സർക്കാർ സ്ഥിരീകരിച്ചതിനേക്കാൾ ഏഴിരട്ടി പേരെങ്കിലും കോവിഡ്​ ബാധിച്ച്​ മരിച്ചിരിക്കാമെന്ന്​ റിപ്പോർട്ട്​; നിഷേധിച്ച്​ ആരോഗ്യമന്ത്രാലയം

ന്യൂഡൽഹി: ഇന്ത്യയിലെ കോവിഡ്​ മരണത്തെ സംബന്ധിച്ച നിർണായക പഠനറി​പ്പോർട്ട്​ പുറത്ത്​. ഇപ്പോൾ ഔദ്യോഗികമായി സ്ഥിരീകരിച്ചതിനേക്കാൾ ഏഴിരട്ടി പേരെങ്കിലും കോവിഡ്​ ബാധിച്ച്​ മരിച്ചിരിക്കാമെന്നാണ്​ പഠനത്തിൽ പറയുന്നത്​. എന്നാൽ, റിപ്പോർട്ടിനെ തള്ളി കേന്ദ്രസർക്കാർ രംഗത്തെത്തി.

ആരോഗ്യമ​ന്ത്രാലയം പുറത്തിറക്കിയ പ്രസ്​താവനയിൽ പബ്ലിക്കേഷ​െൻറ പേര്​ പരാമാർശിക്കാതെയാണ്​ പഠനത്തിനെതിരെ രംഗത്തെത്തിയിരിക്കുന്നത്​. ഒരു അടിസ്ഥാനവുമില്ലാതെയാണ്​ പഠനം നടത്തിയിരിക്കുന്നതെന്ന്​ ആരോഗ്യമന്ത്രാലയം ആരോപിച്ചു. അറിയപ്പെടുന്ന വസ്​തുതകളെ മുൻനിർത്തി മരണം പ്രവചിക്കുക മാത്രമാണ്​ പഠനത്തിൽ ചെയ്​തിട്ടുള്ളത്​. ഇതുമായി ബന്ധപ്പെട്ട്​ കൂടുതൽ കാര്യങ്ങൾ പരിശോധിച്ചിട്ടില്ല. മാസിക മരണസംഖ്യ കണക്കാക്കാൻ ഉപയോഗിച്ച ടൂളുകൾ ഒരു രാജ്യവും അംഗീകരിക്കില്ലെന്നും ആരോഗ്യ​മന്ത്രാലയം പറയുന്നു.

പഠനം നടത്തിയ സ്ഥലത്തെ കുറിച്ചും ഇതിനായി ഉപയോഗിച്ച മാർഗത്തെ കുറിച്ചും മാസിക മൗനം പാലിക്കുകയാണെന്നും ആരോഗ്യമന്ത്രാലയം കുറ്റപ്പെടുത്തി. രാജ്യ​ത്തി​െൻറ കോവിഡ്​ ഡാറ്റമാനേജ്​മെൻറ്​ പൂർണമായും സുതാര്യമാണെന്നും ആരോഗ്യമന്ത്രാലയം വ്യക്​തമാക്കുന്നു. നേരത്തെ കോവിഡ്​ മരണസംഖ്യ കണക്കാക്കിയതിൽ പിഴവുണ്ടായതിനെ തുടർന്ന്​ ബിഹാർ കണക്കുകളിൽ മാറ്റം വരുത്തിയിരുന്നു.