ഇന്ത്യയിൽ തൊഴിലില്ലായ്​മ വർധിക്കുന്നുവെന്ന്​ യു.എൻ റിപ്പോർട്ട്​

ജനീവ: ഇന്ത്യയിൽ തൊഴിലില്ലായ്​മ വർധിക്കുന്നുവെന്ന്​ യു.എൻ റിപ്പോർട്ട്​. യു.എന്നിന്​ കീഴിലുള്ള അന്താരാഷ്​ട്ര തൊഴിൽ സംഘടനയാണ്​ ഇത്​ സംബന്ധിച്ച റിപ്പോർട്ട്​ പുറത്ത്​ വിട്ടത്​. രാജ്യത്തെ തൊഴിൽരഹിതരുടെ എണ്ണം 17.7 മില്യണിൽ നിന്ന്​ 2017ൽ 17.8 മില്യണായി വർധിക്കുമെന്നാണ്​ റിപ്പോർട്ട്​​.

കഴിഞ്ഞ വർഷം ദക്ഷിണേഷ്യയിൽ ഏറ്റവും കൂടുതൽ തൊഴിലുകൾ സൃഷ്​ടിച്ചത്​ ഇന്ത്യയായിരുന്നു. 13.4 മില്യൺ പുതിയ തൊഴിലുകളാണ്​ ഇത്തരത്തിൽ ഇന്ത്യ സൃഷ്​ടിച്ചത്​. ഇന്ത്യയുടെ തൊഴിൽ മേഖലയിലെ 7.6 ശതമാനം വളർച്ച നിരക്കാണ്​ ദക്ഷിണേഷ്യക്ക്​ 6.8 ശതമാനം വളർച്ച നിരക്ക്​ കൈവരിക്കാൻ സഹായകമായതെന്നും റിപ്പോർട്ടിലുണ്ട്​.

ആഗോളതലത്തിലും തോഴിലില്ലായ്​മ വർധിക്കാൻ തന്നെയാണ്​ സാധ്യതയെന്നും റിപ്പോർട്ടിൽ പറയുന്നു. ആഗോളതലത്തിൽ തൊഴിലില്ലായ്​മ നിരക്കിൽ 2017ൽ 5.7 ശതമാനത്തി​​െൻറ വർധന ഉണ്ടാവു​െമന്നാണ്​ കണക്കാക്കുന്നത്​. കഴിഞ്ഞ വർഷം ഇത്​ 5.6 ശതമാനമായിരുന്നു. 3.4 മില്യൺ ആളുകൾ കൂടി പുതുതായി തൊഴിൽ രഹിതരുടെ പട്ടികയിലേക്ക്​ എത്തും. ആഗോളതലത്തിൽ ആകെ തൊഴിൽരഹിതരുടെ എണ്ണം എകദേശം 201 മില്യൺ ആയിരിക്കും. വികസ്വര രാജ്യങ്ങളിലായിരിക്കും തൊഴിലില്ലായ്​മ നിരക്ക്​ കൂടുതലാവുകയെന്നും റിപ്പോർട്ടിൽ പരാമർശമുണ്ട്​.