കേന്ദ്രമന്ത്രി നിതിൻ ഗഡ്​കരിക്ക്​ കോവിഡ്​

ന്യൂഡൽഹി: ​കേന്ദ്രമന്ത്രി നിതിൻ ഗഡ്​കരിക്ക്​ കോവിഡ്​ സ്ഥിരീകരിച്ചു. ഗഡ്​കരി തന്നെയാണ്​ ഇക്കാര്യം ട്വിറ്ററിലൂടെ അറിയിച്ചത്​. അമിത്​ ഷാ ഉൾപ്പടെ നിരവധി കേന്ദ്രമന്ത്രിമാർക്ക്​ കോവിഡ്​ സ്ഥിരീകരിച്ചിരുന്നു.

കഴിഞ്ഞ ദിവസം ക്ഷീണം തോന്നിയതിനെ തുടർന്ന്​ ഡോക്​ടറെ കണ്ടിരുന്നു. തുടർന്ന്​ നടത്തിയ പരിശോധനകളിൽ കോവിഡ്​ സ്ഥിരീകരിച്ചു. ഇപ്പോൾ ഗുരുതര ആരോഗ്യപ്രശ്​നങ്ങളൊന്നുമില്ല. സ്വയം നിരീക്ഷണത്തിൽ പോവുകയാണെന്നും ഗഡ്​കരി ട്വിറ്ററിൽ കുറിച്ചു.

താനുമായി സമ്പർക്കത്തിലേർപ്പെട്ട എല്ലാവരും ജാഗ്രതയോടെയും സുരക്ഷയോടും ഇരിക്കണമെന്നും ഗഡ്​കരി അഭ്യർഥിച്ചു.