ഉ​ന്നാ​വ് അപകടം: ട്രക്ക് ഉടമയെ തിരിച്ചറിഞ്ഞു; യു.പി മന്ത്രിയുടെ മരുമകൻ

ന്യൂഡൽഹി: ഉ​ന്നാ​വ് ബ​ലാ​ത്സം​ഗ കേസിലെ ഇ​ര​യു​ടെ അപകടത്തിന് വഴിവെച്ച ട്രക്കിന്‍റെ ഉടമയെ തിരിച്ചറഞ്ഞു. ഉത്തർപ്രദേശ് കൃഷി സഹമന്ത്രി രൺവേന്ദ്ര പ്രതാപ് സിങ്ങിന്‍റെ മരുമകനാണ് ട്രക്ക് ഉടമയായ അ​രു​ൺ സി​ങ്​. സി.ബി.ഐ രജിസ്റ്റർ ചെയ്ത കേസിലെ ഏ​ഴാം പ്ര​തി​സ്​​ഥാ​ന​ത്തു​ള്ള അ​രു​ൺ സി​ങ്​ ബി.​ജെ.​പി നേ​താ​വും ഉ​ന്നാ​വ്​ ​േബ്ലാ​ക്ക്​ പ്ര​സി​ഡ​ൻ​റു​മാ​ണ്. ഇയാൾക്ക് ലോക് സമാജ് പാർട്ടിയുമായി ബന്ധമുണ്ടെന്ന് ദേശീയ മാധ്യമങ്ങൾ റിപ്പോർട്ട് ചെയ്തു.

ബി.ജെ.പി എം.എൽ.എ കു​ൽ​ദീ​പ്​ സെ​ങ്കാ​റി​​നെതിരായ പരാതി പിൻവലിക്കാൻ അരുൺ സിങ് ഇരയുടെ രക്ഷിതാക്കളെ സമ്മർദം ചെലുത്തിയിരുന്നു. ഇക്കാര്യം ചൂണ്ടിക്കാട്ടി അരുൺ സിങ്ങിനെതിരെ പെൺകുട്ടിയുടെ അമ്മാവൻ പരാതി നൽകിയിരുന്നു. ലോക്സഭാ തെ​ര​ഞ്ഞെ​ടു​പ്പിന്‍റെ പ്ര​ചാ​ര​ണ​വേ​ള​യി​ൽ അ​രു​ൺ സി​ങ്​ ബി.​ജെ.​പി അ​ധ്യ​ക്ഷ​ൻ അ​മി​ത്​ ഷാ, ​ഉ​ന്നാ​വ്​ ബി.​ജെ.​പി എം.​പി സാ​ക്ഷി മ​ഹാ​രാ​ജ്​ തു​ട​ങ്ങി​യ​വ​ർ​ക്കൊ​പ്പം നി​ൽ​ക്കു​ന്ന ചി​ത്ര​ങ്ങ​ളും വി​ഡി​യോ​യും പുറത്തുവന്നിരുന്നു.

അതിനിടെ, ഉന്നാവ് പെൺകുട്ടിയുടെ കാറിലിടിച്ച ട്രക്ക് റോഡിന്‍റെ വലതുഭാഗത്ത് കൂടിയാണ് സഞ്ചരിച്ചതെന്ന് ദൃക്സാക്ഷി അർജുൻ വെളിപ്പെടുത്തി. കാറും ട്രക്കും അമിത വേഗതയിലായിരുന്നു. അപകടത്തിന് ശേഷം ട്രക്കിന്‍റെ ഡ്രൈവറും ക്ലീനറും ഒാടി രക്ഷപ്പെട്ടെന്നും അർജുൻ മാധ്യമങ്ങളോട് പറഞ്ഞു.