രാജ്യദ്രോഹക്കുറ്റം ചുമത്തി അന്യായ തടങ്കൽ; നഷ്​ട​പരിഹാരം ആവശ്യപ്പെട്ട്​ മണിപ്പൂർ ആക്ടിവിസ്​റ്റ്​ സുപ്രീംകോടതിയിൽ

ന്യൂഡൽഹി: ഗോമൂത്രവും ചാണകവും കൊണ്ട് കാര്യമുണ്ടായില്ലെന്ന് ഫേസ്ബുക്ക് പോസ്​റ്റിട്ടതിന് രാജ്യദ്രോഹക്കുറ്റം ചുമത്തി മേയ്​ മുതൽ തടവിലിട്ട മണിപ്പൂർ ആക്ടിവിസ്​റ്റ്​ എറെൻഡ്രോ ലീചോംബ ജയിൽമോചിതനായതിന്​ പിന്നാ​ലെ നഷ്​ടപരിഹാരം ആവശ്യപ്പെട്ട്​ സുപ്രീംകോടതിയിൽ. എറെൻഡ്രോയെ മണിക്കൂറുകൾക്കം വിട്ടയക്കാൻ കഴിഞ്ഞ ദിവസമാണ്​ സുപ്രീംകോടതി ഉത്തരവിട്ടത്​. കേന്ദ്രസർക്കാറി​െൻറ അഭിപ്രായം അറിയിക്കാൻ കേസ് െചാവ്വാഴ്ചത്തേക്ക് നീട്ടിവെക്കണമെന്ന സോളിസിറ്റർ ജനറൽ തുഷാർ മേത്തയുടെ ആവശ്യം തളിക്കളഞ്ഞായിരുന്നു ജസ്​റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ചി​െൻറ ഉത്തരവ്.

ജയിൽമോചിതനായ ഉടൻ നഷ്​ടപരിഹാരം ആവശ്യപ്പെട്ട്​ എറെൻഡ്രോ സമർപ്പിച്ച ഹരജിയിൽ സു​​​പ്രീംകോടതി മണിപ്പൂർ സർക്കാറിന്​ നോട്ടീസ്​ അയച്ചു. ഹരജി ഗൗരവമുള്ളതാണെന്ന്​ ചൂണ്ടിക്കാട്ടിയ കോടതി മണിപ്പൂർ സർക്കാറിന്​ മറുപടി നൽകാൻ രണ്ടാഴ്​ച​ സമയം നൽകി​. തനിക്കെതിരെ ചുമത്തിയ അഞ്ചു കേസുകളില്‍ ഒന്നില്‍പോലും ഇതുവരെ പൊലീസ് കുറ്റപത്രം പോലും സമര്‍പ്പിച്ചിട്ടില്ലെന്നും എറെൻഡ്രോ ചൂണ്ടിക്കാട്ടി. ഇത് അതിഗുരുതരമായ വിഷയമാണ്. ഒരാള്‍ക്ക് കഴിഞ്ഞ മേയ് മുതല്‍ സ്വാതന്ത്ര്യം നിഷേധിക്കപ്പെടുക എന്നത് അംഗീകരിക്കാന്‍ കഴിയില്ലെന്നും ജസ്​റ്റിസ് ഡി.വൈ. ചന്ദ്രചൂഡ് വാക്കാൽ പരാമർശിച്ചു. സുപ്രീംകോടതി നിര്‍ദേശം ലഭിച്ച ഉടന്‍തന്നെ ജയില്‍മോചനം സാധ്യമാക്കിയെന്ന്​ സോളിസിറ്റര്‍ ജനറല്‍ കോടതിയെ അറിയിച്ചു.

എറെൻഡ്രോയുടെ പിതാവ് സമർപ്പിച്ച ഹരജിയിൽ കേവലം 1000 രൂപയുടെ സ്വന്തം ജാമ്യത്തിന് തിങ്കളാഴ്ച വൈകീട്ട് അഞ്ച് മണിക്ക് വിട്ടയക്കാനായിരുന്നു സുപ്രീംകോടതി ഉത്തരവ്. 37കാരനായ എറെൻഡ്രോയുടെ തടങ്കൽ ഭരണഘടനയുടെ 21ാം അനുച്ഛേദം വകവെച്ചുതരുന്ന ജീവിക്കാനുള്ള അവകാശത്തി​െൻറ ലംഘനമാണെന്ന് ഉത്തരവിൽ സുപ്രീംകോടതി ഒാർമിപ്പിച്ചു. മണിപ്പൂർ ബി.ജെ.പി ഉപാധ്യക്ഷനും ജനറൽ സെക്രട്ടറിയും നൽകിയ പരാതിയിലായിരുന്നു അറസ്​റ്റ്​.