Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഎ​ത്ര​പേ​ർ...

എ​ത്ര​പേ​ർ മ​രി​ക്കു​മെ​ന്ന്​ അ​റി​യാ​ൻ യു.പിയിലെ ആശുപത്രിയിൽ അഞ്ചു മിനിറ്റ്​ നേരം ഓക്​സിജൻ വിതരണം നിർത്തിവെച്ചു

text_fields
bookmark_border
എ​ത്ര​പേ​ർ മ​രി​ക്കു​മെ​ന്ന്​ അ​റി​യാ​ൻ യു.പിയിലെ ആശുപത്രിയിൽ അഞ്ചു മിനിറ്റ്​ നേരം ഓക്​സിജൻ വിതരണം നിർത്തിവെച്ചു
cancel

ആ​ഗ്ര: ഓ​ക്​​സി​ജ​ൻ മു​ട​ങ്ങി​യാ​ൽ എ​ത്ര​പേ​ർ മ​രി​ക്കു​മെ​ന്ന്​ അ​റി​യാ​ൻ വേ​ണ്ടി രോ​ഗി​ക​ൾ​ക്കു​ള്ള ഓ​ക്​​സി​ജ​ൻ വി​ത​ര​ണം അ​ഞ്ചു മി​നി​റ്റ്​ നേ​രം നി​ർ​ത്തി​വെ​ച്ച​താ​യി ആ​ഗ്ര​യി​ലെ സ്വ​കാ​ര്യ ആ​ശു​പ​ത്രി ഉ​ട​മ​യു​ടെ ഞെ​ട്ടി​പ്പി​ക്കു​ന്ന വെ​ളി​പ്പെ​ടു​ത്ത​ൽ. അ​ങ്ങ​നെ ചെ​യ്​​ത​പ്പോ​ൾ 22 രോ​ഗി​ക​ൾ നീ​ല നി​റ​മാ​യി മാ​റി​യെ​ന്നും, ഓ​ക്​​സി​ജ​ൻ നി​ല​ച്ചാ​ൽ അ​വ​ർ മ​രി​ക്കു​മെ​ന്ന്​ അ​ങ്ങ​നെ മ​ന​സ്സി​ലാ​യെ​ന്നും വി​വ​രി​ക്കു​ന്ന ആ​ശു​പ​ത്രി ഉ​ട​മ​യു​ടെ ​ഓ​ഡി​യോ ക്ലി​പ്പാ​ണ്​ പു​റ​ത്താ​യ​ത്. സം​ഭ​വം വി​വാ​ദ​മാ​യ​തി​നെ തു​ട​ർ​ന്ന്​ യു.​പി സ​ർ​ക്കാ​ർ അ​ന്വേ​ഷ​ണം പ്ര​ഖ്യാ​പി​ച്ചു.

സം​സ്​​ഥാ​ന​ത്ത്​ കോ​വി​ഡ്​ വ്യാ​പ​നം രൂ​ക്ഷ​മാ​യ ഏ​പ്രി​ൽ 27നാ​ണ്​ ​ സം​ഭ​വ​മെ​ന്ന്​ സം​ഭാ​ഷ​ണ​ത്തി​ൽ പ​റ​യു​ന്നു. ഓ​ക്​​സി​ജ​ൻ ഏ​തു സ​മ​യ​വും മു​ട​ങ്ങി​യേ​ക്കാം എ​ന്ന അ​വ​സ്​​ഥ വ​ന്ന​പ്പോ​ൾ, ഏ​റ്റ​വും അ​നി​വാ​ര്യ​രാ​യ രോ​ഗി​ക​ളെ ക​ണ്ടെ​ത്താ​നാ​യി​രു​ന്നു ആ '​മോ​ക്​​ഡ്രി​ൽ' എ​ന്നും ആ​ഗ്ര​യി​ലെ പ​ര​സ്​ ആ​ശു​പ​ത്രി ഉ​ട​മ അ​രി​ഞ്​​ജ​യ്​ ജെ​യ്​​ൻ ഓ​ഡി​യോ ക്ലി​പ്പി​ൽ പ​റ​യു​ന്നു​ണ്ട്. ഈ ​ആ​​ശു​പ​ത്രി​യി​ൽ അ​ന്നേ ദി​വ​സം ഓ​ക്​​സി​ജ​ൻ കി​ട്ടാ​തെ 22 പേ​ർ മ​രി​ച്ചു​വെ​ന്നാ​യി​രു​ന്നു ആ​ദ്യം വാ​ർ​ത്ത പു​റ​ത്തു​വ​ന്ന​ത്. ഇ​ത്​ അ​ധി​കൃ​ത​ർ നി​ഷേ​ധി​ച്ചു.

