പ്രളയ സ്ഥലം സന്ദർശിക്കാനെത്തിയ കേന്ദ്രമന്ത്രിക്ക്​ നേരെ ചളിയേറ്​; ചൂലുയർത്തി സ്​ത്രീകൾ VIDEO

ഭോപ്പാൽ: മധ്യപ്രദേശിലെ ​ഷിയോപുരിലെ പ്രളയബാധിത പ്രദേശങ്ങൾ സന്ദർശിക്കാനെത്തിയ കൃഷി മന്ത്രി നരേന്ദ്ര സിങ്​ തോമറിനെതിരെ ശക്തമായ ജനകീയ പ്രതിഷേധം. കേന്ദ്ര മന്ത്രിയുടെ വാഹനം തടഞ്ഞ ജനങ്ങൾ കറുത്ത കൊടിയുയർത്തുകയും വാഹനത്തിന്​ നേരെ ചെളിയെറികയും ചെയ്​തു.

കേന്ദ്ര മന്ത്രിയെ ചിലർ തള്ളുകയും ചെയ്​തു. സ്​ത്രീകൾ ചൂലുയർത്തിയാണ്​ പ്രതിഷേധവുമായി ഇറങ്ങിയത്​. പ്രളയത്തിൽ സർക്കാർ ഭാഗത്ത്​ നിന്നും കെടുകാര്യസ്ഥതയുണ്ടായെന്ന്​ ആരോപിച്ചായിരുന്നു പ്രതിഷേധം. പ്രളയത്തിന്​ മുന്നറിയിപ്പ്​ നൽകിയില്ലെന്നും ജില്ല ഭരണകൂടത്തിന്‍റെ പരാജയമാണ്​ അതെന്നും നാട്ടുകാർ ആരോപിച്ചു.

പ്രതിഷേധത്തെ നിയന്ത്രിക്കാൻ പൊലീസ്​ ഏറെ പാടുപെട്ടു. സഹായം ജനങ്ങൾ ലഭിക്കാൻ വൈകിയതിലുള്ള പ്രതിഷേധമാണെന്നും മന്ത്രിയുടെ വാഹനത്തിന്​ കേടുപാടുകൾ സംഭവിച്ചില്ലെന്നും ​ഷിയോപുർ പൊലീസ്​ മേധാവി സമ്പദ്​ ഉപാധ്യായ പറഞ്ഞു. മധ്യപ്രദേശിലെ വിവിധ ഭാഗങ്ങളിലായുണ്ടായ മഴക്കെടുതിയിൽ മരണം 12 ആയി ഉയർന്നിരുന്നു. ഗ്വാളിയാർ-ചമ്പൽ മേഖലകളിലാണ്​ മരണം നാശനഷ്​ടവും