ഹിന്ദുവായാലും മുസ്​ലിമായാലും ഒരു കുട്ടി മതി -കേന്ദ്രമന്ത്രി

അഹ്​മദാബാദ്​: രാജ്യത്തിന്‍റെ ജനസംഖ്യ കുറക്കാൻ 'നാം ഒന്ന്​, നമുക്ക്​ രണ്ട്​' എന്ന നയം സ്വീകരിക്കണമെന്ന്​ കേന്ദ്രമന്ത്രി രാംദാസ്​ അതാവാലെ. സാമൂഹിക നീതി വകുപ്പ്​ മന്ത്രിയും റിപ്പബ്ലിക്കൻ പാർട്ടി നേതാവുമായ അതേവാല പാർട്ടി പ്രവർത്തകരോട്​ സംസാരിക്കവേയാണ്​ പരാമർശം.

ഇന്ത്യയിൽ ഭരണഘടനയും മതേതരത്വവും നിലനിൽക്കുന്നത്​ ഹിന്ദുക്കൾ ഭൂരിപക്ഷമായതിനാലാണെന്ന ഗുജറാത്ത്​ ഉപ മുഖ്യമന്ത്രി നിതിൻ പ​േട്ടലിന്‍റെ പ്രസ്​താവനയോട്​ പ്രതികരിക്കുകയായിരുന്നു അതേവാല. ഹിന്ദുജനസംഖ്യ കുറയുകയാണെന്ന വാദം ശരിയല്ലെന്ന്​ അതേവാല പറഞ്ഞു.

''ഹിന്ദു ജനസംഖ്യ കുറയുകയാണെന്ന്​ ഞാൻ വിശ്വസിക്കുന്നില്ല. ഹിന്ദുക്കൾ ഹിന്ദുക്കളായും മുസ്​ലിംകൾ മുസ്​ലിംകളായും നിലനിൽക്കും. ചിലപ്പോൾ ഏതാനും മുസ്​ലിംകളോ ഹിന്ദുക്കളോ മതം മാറിയേക്കാം. നിർബന്ധിത മത പരിവർത്തനം മാത്രമാണ്​ തെറ്റ്​. ഹിന്ദുക്കളുടേതായാലും മുസ്​ലിംകളുടേതായാലും ജനസംഖ്യ നിയ​ന്ത്രിക്കണം. ഒരു കുട്ടിയെന്ന നയം സ്വീകരിച്ചാൽ ജനസംഖ്യ നിയന്ത്രിക്കാനാകും. 'നാം രണ്ട്​, നമുക്ക്​ രണ്ട്​' എന്നതാണ്​ ഇപ്പോഴ​ത്തെ മുദ്രാവാക്യം. ഇത്​ ചുരുക്കി 'നാം രണ്ട്​ , നമുക്ക്​ ഒന്ന്​' എന്നാക്കി മാറ്റണം'' -അതേവാല പറഞ്ഞു.