യു.പിയിൽ നിർമാണത്തിലിരുന്ന ഹൈവേ ഫ്ലൈ ഒാവർ തകർന്ന്​ വീണു

ലക്​നോ: യു.പിയിൽ നിർമാണത്തിലിരുന്ന ഹൈവേ ഫ്ലൈ ഒാവർ തകർന്ന്​ വീണ്​ നാല്​ പേർക്ക്​ പരിക്ക്​. രണ്ട്​ പേർ ഫ്ലൈ ഒാവറിൽ കുടങ്ങി കിടക്കുന്നു. ഉത്തർപ്രദേശിലെ ബാസ്​തി ജില്ലയിലാണ്​ ദുരന്തമുണ്ടായത്​. ശനിയാഴ്​ച പുലർ​ച്ചയോടെയായിരുന്നു അപകടം.

ഫ്ലൈ ഒാവറിനെ താങ്ങി നിർത്തിയിരുന്ന ഇരുമ്പ്​ ബീമുകൾ താ​ഴേക്ക്​ പതിക്കുകയായിരുന്നുവെന്ന്​ ദൃസാക്ഷികൾ പറഞ്ഞു. കഴിഞ്ഞ രണ്ടാഴ്​ചയായി പ്രദേശത്ത്​ കനത്തമഴ പെയ്യുന്നുണ്ട്​. ഉത്തർപ്രദേശി​​​െൻറ തലസ്ഥാനമായ ലക്​നോവിൽ നിന്ന്​ 205 കിലോ മീറ്റർ അകലെയാണ്​ സംഭവസ്ഥലം.

കഴിഞ്ഞയാഴ്​ച ആഗ്ര-ലക്​നോ എക്​സ്​പ്രസ്​ ഹൈവേയുടെ ഒരു ഭാഗം തകർന്നിരുന്നു. മെയിൽ വാരണാസിയിൽ നിർമാണത്തിലിരുന്ന ഫ്ലൈ ഒാവർ തകർന്ന്​ നിരവധിപ്പേർ കൊല്ലപ്പെട്ടിരുന്നു.