നിർഭയ കേസ് പ്രതിയുടെ ദയാഹരജി തള്ളണമെന്ന് ആഭ്യന്തരമന്ത്രാലയം
text_fieldsന്യൂഡൽഹി: വധശിക്ഷ റദ്ദാക്കണമെന്ന് ആവശ്യപ്പെട്ട് നിർഭയ കേസ് പ്രതി നൽകിയ ദയാഹരജി തള്ളണമെന്ന് രാഷ്ട്രപതിക്ക് കേന്ദ്ര ആഭ്യന്തര മന്ത്രാലയത്തിൻെറ ശിപാർശ. കേസിലെ പ്രതിയായ വിനയ് ശർമ്മയാണ് ദയാഹരജി നൽകിയത്. വിനയ് ശർമ്മയുടെ ദയാഹരജി തള്ളണമെന്ന് ഡൽഹി സർക്കാർ കേന്ദ്ര ആഭ്യന്തര മന്ത്രാലയത്തോട് ആവശ്യപ്പെട്ടിരുന്നു.
നിർഭയ കേസിൽ അഞ്ച് പ്രതികളെയാണ് കോടതി വധശിക്ഷക്ക് വിധിച്ചത്. പ്രായപൂർത്തിയാകാത്ത പ്രതിയെ ജുവനൈൽ നിയമപ്രകാരമാണ് ശിക്ഷിച്ചത്. വധശിക്ഷക്ക് വിധിക്കപ്പെട്ട അഞ്ചു പേരിൽ രാം സിങ് ജയിൽവെച്ച് ആത്മഹത്യ ചെയ്തു. ശേഷിച്ച നാലുപേരിൽ വിനയ് ശർമ്മ മാത്രമാണ് ദയാഹരജി നൽകിയത്.
ഹൈദരാബാദിൽ കൂട്ടബലാൽസംഗ കേസിലെ പ്രതികളെ പൊലീസ് വെടിവെച്ച് കൊന്ന ദിവസം തന്നെയാണ് ദയാഹരജി തള്ളാനുളള ശിപാർശ കേന്ദ്രസർക്കാർ നൽകിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.