Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഈ...

ഈ ​കാ​ത്തി​രി​പ്പു​​ത​ന്നെ വ​ലി​യൊ​രു ശി​ക്ഷ​യാ​ണ് -ഉ​മ​ർ ഖാ​ലി​ദ്​

text_fields
bookmark_border
ഈ ​കാ​ത്തി​രി​പ്പു​​ത​ന്നെ വ​ലി​യൊ​രു ശി​ക്ഷ​യാ​ണ് -ഉ​മ​ർ ഖാ​ലി​ദ്​
cancel
പൗ​ര​ത്വ നി​യ​മ ഭേ​ദ​ഗ​തി​ക്കെ​തി​രെ പ്ര​തി​ഷേ​ധി​ച്ച​തി​‍െൻറ പേ​രി​ൽ ഡ​ൽ​ഹി ക​ലാ​പ​ക്കേ​സി​ൽ കു​ടു​ക്കി തി​ഹാ​ർ ജ​യി​ലി​ല​ട​ക്ക​പ്പെ​ട്ട വി​ദ്യാ​ർ​ഥി നേ​താ​വ്​ ഉ​മ​ർ ഖാ​ലി​ദ്​ തടവറയിൽ​നി​ന്ന്​ കൂ​ട്ടു​കാ​ർ​ക്ക​യ​ച്ച ക​ത്ത്

ജ​യി​ലി​ലെ കോ​വി​ഡ്​ ക്വാ​റ​ൻ​റീ​ൻ ക​ഴി​ഞ്ഞ ര​ണ്ടു​ ദി​വ​സ​ങ്ങ​ൾ​ക്കു​ ശേ​ഷ​മാ​ണ്​ കേ​സി​ൽ എ​ന്നോ​ടൊ​പ്പം കു​റ്റാ​രോ​പി​ത​യാ​യ ന​താ​ഷ​യു​ടെ പി​താ​വ്​ മ​ഹാ​വീ​ർ ന​ട്​​വാ​ൾ കോ​വി​ഡ്​ ബാ​ധി​ച്ച്​ മരണപ്പെട്ട വി​വ​ര​മ​റി​യു​ന്ന​ത്.

മ​ഹാ​വീ​ർ​ജി​യെ നേ​രി​ട്ട്​ പ​രി​ച​യ​മി​ല്ല. പ​ക്ഷേ, മ​ക​ൾ അ​റ​സ്​​റ്റി​ലാ​യ ശേ​ഷം അ​ദ്ദേ​ഹം ന​ൽ​കി​യ ചി​ല അ​ഭി​മു​ഖ​ങ്ങ​ൾ ക​ണ്ടി​ട്ടു​ണ്ട്. കു​ടും​ബം ഗു​രു​ത​ര പ്ര​യാ​സ​ങ്ങ​ളി​ലൂ​ടെ നീ​ങ്ങി​യ ഘ​ട്ട​ത്തി​ലും എ​ത്ര ശാ​ന്ത​നാ​യും അ​ന്ത​സ്സോ​ടെ​യു​മാ​ണ്​ അ​ദ്ദേ​ഹം സം​സാ​രി​ച്ചി​രു​ന്ന​ത്. 'ഗൂ​ഢാ​ലോ​ച​ന' കു​റ്റ​ത്തി​ൽ കു​ടു​ക്ക​പ്പെ​ട്ട നി​ര​പ​രാ​ധി​യാ​യ മ​ക​ൾ​ക്ക്​ സ​മ്പൂ​ർ​ണ പി​ന്തു​ണ അ​റി​യി​ച്ചും ന്യാ​യീ​ക​രി​ച്ചും അ​വ​രു​ടെ സാ​മൂ​ഹി​ക പ്ര​വ​ർ​ത്ത​ന​ങ്ങ​ളി​ൽ അ​ഭി​മാ​ന​മ​റി​യി​ച്ചു​മാ​യി​രു​ന്നു ആ ​വ​ർ​ത്ത​മാ​ന​ങ്ങ​ൾ.

