി/എസ്​.ടി നിയമം എന്നിവ ഉപയോഗിച്ചതാണ്​ സാദിഖിനെ അറസ്​റ്റ്​ ചെയ്​തത്​.

നവംബറിലാണ്​ യു.പിയിൽ നിർബന്ധിത മതപരിവർത്തനം തടയൽ ഓർഡിനൻസ്​ കൊണ്ടുവന്നത്​. മതപരിവർത്തനത്തിന്​ നിർബന്ധിച്ചാൽ അഞ്ചുവർഷം തടവും 15,000 രൂപ പിഴയുമാണ്​ ശിക്ഷ.