റോ​ഡി​ൽ അ​ശാ​സ്ത്രീ​യ ഹം​പ്​; മൂ​ന്നു ദി​വ​സ​ത്തി​നി​ടെ മൂ​ന്ന്​ മ​ര​ണം

ബം​ഗ​ളൂ​രു: മൈ​സൂ​ർ സ​ർ​വ​ക​ലാ​ശാ​ല പി.​ജി കാ​മ്പ​സാ​യ മാ​ന​സ​ഗം​ഗോ​ത്രി​ക്ക്​ സ​മീ​പം ബൊ​ഗ​ഡി മെ​യി​ൻ റോ​ഡി​ൽ അ​ശാ​സ്ത്രീ​യ​മാ​യി നി​ർ​മി​ച്ച ഹം​പ്​ കാ​ര​ണം മൂ​ന്ന് ദി​വ​സ​ത്തി​നി​ടെ മൂ​ന്നു​പേ​രു​ടെ ജീ​വ​ൻ പൊ​ലി​ഞ്ഞു. വി​രാ​ജ്​​പേ​ട്ട ക​ന്ദ​ഗ​ള സ്വ​ദേ​ശി ബി.​എം ബി​ദ്ദ​പ്പ​യു​ടെ മ​ക​ൻ ബി. ​ശി​വ​ൻ (25) ആ​ണ്​ ക​ഴി​ഞ്ഞ​ദി​വ​സം മ​രി​ച്ച​ത്. ഞാ​യ​റാ​ഴ്ച രാ​വി​ലെ 6.30 ഓ​ടെ​ ശി​വ​ൻ സ​ഞ്ച​രി​ച്ച ബൈ​ക്ക്​ ഹം​പി​ൽ​ത​ട്ടി മ​റി​ഞ്ഞ്​ ഗു​രു​ത​ര​മാ​യി പ​രി​ക്കേ​ൽ​ക്കു​ക​യാ​യി​രു​ന്നു.

ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യ​വെ, ചൊ​വ്വാ​ഴ്ച രാ​ത്രി യു​വാ​വ്​ മ​രി​ച്ചു. മൈ​സൂ​രു മ​ര​തി​ക്യാ​ത​ന​ഹ​ള്ളി സ്വ​ദേ​ശി യ​ശ്വ​ന്ത്, മൈ​സൂ​രു എ​ച്ച്.​ഡി കോ​ട്ടെ സ്വ​ദേ​ശി കു​മാ​ർ എ​ന്നി​വ​ർ ഞാ​യ​റാ​ഴ്ച ഇ​തേ​സ്ഥ​ല​ത്തു​ണ്ടാ​യ​ അ​പ​ക​ട​ത്തി​ൽ മ​ര​ണ​പ്പെ​ട്ടി​രു​ന്നു. റോ​ഡി​ൽ ഹം​പ്​ സ്ഥാ​പി​ച്ച​ത്​ തി​രി​ച്ച​റി​യാ​നാ​വാ​ത്ത​താ​ണ്​ അ​പ​ക​ട​ങ്ങ​ൾ​ക്ക്​ വ​ഴി​വെ​ച്ച​ത്. സൂ​ച​നാ ബോ​ർ​ഡു​ക​ളോ ഹം​പി​ൽ വെ​ള്ള വ​ര​യോ ന​ൽ​കി​യി​രു​ന്നി​ല്ല.

മൈ​സൂ​രു​വി​ൽ സ്വ​കാ​ര്യ ക​മ്പ​നി​യി​ൽ ജോ​ലി​ക്കാ​ര​നാ​യ ശി​വ​ൻ സ​ര​സ്വ​തി​പു​ര​ത്ത്​ വാ​ട​ക​ക്ക്​ താ​മ​സി​ച്ചു​വ​രി​ക​യാ​യി​രു​ന്നു. ജോ​ലി ക​ഴി​ഞ്ഞ്​ താ​മ​സ​സ്ഥ​ല​ത്തേ​ക്ക്​ മ​ട​ങ്ങു​ന്ന​തി​നി​ടെ​യാ​ണ്​ അ​പ​ക​ടം. അ​പ​ക​ട​ങ്ങ​ൾ പ​തി​വാ​യ​തോ​ടെ അ​ധി​കൃ​ത​ർ ക​ഴി​ഞ്ഞ​ദി​വ​സ​മെ​ത്തി ഹം​പി​ൽ വെ​ള്ള വ​ര​യി​ട്ടു.