Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right'ബി.ജെ.പിക്കെതിരെ...

'ബി.ജെ.പിക്കെതിരെ ഒന്നിച്ച്​ പോരാടാൻ സമയമായി' -സോണിയ അടക്കം പ്രതിപക്ഷ നേതാക്കൾക്ക്​ ​ മമതയുടെ കത്ത്​

text_fields
bookmark_border
ബി.ജെ.പിക്കെതിരെ ഒന്നിച്ച്​ പോരാടാൻ സമയമായി -സോണിയ അടക്കം പ്രതിപക്ഷ നേതാക്കൾക്ക്​ ​ മമതയുടെ കത്ത്​
cancel

കൊൽക്കത്ത: ജനാധിപത്യത്തിന്​ നേരെ ബി.ജെ.പി നടത്തിക്കൊണ്ടിരിക്കുന്ന ആക്രമണങ്ങൾക്കെതിരെ ഐക്യത്തോടെ സമരമുഖത്തിറങ്ങാൻ സമയമായെന്ന്​ ചൂണ്ടിക്കാട്ടി കോൺഗ്രസ്​ അധ്യക്ഷ ​സോണിയ ഗാന്ധിക്കും മറ്റു പ്രതിപക്ഷ നേതാക്കൾക്കും പശ്ചിമ ബംഗാൾ മുഖ്യമന്ത്രിയും തൃണമൂൽ കോൺഗ്രസ്​ അധ്യക്ഷയുമായ മമത ബാനർജിയുടെ കത്ത്​. സോണിയ ഗാന്ധിക്ക്​ പുറമെ ശരദ്​ പവാർ, എം.കെ. സ്റ്റാലിൻ, തേജസ്വി യാദവ്​, ഉദ്ധവ്​ താക്കറെ, അരവിന്ദ്​ കെജ്​രിവാൾ, നവീൻ പട്​നായിക്​ തുടങ്ങിയവർക്കാണ്​ മമത കത്തയച്ചത്​. എന്നാൽ, സി.പി.ഐ, സി.പി.എം കക്ഷിനേതാക്കൾക്ക്​ അവർ കത്തയച്ചിട്ടില്ല.


പശ്ചിമ ബംഗാളിൽ നന്ദിഗ്രാം ഉൾ​െപടുന്ന മേഖലകളിൽ രണ്ടാംഘട്ട ​തെരഞ്ഞെടുപ്പ്​ ഏപ്രിൽ ഒന്നിന്​ നടക്കാനിരിക്കെയാണ്​ മമത പ്രതിപക്ഷ നേതാക്കൾക്ക്​ കത്തയച്ചത്​. തെരഞ്ഞെടുപ്പ്​ ഗോദയിൽ വ്യക്​തിഹത്യയും ദുരാരോപണങ്ങളുമടക്കം ബി.ജെ.പി സർവ ആയുധങ്ങളും പുറത്തെടുക്കുന്നതിനിടയിലാണ്​ ഒന്നിച്ചുള്ള പോരാട്ടത്തിന്‍റെ പ്രാധാന്യം വ്യക്​തമാക്കി മമതയുടെ കത്ത്​.

ജനാധിപത്യത്തിനും ഭരണഘടനക്കുമെതിരെ ബി.ജെ.പി നടത്തുന്ന ആക്രമണങ്ങളെ പ്രതിരോധിക്കാൻ ഏഴു പോയന്‍റുകൾ കത്തിൽ നിരത്തുന്നു. വരാനിരിക്കുന്ന നിയമസഭാ തെരഞ്ഞെടുപ്പുകൾക്ക്​ശേഷം പ്രതിപക്ഷ കക്ഷികൾ ഇതിനായി ഒന്നിച്ചിരിക്കണമെന്നും അവർ നിർദേശിക്കുന്നു. രാജ്യത്തെ ജനങ്ങൾക്ക്​ ബി.ജെ.പിക്ക്​ പകരം വിശ്വാസയോഗ്യമായ ഒരു ബദൽ മുന്നോട്ടുവെക്കുക എന്നതാണ്​ കത്തിൽ മമത ഊന്നുന്നത്​.

ജനാധിപത്യത്തിനും കോർപറേറ്റിവ്​ ഫെഡറലിസത്തിനും നേരെയുള്ള ബി.ജെ.പിയുടെ കടന്നുകയറ്റങ്ങളെ ചെറുക്കേണ്ട ആവശ്യകത ഡൽഹിയിൽ ലഫ. ഗവർണർക്ക്​ കൂടുതൽ അധികാരങ്ങൾ നൽകി പാസാക്കിയ വിവാദ നിയമം ചൂണ്ടിക്കാട്ടി മമത കത്തിൽ വിശദീകരിക്കുന്നുണ്ട്​. ബി.ജെ.പിയിതര പാർട്ടികൾക്ക്​ ഭരണഘടനാവകാശങ്ങളും സ്വാതന്ത്ര്യങ്ങളും നിഷേധിക്കുകയാണ്​ ബി.ജെ.പിയുടെ ഉന്നം. സംസ്​ഥാന സർക്കാറു​കളുടെ അധികാരത്തിൽ വെള്ളം ചേർക്കാൻ ആഗ്രഹിക്കുന്ന അവർ, സംസ്​ഥാന സർക്കാറുകളെ കേവലം മുനിസിപ്പാലിറ്റികൾ ​മാത്രമായി തരംതാഴ്​ത്താനാണ്​ ശ്രമിക്കുന്നത്​.

ചുരുക്കത്തിൽ, ഒരു ഏകകക്ഷി ഭരണത്തിന്‍റെ സ്വേച്​ഛാധിപത്യത്തിലേക്ക്​ രാജ്യത്തെ നയിക്കാനാണ്​ ബി.ജെ.പി ശ്രമിക്കുന്നതെന്നും മമത വ്യക്​തമാക്കുന്നു. തൃണമൂൽ കോൺഗ്രസിന്‍റെ അധ്യക്ഷയെന്ന നിലയിൽ, ബി.ജെ.പിക്കെതിരെ അനിവാര്യമായി മാറിക്കഴിഞ്ഞ പോരാട്ടത്തിൽ സമാനമനസ്​കരായ എല്ലാ പാർട്ടികളുമായും തുറന്ന മന​സ്സോടെ ഒന്നിച്ചു പ്രവർത്തിക്കാൻ തയാറാണെന്നും അവർ കത്തിൽ കുറിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Sonia GandhiMamata BanerjeeBJP
News Summary - 'Unite Against BJP': Mamata Banerjee In Letter To Sonia Gandhi, Others
Next Story