Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'പരാതി കേട്ടില്ലെങ്കിൽ ...

'പരാതി കേട്ടില്ലെങ്കിൽ അവരുടെ തലക്കി​ട്ടൊരടി കൊടുക്കണം' -വിവാദ പ്രസ്​താവനയുമായി കേന്ദ്രമന്ത്രി ഗിരിരാജ്​ സിങ്​

text_fields
bookmark_border
giriraj singh
cancel

ബെഗുസരായ്​(ബിഹാർ): ജനങ്ങളുടെ പരാതികളെ അവഗണിക്കുന്ന ഉദ്യോഗസ്ഥരുടെയും ജനപ്രതിനിധികളുടേയും തലക്കി​ട്ടൊരു അടി കൊടുക്കണമെന്ന്​ കേന്ദ്രമന്ത്രി ഗിരിരാജ്​ സിങ്​. ശനിയാഴ്ച ബിഹാറിലെ ബെഗുസരായ്​ ലോക്​സഭ മണ്ഡലത്തിൽ കാർഷിക സ്ഥാപനം സംഘടിപ്പിച്ച ചടങ്ങിൽ സംസാരിക്കുകയായിരുന്നു അദ്ദേഹം. കേന്ദ്ര ക്ഷീര-മൃഗസംരക്ഷണ-മത്സ്യ വകുപ്പ്​ മന്ത്രിയാണ്​ ഗിരിരാജ്​ സിങ്​.

ഉദ്യോഗസ്ഥർ തങ്ങളുടെ പരാതികളെയും ആശങ്കകളേയും പരിഗണിക്കുന്നില്ലെന്ന പരാതി സാധാരണക്കാരിൽനിന്ന്​ തനിക്ക്​ നിരന്തരം ലഭിക്കുന്നുവെന്ന്​ പറഞ്ഞ്​ തുടങ്ങിയ അദ്ദേഹം പിന്നീട്​ മുളവടികൊണ്ട്​ അത്തരക്കാരുടെ തലക്കടിക്കണമെന്ന്​ പറയുകയായിരുന്നു.

''ഞാൻ അവരോട്​(തന്നോട്​ പരാതിപ്പെട്ട സാധാരണക്കാരോട്​) പറഞ്ഞു, ഇത്തരം ചെറിയ കാര്യങ്ങൾക്കു വേണ്ടി എന്തിനാണ്​ നിങ്ങൾ എന്‍റടുത്ത്​ വരുന്നത്​​? എം.പിമാർ, എം.എൽ.എമാർ, വില്ലേജ്​ മുഖ്യൻമാർ, ഡി.എമ്മുമാർ, എസ്​.ഡി.എമ്മുമാർ, ബി.ഡി.ഒകൾ...ഇവരെല്ലാം ജനങ്ങളെ സേവിക്കാൻ ബാധ്യസ്ഥരാണ്. അവർ നിങ്ങളെ കേൾക്കുന്നില്ലെങ്കിൽ, രണ്ട്​ കൈകൊണ്ടുമായി ഒരു മുളവടിയെടുക്കുക, അവര​ുടെ തലക്ക്​ ഒരടി കൊടുക്കുക.'' -മന്ത്രി പറഞ്ഞു.

ആളുകൾ കരഘോഷത്തോടെയാണ്​ മന്ത്രിയു​െട പ്രസ്​താവനയെ എതിരേറ്റത്​.

അതേസമയം, കേന്ദ്ര മന്ത്രി ഗിരിരാജ്​ സിങ്ങിന്‍റെ പ്രസ്​താവനയെ അക്ഷരാർഥത്തിലല്ല, ആലങ്കാരികമായാണ്​ എടുക്കേണ്ടതെന്ന്​ ബിഹാറിലെ പേരു വെളിപ്പെടുത്താൻ ആഗ്രഹിക്കാത്ത ഒരു ബി.ജെ.പി നേതാവ്​ അഭിപ്രായപ്പെട്ടു.

Show Full Article
TAGS:Giriraj Singh Union Minister 
News Summary - Union Minister Giriraj Singh Says, "Beat Up Officials If they do not listen
Next Story