കശ്​മീർ: പ്രധാനമന്ത്രിയുടെ വസതിയിൽ അടിയന്തര മന്ത്രിസഭായോഗം ചേർന്നു

ന്യൂഡൽഹി: ജമ്മു-കശ്മീരിൽ അനിശ്ചിതത്വം നിലനിൽക്കെ പ്രധാനമന്ത്രിയുടെ വസതിയിൽ അടിയന്തര യോഗം ചേർന്നു. ലോക്​ കല്ല്യാൺ മാർഗിലെ പ്രധാനമന്ത്രിയുടെ വസതിയിൽ ഇന്ന് 9.30നാണ്​ കേന്ദ്രമന്ത്രിസഭയുടെ അടിയന്തരയോഗം നടന്നത്​. ഇതിന്​ മു​ന്നോടിയായി കേന്ദ്ര ആഭ്യന്തര മന്ത്രി അമിത്​ ഷായും പ്രധാനമന്ത്രി നരേന്ദ്രമോദിയും തമ്മിൽ കൂടിക്കാഴ്​ച നടത്തിയിരുന്നു. ദേശീയ സുരക്ഷ ഉപദേഷ്​ടാവ്​ അജിത് ധോവലും യോഗത്തിൽ പ​ങ്കെടുത്ത ചർച്ചയിൽ സുപ്രധാന തീരുമാനങ്ങൾ കൈകൊണ്ടതായാണ്​ സൂചന.

മ​ന്ത്രിസഭാ യോഗത്തിനു ശേഷം അമിത്​ ഷാ പാർലമ​​​െൻറിലേക്ക്​ തിരിച്ചു. മന്ത്രിസഭായോഗ തീരുമാനങ്ങൾ പ്രസ്​താവനയിലൂടെ പാർലമ​​​െൻറിലെ ഇരുസഭകളിലും അറിയിക്കും.

കശ്​മീരിൽ കേന്ദ്രസർക്കാർ വൻ നടപടികൾ കൈകൊള്ളാൻ പോകുന്നുവെന്നാണ്​ റിപ്പോർട്ട്​. കശ്​മീരിന്​ സ്വയംഭരണാവകാശം നൽകുന്ന ഭരണഘടനയിലെ 370 ാം വകുപ്പ് പിൻവലിക്കാൻ സർക്കാർ ഉപദേശം തേടിയതായും സൂചനയു​ണ്ട്​.

ജമ്മുകശ്മീരിലെ സർക്കാർ നീക്കങ്ങൾ സംബന്ധിച്ച് പ്രധാനമന്ത്രി വിശദീകരിക്കണമെന്ന് ആവശ്യപ്പെട്ട് പ്രതിപക്ഷം പാർലമ​​​​​െൻറിൽ അടിയന്തരപ്രമേയത്തിന്​ നോട്ടീസ്​ നൽകി. കോൺഗ്രസും സി.പി.എമ്മുമാണ്​ അടിയന്തപ്രമേയത്തിന്​ നോട്ടീസ്​ നൽകിയത്​.

അതേസമയം, കശ്​മീരിലെ പ്ര​ധാ​ന നേ​താ​ക്കളായ മ​ഹ്​​ബൂ​ബ മു​ഫ്​​തി, ഉ​മ​ർ അ​ബ്​​ദു​ല്ല, സ​ജ്ജാ​ദ്​ ലോ​ൺ തു​ട​ങ്ങി​യ​വ​രെ വീ​ട്ടു​ത​ട​ങ്ക​ലി​ലാക്കിയിരിക്കുകയാണ്​. സം​സ്​​ഥാ​ന​ത്ത്​ മൊ​ബൈ​ൽ-​ഇ​ൻ​റ​ർ​നെ​റ്റ്​ സേ​വ​ന​ങ്ങ​ൾ വി​​ച്ഛേ​ദി​ച്ച​ു. തി​ങ്ക​ളാ​ഴ്​​ച പു​ല​ർ​ച്ചെ മു​ത​ൽ ശ്രീ​ന​ഗ​ർ ജി​ല്ല​യി​ൽ 144ാം വ​കു​പ്പ്​ പ്ര​കാ​രം നി​രോ​ധ​നാ​ജ്​​ഞ പ്ര​ഖ്യാ​പി​ച്ചു.