''മു​ഖ്യ​മ​ന്ത്രി​ക്കു പോ​ലും ഓ​ക്​​സി​ജ​ൻ കി​ട്ടാ​ത്ത സ​മ​യ​മാ​ണെ​ന്നാ​ണ്​ ഞ​ങ്ങ​ൾ​ക്കു കി​ട്ടി​യ വി​വ​രം. അ​തോ​ടെ ഞ​ങ്ങ​ൾ രോ​ഗി​ക​ളെ ഡി​സ്​​ചാ​ർ​ജ്​ ചെ​യ്യാ​ൻ ആ​രം​ഭി​ച്ചു. എ​ന്നാ​ൽ ചി​ല രോ​ഗി​ക​ളു​ടെ ബ​ന്ധു​ക്ക​ൾ ഇ​ത്​ എ​തി​ർ​ത്തു. അ​തോ​ടെ, ഓ​ക്​​സി​ജ​ൻ മു​ട​ങ്ങി​യാ​ൽ ആ​രു മ​രി​ക്കും ആ​രും ജീ​വി​ക്കും എ​ന്ന്​ നോ​ക്കാ​മെ​ന്ന്​ ഞാ​ൻ പ​റ​ഞ്ഞു.

രാ​വി​ലെ ഏ​ഴി​ന്​​ ആ​രു​മ​റി​യാ​തെ ഞ​ങ്ങ​ൾ ഒ​ര​ു മോ​ക്​​ഡ്രി​ൽ ന​ട​ത്തി. അ​ഞ്ചു മി​നി​റ്റ്​ ഓ​ക്​​സി​ജ​ൻ നി​ർ​ത്തി​വെ​ച്ച്​ മ​ര​ണ​സാ​ധ്യ​ത​യു​ള്ള 22 പേ​രെ തി​രി​ച്ച​റി​ഞ്ഞു. പ്രാ​ണ​വാ​യു കി​ട്ടാ​തെ അ​പ്പോ​ഴേ​ക്കും അ​വ​രു​ടെ ശ​രീ​രം നീ​ല നി​റ​മാ​യി മാ​റി​യി​രു​ന്നു.'' -അ​രി​ഞ്​​ജ​യ്​ പ​റ​യു​ന്നു. ശ​ബ്​​ദം റെ​ക്കോ​ഡ്​ ചെ​യ്​​ത ദി​വ​സം ഓ​ക്​​സി​ജ​ൻ കി​ട്ടാ​തെ ആ​രും മ​രി​ച്ചി​രു​ന്നി​ല്ലെ​ന്നും എ​ന്നി​രു​ന്നാ​ലും സം​ഭ​വ​ത്തി​ൽ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ടെ​ന്നും ആ​ഗ്ര ജി​ല്ല മ​ജി​സ്​​ട്രേ​റ്റ്​ പ്ര​ഭു എ​ൻ.​സി​ങ്​ പ്ര​തി​ക​രി​ച്ചു. ''ഓ​ക്​​സി​ജ​ൻ ക്ഷാ​മം സം​ബ​ന്ധി​ച്ച്​ തു​ട​ക്ക​ത്തി​ൽ എ​ല്ലാ​യി​ട​ത്തും ഭീ​തി നി​ല​നി​ന്നി​രു​െ​ന്ന​ങ്കി​ലും ചെ​റി​യ ക്ഷാ​മം മാ​ത്ര​മാ​യി​രു​ന്നു ഉ​ണ്ടാ​യി​രു​ന്ന​ത്. 48 മ​ണി​ക്കൂ​റി​നു​ള്ളി​ൽ ഞ​ങ്ങ​ള​ത്​ പ​രി​ഹ​രി​ച്ചു. 22 പേ​ർ മ​രി​ച്ചു​വെ​ന്ന​ത്​ അ​സ​ത്യ​മാ​ണ്​'' - ജി​ല്ല മ​ജി​സ്​​ട്രേ​റ്റ് പ​റ​ഞ്ഞു.

ഓ​ഡി​യോ ടേ​പ്​ വ്യാ​പ​ക​മാ​യി പ്ര​ച​രി​ച്ച​തോ​ടെ വി​ശ​ദീ​ക​ര​ണ​വു​മാ​യി ആ​ശു​പ​ത്രി ഉ​ട​മ രം​ഗ​ത്തു​വ​ന്നി​ട്ടു​ണ്ട്. ത​െൻറ സം​സാ​രം തെ​റ്റി​ദ്ധ​രി​ച്ച​താ​ണെ​ന്നു പ​റ​ഞ്ഞ ഉ​ട​മ, ഓ​ക്​​സി​ജ​ൻ വി​ത​ര​ണം ഏ​റ്റ​വും അ​നി​വാ​ര്യ​മാ​യ​വ​ർ​ക്ക്​ മാ​ത്രം ന​ൽ​കാ​നാ​യി ​രോ​ഗി​ക​ളെ ത​രം​തി​രി​ക്ക​ണ​മെ​ന്ന്​ ത​ങ്ങ​ൾ​ക്ക്​ നി​ർ​ദേ​ശ​മു​ണ്ടാ​യി​രു​ന്നു​വെ​ന്ന്​ വി​ശ​ദീ​ക​രി​ച്ചു. രോ​ഗി​ക​ളെ ബു​ദ്ധി​മു​ട്ടി​ച്ചി​ട്ടി​ല്ലെ​ന്നും ഇ​ദ്ദേ​ഹം കൂ​ട്ടി​ച്ചേ​ർ​ത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:oxygen supplyUP hospitaloxygen crisis
News Summary - UP hospital snapped oxygen supply, 22 patients died within minutes
Next Story