Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ ദലിത്​...

യു.പിയിൽ ദലിത്​ യുവാവ്​ കസ്​റ്റഡിയിൽ മരിച്ചു; പൊലീസുകാരന്​ സസ്​പെൻഷൻ

text_fields
bookmark_border
യു.പിയിൽ ദലിത്​ യുവാവ്​ കസ്​റ്റഡിയിൽ മരിച്ചു; പൊലീസുകാരന്​ സസ്​പെൻഷൻ
cancel

ലഖ്​നോ: ഉത്തർ പ്രദേശിലെ റായ്​ബറേലി ജില്ലയിൽ അനധികൃതമായി കസ്​റ്റഡിയിൽ പാർപ്പിച്ച 19കാരൻ മരിച്ച സംഭവത്തിൽ പ്രതിഷേധം ശക്​തമായി. കസ്​റ്റഡി മർദനത്തെ തുടർന്നാണ്​ മരണമെന്ന യുവാവിൻെറ കുടുംബാംഗങ്ങളുടെ പരാതിയിൽ പൊലീസ്​ സ്​റ്റഷൻ ഇൻ ചാർജിനെ സ്​സ്​പെൻഡ്​ ചെയ്​തു.

ബൈക്ക്​ മോഷ്​ടിച്ചുവെന്നാരോപിച്ച്​ പിടിയിലായ യുവാവിന്​ കോവിഡ്​ ലക്ഷണങ്ങളായ ന്യൂമോണിയ, ശ്വാസതടസ്സം എന്നിവ അനുഭവപ്പെട്ടിരുന്നതായാണ്​ പൊലീസ്​ നൽകിയ വിശദീകരണം. ഞായറാഴ്​ച രാവിലെ ജില്ല ആശുപത്രിയിൽ വെച്ചാണ്​ യുവാവ്​ മരിച്ചതെന്നാണ്​ പൊലീസ്​ പറയുന്നത്​.

മോനു എന്നറിയപ്പെടുന്ന മോഹിത്തിനെയാണ്​​ ബൈക്ക്​ മോഷണ സംഘവുമായി ബന്ധമുണ്ടെന്ന്​ ആ​രോപിച്ച്​​ വെള്ളിയാഴ്​ച ​പൊലീസ്​ പിടികൂടിയത്​. കേസിൽ നാലുപേർ നേരത്തെ പിടിയിലായിരുന്നു. പട്ടികജാതി വിഭാഗക്കാരനായ മോനുവിനെയും മറ്റ്​ നാലുപേരെയും 24 മണിക്കൂർ അനധികൃതമായി തടവിൽ പാർപ്പിക്കുകയായിരുന്നു. മരണവാർത്ത പുറത്തുവന്നതിന്​ പിന്നാലെ കസ്​റ്റഡി മർദനം നടത്തിയെന്നാരോപിച്ച്​ ബന്ധുക്കളും നാട്ടുകാരും ചേർന്ന്​ പൊലീസ്​ സ്​റ്റേഷന്​ മുന്നിൽ സമരം തുടങ്ങി.

'അവർ എന്നെയും സഹോദരനെയും പിടികൂടി. താക്കോൽ എവിടെയെന്ന്​ അവർ മോനുവിനോട്​ ചോദിക്കുന്നുണ്ടായിരുന്നു. പൊലീസുകാർ അവനെ ക്രൂരമായി മർദിച്ചു'- മോനുവിൻെറ സഹോദരൻ സോനു പറഞ്ഞു. സോനുവിനെ പിടികൂടിയ ശേഷം പിന്നീട്​ വിട്ടയക്കുകയായിരുന്നു.

'ശനിയാഴ്​ച വൈകീട്ട്​ വയറുവേദന അനുഭവപ്പെട്ടതിനെത്തുടർന്ന്​ മോനുവിനെ സമീപ​ത്തെ ആശുപത്രിയിൽ കൊണ്ടുപോയി മരുന്ന്​ വാങ്ങി നൽകി. ഞായറാഴ്​ച രാവിലെ അസുഖം കൂടിയതിനെത്തുടർന്ന്​ ജില്ലാ ആശുപത്രിയിൽ പ്രവേശിപ്പിക്കുകയായിരുന്നു. ന്യൂമോണിയക്കൊപ്പം ശ്വാസതടസവും അനുഭവപ്പെട്ടതായാണ്​ ഡോക്​ടർമാർ പറഞ്ഞത്​. ശരീരത്തിൽ മുറിവേറ്റ പാടുകൾ ഉണ്ടായിരുന്നില്ല. 11 മണിയോട്​ കൂടിയായിരുന്നു മരണം. മരിച്ചയാളുടെ കുടുംബത്തിൻെറ പരാതിയിൽ ​രണ്ട്​ പൊലീസുകാർക്കെതിരെ അ​ന്വേഷണം നടത്തും'- റായ്​ബറേലി പൊലീസ്​ ചീഫ്​ സ്വപ്​നിൽ മംഗെയിൻ പറഞ്ഞു.

Show Full Article
TAGS:UP Custody death Rae Bareli UP police 
Next Story