Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബലാത്സംഗ​ കേസിൽ...

ബലാത്സംഗ​ കേസിൽ ബി.ജെ.പി നേതാവ്​ അറസ്​റ്റിൽ; യു.പി സർക്കാർ പ്രതിരോധത്തിൽ

text_fields
bookmark_border
ബലാത്സംഗ​ കേസിൽ ബി.ജെ.പി നേതാവ്​ അറസ്​റ്റിൽ; യു.പി സർക്കാർ പ്രതിരോധത്തിൽ
cancel
camera_alt

കടപ്പാട്​: twitter/drshyamprakash

ലഖ്​നോ: ഉത്തർ പ്രദേശിലെ ഹാഥറസിൽ ദലിത്​ പെൺകുട്ടി ക്രൂര ബലാത്സംഗത്തിനിരയായി കൊലചെയ്യപ്പെട്ടതിനെത്തുടർന്ന്​ രാജ്യമൊട്ടാകെ പ്രതിഷേധമുയരുകയാണ്​. ഇതിനിടെ യു.പിയിൽ ഭരണകക്ഷിയായ ബി.ജെ.പിയുടെ നേതാവിനെ തന്നെ ബലാത്സംഗ കേസിൽ അറസ്​റ്റ്​ ചെയ്​തു.

ബി.ജെ.പി യുവമോർച്ച നേതാവ്​ ഡോ. ശ്യാം പ്രകാശ് ദ്വിവേദി, ഡോക്ടർ അനില്‍ ദ്വിവേദി എന്നിവരാണ് പ്രയാഗരാജിൽ അറസ്​റ്റിലായത്​.

ഡിഗ്രി വിദ്യാര്‍ഥിയായ യുവതി കേണല്‍ഗഞ്ച് പൊലീസ് സ്​റ്റേഷനില്‍ നല്‍കിയ പരാതിയുടെ അടിസ്ഥാനത്തിലാണ് നടപടി. യുവമോർച്ചയുടെ വാരണാസി യൂനിറ്റി​െൻറ നേതാവാണ്​ അറസ്​റ്റിലായ ശ്യാംപ്രകാശ്​. ബക്ഷി ഡാമിന്​ സമീപത്ത്​ വെച്ചാണ്​ ഇയാൾ പിടിയിലായത്​.

രണ്ടാഴ്​ച മുമ്പാണ്​ പ്രതികൾ തോക്ക്​ചൂണ്ടി ബലാത്സംഗം ചെയ്​തതായി വിദ്യാർഥിനി പൊലീസിൽ പരാതി നൽകിയത്​. സ്വന്തം ഹോട്ടലിൽ എത്തിച്ചശേഷം സുഹൃത്തുക്കൾക്കൊപ്പം ചേർന്ന്​ ശ്യാം പീഡിപ്പിച്ചതായി പെൺകുട്ടി പരാതിപ്പെട്ടിരുന്നു.

മാർച്ച്​ മാസം പ്രതികൾ ഇരുവരും വീട്ടിൽ അതിക്രമിച്ച്​ കടക്കുകയും ബലാത്സംഗം ചെയ്യുകയും ചെയ്​തിരുന്നതായും ഭാവിയിൽ ഉണ്ടായേക്കാവുന്ന ഭവിഷ്യത്തുകൾ ഓർത്ത്​ കുടുംബം സംഭവം പുറത്തു പറയാതിരിക്കുകയായിരുന്നുവെന്നും പെൺകുട്ടി പരാതിയിൽ പറഞ്ഞു.

വൈദ്യപരിശോധനകൾക്ക്​ വിധേയമാക്കിയ ശേഷം മജിസ്​ട്രേറ്റി​െൻറ സാന്നിധ്യത്തിൽ ഇരയുടെ മൊഴി രേഖപ്പെടുത്തി. ദിവസങ്ങൾ കഴിഞ്ഞിട്ടും പ്രധാന പ്രതിയെ അറസ്​റ്റ്​ ചെയ്യാത്തതിൽ പ്രതിഷേധിച്ച്​ പ്രതിപക്ഷ പാർട്ടികൾ ഇയാളുടെ പോസ്​റ്റർ പതിച്ചിരുന്നു. അനിൽ ദ്വിവേദി കഴിഞ്ഞ ആഴ്​ചയാണ്​ അറസ്​റ്റിലായത്​.

പീഡന പരാതിയില്‍ ബി.ജെ.പി നേതാവിനെ തന്നെ അറസ്​റ്റ്​ ചെയ്തത് ഉത്തര്‍പ്രദേശ് സര്‍ക്കാറിനെ കൂടുതൽ പ്രതിരോധത്തിലാക്കിയിരിക്കുകയാണ്​. ഹാഥറസ്​ സംഭവത്തിൽ സവർണരായ പ്രതികള്‍ക്കെതിരെ നടപടി സ്വീകരിക്കാത്തത് വ്യാപക വിമര്‍ശനത്തിനിടയാക്കിയിരുന്നു.

കോൺഗ്രസ്​ നേതാക്കളായ രാഹുൽ ഗാന്ധിയും പ്രിയങ്ക ഗാന്ധിയും ഹാഥറസിൽ പെൺകുട്ടിയുടെ മാതാപിതാക്കളെ സന്ദർശിച്ചതിന്​ പിന്നാലെ യോഗി ആദിത്യനാഥ്​ സർക്കാർ കേസ്​ സി.ബി.ഐക്ക്​ കൈമാറുകയും ചെയ്​തു.

Show Full Article
TAGS:rape BJP leader Prayagraj 
Next Story