Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.പിയിലെ മതപരിവർത്തന...

യു.പിയിലെ മതപരിവർത്തന നിരോധന നിയമപ്രകാരം അറസ്റ്റിലായയാൾക്ക്​ ജാമ്യം നിഷേധിച്ച്​ കോടതി

text_fields
bookmark_border
court verdict
cancel

ലഖ്​നോ: യു.പിയിലെ മതപരിവർത്തന നിരോധന നിയമപ്രകാരം അറസ്റ്റിലായ ആൾക്ക്​ ജാമ്യം നിഷേധിച്ച്​ അലഹബാദ്​ ഹൈകോടതി. 21കാരിയായ ഹിന്ദു പെൺകുട്ടിയെ വിവാഹം കഴിച്ച ജാവേദിന്‍റെ ജാമ്യാപേക്ഷയാണ്​ കോടതി നിരസിച്ചത്​. ഇന്ത്യൻ ഭരണഘടനയുടെ ആർട്ടിക്കൾ 15(1) പ്രകാരം മതപരിവർത്തനം നിയമവിരുദ്ധമല്ല. എന്നാൽ, നിർബന്ധിത മതപരിവർത്തനം നിയമവിരുദ്ധമാണെന്ന്​ കോടതി നിരീക്ഷിച്ചു.

ജസ്റ്റിസ്​ എസ്​.കെ യാദവാണ്​ ഇതുമായി ബന്ധപ്പെട്ട ഹരജി പരിഗണിച്ചത്​. 2020 നവംബർ 17ന്​ പെൺകുട്ടി മാർക്കറ്റിലെത്തിയപ്പോൾ ജാവേദും രണ്ട്​ സഹോദരൻമാരും ചേർന്ന്​ തട്ടിക്കൊണ്ട്​ പോയെന്നാണ്​ പരാതി. നിർബന്ധിത മതപരിവർത്തനം നടത്തി വിവാഹം കഴിക്കാനാണ്​ തട്ടികൊണ്ട്​ പോയതെന്നും പിതാവ്​ നൽകിയ പരാതിയിൽ വ്യക്​തമാക്കിയിരുന്നു.

നവംബർ 25നാണ്​ ഇതുസംബന്ധിച്ച കേസ്​ രജിസ്റ്റർ ചെയ്​തത്​. മജിസ്​ട്രേറ്റിന്​ മുമ്പാകെ പെൺകുട്ടിയുടെ മൊഴിയും രേഖ​പ്പെടുത്തി. നവംബർ 17ന്​ തന്നെ തട്ടിക്കൊണ്ട്​ പോയെന്നും കർകാർദൂമ കോടതിയിലെ അഭിഭാഷകന്‍റെ ഓഫീസിലെത്തിച്ച്​ ചില രേഖകളിൽ ഒപ്പുവെപ്പിച്ചുവെന്നുമാണ്​ പെൺകുട്ടിയുടെ മൊഴി. തനിക്ക്​ ലഹരിവസ്​തു നൽകിയെന്നും അർധ ബോധാവസ്ഥയിലാണ്​ അഭിഭാഷകന്‍റെ ഓഫീസിലേക്ക്​ എത്തിയതെന്നും യുവതി വ്യക്​തമാക്കിയിട്ടുണ്ട്​.

Show Full Article
TAGS:Allahabad HC 
News Summary - Unlawful conversion for marriage: Allahabad HC rejects anticipatory bail plea of married man
Next Story