ആയുധങ്ങളുമായി അധോലോക സംഘാംഗം പിടിയിൽ

മംഗളൂരു: മാരക ആയുധങ്ങളുമായി അധോലോക സംഘാംഗം മംഗളൂരുവിൽ പിടിയിൽ. മംഗളൂരു ഹൊയ്ഗെ ബസാർ ലക്ഷ്മി കൊമ്പൗണ്ടിൽ ഹേമന് ത് കുമാറിനെയാണ്(47) മംഗളൂരു സിറ്റി ക്രൈം ബ്രാഞ്ച് അറസ്റ്റു ചെയ്തത്. ഇയാൾ കൊറഗ വിശ്വനാഥഷെട്ടിയുടെ അധോലോക സംഘാംഗമാണ്​.

രണ്ടു പിസ്റ്റളുകൾ, നാലു വെടിയുണ്ടകൾ, രണ്ടു വാളുകൾ, രണ്ട്​ കത്തികൾ, ഒരു ബേസ്ബോൾ സ്റ്റിക് എന്നിവ ഇയാളിൽ നിന്ന്​ പിടിച്ചെടുത്തിട്ടുണ്ട്​. 2004ൽ കദ്രി പാർക്കിനു സമീപം അനീഷ് ഷെട്ടിയെ കൊലപ്പെടുത്തിയ കേസിലെ പ്രതിയാണു ഹേമന്ത്.