Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightപ്രജ്ഞ മാപ്പു...

പ്രജ്ഞ മാപ്പു പറയേണ്ടതില്ല; ഗോദ്​​സെ ഇപ്പോൾ സന്തോഷിക്കുന്നുണ്ടാകും -അനന്ത്​കുമാർ ഹെഗ്​​ഡെ

text_fields
bookmark_border
പ്രജ്ഞ മാപ്പു പറയേണ്ടതില്ല; ഗോദ്​​സെ ഇപ്പോൾ സന്തോഷിക്കുന്നുണ്ടാകും -അനന്ത്​കുമാർ ഹെഗ്​​ഡെ
cancel

ന്യൂഡൽഹി: ഗാന്ധിഘാതകൻ നാഥുറാം വിനായക്​ ഗോദ്​സെയെ അനുകൂലിച്ച്​ കേന്ദ്രമന്ത്രി അനന്ത്​കുമാർ ഹെഗ്ഡെ. ഗോദ്​സ െ അനുകൂല പരാമർശങ്ങളിൽ പ്രജ്ഞസിങ്​ മാപ്പ്​ പറയേണ്ട കാര്യമില്ലെന്ന്​ ഹെഗ്​ഡെ പറഞ്ഞു. ട്വിറ്ററിലൂടെയായിരുന്നു കേന്ദ്രമ​ന്ത്രിയുടെ പ്രതികരണം. അതേസമയം, സംഭവം വിവാദമായതോടെ ഗോദ്​സെയെ കുറിച്ച്​ പരാമർശിക്കുന്ന ട്വീറ്റ്​ അനന്ത്​കുമാർ ഹെഗ്​ഡെ നീക്കം ചെയ്​തു. തൻെറ ട്വിറ്റർ അക്കൗണ്ട്​ ഹാക്ക്​ ചെയ്യപ്പെട്ടതാണെന്നും ഹെഗ്​​ഡെ വ്യക്​തമാക്കി.

ഏഴ്​ പതിറ്റാണ്ടുകൾക്ക്​ ശേഷവും ഗോദ്​സെ ചർച്ചയാവുന്നതിൽ സന്തോഷമുണ്ട്​. ഇത്തരം ചർച്ചകളിൽ ഗോദ്​സെ സന്തോഷിക്കുന്നുണ്ടാകുമെന്നും ഹെഗ്​ഡെ വ്യക്​തമാക്കി. ബി.ജെ.പിയുടെ ഭോപ്പാൽ ലോക്​സഭ മണ്ഡലം സ്ഥാനാർഥി പ്രജ്ഞസിങ്​ ഠാക്കൂർ ഗോദ്​സെയെ അനുകൂലിച്ചതിന്​ രംഗ​ത്തെത്തിയതിന്​ പിന്നാലെയാണ്​ ഹെഗ്​ഡെയുടെയും പരാമർശം.

നാഥുറാം വിനായക്​ ഗോദ്​സെ ദേശഭക്​തനാണെന്നായിരുന്നു പ്രജ്ഞ സിങ്ങിൻെറ പ്രസ്​താവന. ഇതിനെതിരെ പ്രതിപക്ഷ പാർട്ടികൾ ഉൾപ്പടെ രൂക്ഷവിമർശനവുമായി രംഗത്തെത്തിയിരുന്നു. ഇതേ തുടർന്ന്​ ഇവർ പരാമർശം പിൻവലിച്ച്​ മാപ്പ്​ പറഞ്ഞിരുന്നു.

Show Full Article
TAGS:Anantkumar Hegde Sadhvi Pragya godse india news malayalam news 
Next Story