ജ​യി​ലി​ലെ ജീ​വി​തം സാ​ധാ​ര​ണ കാ​ല​ത്തു​ത​ന്നെ അ​ൽ​പം ബു​ദ്ധി​മു​ട്ടാ​ണ്. എ​ട്ടു മാ​സ​മാ​യി ഒ​രു സെ​ല്ലി​ൽ ഒ​റ്റ​ക്കാ​ണ്​ ഞാ​ൻ. ദി​വ​സ​വും 20 മ​ണി​ക്കൂ​റെ​ങ്കി​ലും പൂ​ട്ടി​യി​ട്ട നി​ല​യി​ൽ. ആ​രോ​ഗ്യ പ്ര​തി​സ​ന്ധി​ക​ൾ വ​ന്ന​തോ​ടെ ജ​യി​ൽ ജീ​വി​തം പ​തി​ന്മ​ട​ങ്ങ്​ പ്ര​യാ​സ​ത്തി​ലാ​യി. കോ​വി​ഡ്​ ര​ണ്ടാം​ത​രം​ഗം പ​ട​ർ​ന്നു​പി​ടി​ച്ച​തി​ൽ​പി​ന്നെ ആ​ശ​ങ്ക​യൊ​ഴി​ഞ്ഞ ഒ​രു ദി​വ​സം പോ​ലും ക​ട​ന്നു​പോ​യി​ട്ടി​ല്ല. ആ​ഴ്​​ച​യി​ൽ ഒ​രി​ക്ക​ൽ വീ​ട്ടി​ലേ​ക്ക്​ ഫോ​ൺ ചെ​യ്യാ​ൻ അ​നു​വ​ദി​ക്ക​പ്പെ​ട്ട അ​ഞ്ചു മി​നി​റ്റി​നും ര​ണ്ടാ​ഴ്​​ച​യി​ലൊ​രി​ക്ക​ൽ ചെ​യ്യാ​വു​ന്ന പ​ത്തു​മി​നി​റ്റ്​ വി​ഡി​യോ കാ​ളി​നും​വേ​ണ്ടി ഞാ​ൻ കാ​ത്തി​രി​ക്കും. സം​സാ​രി​ക്കാ​ൻ തു​ട​ങ്ങു​േ​മ്പാ​ഴേ​ക്കും സ​മ​യം അ​ങ്ങ്​ പാ​ഞ്ഞു​​പോ​വു​ക​യും കാ​ൾ മു​റി​യു​ക​യും ചെ​യ്യും. ഓ​രോ സെ​ക്ക​ൻ​ഡി​നും ഇ​ത്ര​മാ​ത്രം വി​ല​യു​ണ്ടെ​ന്ന്​ ഇ​പ്പോ​ഴാ​ണ്​ തി​രി​ച്ച​റി​യു​ന്ന​ത്.

