ഉന്നാവ്​ ബലാത്സംഗക്കേസിലെ ഇരക്ക്​ വാഹനാപകടത്തിൽ ഗുരുതര പരിക്ക്​; രണ്ടു ബന്ധുക്കൾ മരിച്ചു

ന്യൂ​ഡ​ൽ​ഹി: യു.പിയിലെ ഉ​ന്നാ​വി​ൽ ബി.​ജെ.​പി എം.​എ​ൽ.​എ കു​ൽ​ദീ​പ്​ സി​ങ്​ സെ​ങ്കാ​ർ ബ​ലാ​ത്സം​ഗം ചെ​യ്​​തെ​ ന്ന്​ ആ​രോ​പി​ച്ച യു​വ​തിക്ക​ും ഇവരുടെ അഭിഭാഷകനും വാ​ഹ​നാ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റു. ഇരുവരെയും​ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. യു​വ​തി സ​ഞ്ച​രി​ച്ച കാ​ർ അമിത വേഗത്തിലെത്തിയ ട്ര​ക്കു​മാ​യി കൂ​ട്ടി​യി​ടി​ക്കു​ക​യാ​യി​രു​ന്നു. അപകടത്തി​ൽ യു​വ​തി​യു​ടെ രണ്ടു ബന്ധുക്കൾ മരിച്ചു. ഞാ​യ​റാ​ഴ്​​ച ഉ​ത്ത​ർ​പ്ര​ദേ​ശി​ലെ റാ​യ്​​ബ​റേ​ലി​യി​ലാ​യി​രു​ന്നു അപകടം.

റാ​യ്​​ബ​റേ​ലി ജ​യി​ലി​ലുള്ള അ​മ്മാ​വ​നെ കാ​ണാ​ൻ പോ​വു​ക​യാ​യി​രു​ന്നു യു​വ​തി​യും ബന്ധുക്കളും. ഇവർക്കു​ സുരക്ഷക്കായി നിയോഗിച്ച പൊലീസുകാരൻ അപകടസമയത്ത്​ ഇവരോടൊപ്പമുണ്ടായിരുന്നില്ല. ഇ​േതക്കുറിച്ച്​ അന്വേഷിക്കുമെന്ന്​ പൊലീസ്​ ഉദ്യോഗസ്​ഥർ അറിയിച്ചു. അപകടത്തിൽ ഗൂഢാലോചനയുണ്ടെന്ന്​ ബന്ധുക്കൾ ആരോപിച്ചു.
എം.​എ​ൽ.​എ ബ​ലാ​ത്സം​ഗം ചെ​യ്​​തു​വെ​ന്നും പൊ​ലീ​സി​ൽ പ​രാ​തി​പ്പെ​ട്ടി​ട്ടും ന​ട​പ​ടി​യി​ല്ലെ​ന്നും​ ആ​രോ​പി​ച്ച്​ ക​ഴി​ഞ്ഞ വ​ർ​ഷം ഏ​പ്രി​ലി​ൽ യു​വ​തി മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​​​െൻറ വ​സ​തി​ക്കു​ മു​ന്നി​ൽ ആ​ത്മ​ഹ​ത്യ ഭീ​ഷ​ണി മു​ഴ​ക്കി​യ​പ്പോ​ഴാ​ണ്​ സം​ഭ​വം പു​റം​ലോ​ക​മ​റി​ഞ്ഞ​ത്.

ഇ​തി​നു​പി​ന്നാ​െ​ല, അ​ന​ധി​കൃ​ത​മാ​യി ആ​യു​ധം കൈ​വ​ശം​വെ​ച്ചു​വെ​ന്നാ​രോ​പി​ച്ച്​ യു​വ​തി​യു​ടെ പി​താ​വി​നെ​യും സ​ഹോ​ദ​ര​നെ​യും പൊ​ലീ​സ്​ അ​റ​സ്​​റ്റ്​ ചെ​യ്​​തി​രു​ന്നു. ക​സ്​​റ്റ​ഡി​യി​ലി​രി​ക്കെ ഏ​പ്രി​ൽ എ​ട്ടി​ന്​ ഉ​ന്നാ​വ്​ ജ​യി​ലി​ൽ​വെ​ച്ച്​ യു​വ​തി​യു​ടെ പി​താ​വ്​ മ​രി​ച്ചി​രു​ന്നു.