ക​ഴി​ഞ്ഞ മാ​സം ഉ​മ്മ​യും നി​ര​വ​ധി ബ​ന്ധു​ക്ക​ളും കോ​വി​ഡ്​ പോ​സി​റ്റി​വ്​ ആ​യ വി​വ​ര​മ​റി​ഞ്ഞു. നി​ല അ​തി ഗു​രു​ത​ര​മാ​യ​തി​നെ തു​ട​ർ​ന്ന്​ അ​മ്മാ​വ​ൻ ഐ.​സി.​യു​വി​ലാ​യി​രു​ന്നു. ഈ ​വാ​ർ​ത്ത​ക​ൾ​ക്കി​ട​യി​ൽ ഒ​രു ദി​വ​സം രാ​വി​ലെ പ​നി​യും ശ​രീ​ര​വേ​ദ​ന​യു​മാ​യാ​ണ്​ ഞാ​ൻ ഉ​ണ​ർ​ന്ന​ത്. ജ​യി​ലി​ലെ ഒ.​പി വി​ഭാ​ഗ​ത്തി​ൽ പോ​യെ​ങ്കി​ലും അ​വ​ർ കു​റ​ച്ച്​ മ​രു​ന്നു​ക​ൾ ന​ൽ​കി തി​രി​ച്ച​യ​ച്ചു. ല​ക്ഷ​ണ​ങ്ങ​ൾ ക​ടു​ത്ത​തി​നെ​ത്തു​ട​ർ​ന്ന്​ ആ​റു ദി​വ​സ​ത്തി​നു​ ശേ​ഷം ഒ​രു കോ​ട​തി ഉ​ത്ത​ര​വി​‍െൻറ ബ​ല​ത്തി​ൽ പ​രി​ശോ​ധ​ന ന​ട​ത്തി, പോ​സി​റ്റി​വ്​ ആ​യി​രു​ന്നു. ഫ​ലം വ​ന്ന​ശേ​ഷം ആ​വ​ശ്യ​ത്തി​ന്​ ചി​കി​ത്സ ല​ഭി​ച്ചു, ക്വാ​റ​ൻ​റീ​നി​ലു​മാ​യി. ക്വാ​റ​ൻ​റീ​ൻ കാ​ല​ത്ത്​ വീ​ട്ടി​ലേ​ക്കു​ള്ള വി​ളി​യും അ​നു​വ​ദി​ക്ക​പ്പെ​ട്ടി​രു​ന്നി​ല്ല. അ​സ​ു​ഖം മാ​റി​യ​പ്പോ​ഴും വീ​ട്ടി​ലെ അ​വ​സ്​​ഥ എ​ന്താ​യി​രി​ക്കും എ​ന്നാ​ലോ​ചി​ച്ച്​ ഒ​രു സ​മാ​ധാ​ന​വു​മി​ല്ലാ​യി​രു​ന്നു.

ഡ​ൽ​ഹി ഹൈ​കോ​ട​തി നി​യോ​ഗി​ച്ച ഉ​ന്ന​ത​ത​ല സ​മി​തി കോ​വി​ഡ്​ സാ​ഹ​ച​ര്യം ക​ണ​ക്കി​ലെ​ടു​ത്ത്​ ത​ട​വു​കാ​ർ​ക്ക്​ ഇ​ട​ക്കാ​ല ജാ​മ്യ​മോ പ​രോ​ളോ അ​നു​വ​ദി​ക്കാ​ൻ നി​ർ​ദേ​ശി​ച്ച വി​വ​രം ക്വാ​റ​ൻ​റീ​നി​ലി​രി​ക്കെ വാ​യി​ച്ചു. പ​ക്ഷേ, യു.​എ.​പി.​എ ചു​മ​ത്തി ജ​യി​ലി​ല​ട​ക്ക​പ്പെ​ട്ട​വ​ർ​ക്ക്​ അ​ത്ത​രം ഒ​രു ആ​നു​കൂ​ല്യ​വും ല​ഭി​ക്കി​ല്ലെ​ന്ന്​ ക​ഴി​ഞ്ഞ വ​ർ​ഷ​ത്തെ അ​നു​ഭ​വ​ത്തി​ൽ​നി​ന്ന്​ ഉ​റ​പ്പാ​ണ്.

ജാ​മ്യ​മാ​ണ്​ നി​യ​മം, ജ​യി​ൽ അ​പ​രാ​ധ​മാ​ണ്​ എ​ന്ന സു​പ്രീം​കോ​ട​തി നി​രീ​ക്ഷ​ണ​ത്തെ അ​പ​ഹ​സി​ക്കു​ന്ന യു.​എ.​പി.​എ വ്യ​വ​സ്​​ഥ​ക​ൾ ഒ​ര​ു കു​റ്റാ​രോ​പി​ത​ന്​ നി​ര​പ​രാ​ധി​ത്വം തെ​ളി​യി​ക്ക​ൽ അ​തീ​വ ശ്ര​മ​ക​ര​മാ​യ പ്ര​യ​ത്​​ന​മാ​ക്കി മാ​റ്റു​ന്നു. ഞ​ങ്ങ​ളു​ടെ കേ​സി​ൽ ആ​ദ്യ അ​റ​സ്​​റ്റ്​ ന​ട​ന്നി​ട്ട്​​ ഇ​പ്പോ​ൾ 14 മാ​സ​മാ​കു​ന്നു. ഇ​ന്നേ​വ​രെ വി​ചാ​ര​ണ തു​ട​ങ്ങി​യി​ട്ടു​പോ​ലു​മി​ല്ല. ഗൂ​ഢാ​ലോ​ച​ന കേ​സി​ൽ കു​ടു​ക്ക​പ്പെ​ട്ട ഞ​ങ്ങ​ൾ 16 പേ​രും വി​ചാ​ര​ണ​ക്ക്​ മു​മ്പു​ള്ള ത​ട​വി​ലാ​ണ്. ജ​ഡ്​​ജി​മാ​രും വ​ക്കീ​ല​ന്മാ​രു​മെ​ല്ലാം അ​സു​ഖ​ബാ​ധി​ത​രാ​വു​ന്ന ഘ​ട്ട​ത്തി​ൽ ന​ട​പ​ടി​ക്ര​മ​ങ്ങ​ൾ ഇ​നി​യും നീ​ളാ​നേ ത​ര​മു​ള്ളൂ. സ​ത്യ​ത്തി​ൽ ഈ ​പ്ര​ക്രി​യ ത​ന്നെ ഒ​രു ക​ഠി​ന ശി​ക്ഷ​യാ​ണ്.

ഞാ​ൻ സ്വ​ത​ന്ത്ര​നാ​യി​രു​ന്നു​െ​വ​ങ്കി​ൽ...

അ​സാ​ധാ​ര​ണ പ​രി​ത​സ്​​ഥി​തി ക​ണ​ക്കി​ലെ​ടു​ത്ത്​ സ​ർ​ക്കാ​ർ രാ​ഷ്​​ട്രീ​യ ത​ട​വു​കാ​രെ വി​ട്ട​യ​ക്കു​മോ? അ​തി​നു​ള്ള സാ​ധ്യ​ത​യൊ​ന്നും ഞാ​ൻ കാ​ണു​ന്നി​ല്ല. പ​ക​ർ​ച്ച​വ്യാ​ധി​യു​ടെ അ​സാ​ധാ​ര​ണ സ​ന്ദ​ർ​ഭ​ത്തെ മ​റ​യാ​ക്കി​യാ​ണ​ല്ലോ ക​ഴി​ഞ്ഞ വ​ർ​ഷം പ്ര​ത​ി​ഷേ​ധ​ങ്ങ​ളെ ഒ​തു​ക്കി​യ​തും മാ​ധ്യ​മ​ശ്ര​ദ്ധ ആ​രോ​ഗ്യ-​സാ​മ്പ​ത്തി​ക പ്ര​തി​സ​ന്ധി​ക​ളി​ലേ​ക്ക്​ തി​രി​ഞ്ഞ ത​ക്കം നോ​ക്കി പൗ​ര​ത്വ ഭേ​ദ​ഗ​തി നി​യ​മ​ത്തി​‍െൻറ ഭ​ര​ണ​ഘ​ട​ന വി​രു​ദ്ധ​ത​ക്കെ​തി​രെ ശ​ബ്​​ദി​ച്ച ഞ​ങ്ങ​ളെ​പ്പോ​ലു​ള്ള​വ​രെ സ​ർ​ക്കാ​ർ അ​ക​ത്താ​ക്കി​യ​തും.

എ​ന്നാ​ലും ഞാ​ൻ ആ​ലോ​ചി​ക്കാ​റു​ണ്ട്;​ ഇ​പ്പോ​ൾ ന​മ്മ​ൾ സ്വ​ത​ന്ത്ര​രാ​യി​രു​ന്നു​വെ​ങ്കി​ൽ തീ​ർ​ച്ച​യാ​യും ആ​വ​ശ്യ​മു​ള്ള ആ​ളു​ക​ൾ​ക്ക്​ അ​വ​ർ ആ​രെ​ന്നോ എ​ന്തെ​ന്നോ നോ​ക്കാ​തെ സ​മാ​​ശ്വാ​സ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടാ​മാ​യി​രു​ന്നു​വെ​ന്ന്. പ​ക്ഷേ, ഇ​വി​ടെ​യി​ങ്ങ​നെ തീ​ർ​ത്തും വ​ഷ​ളാ​യ അ​വ​സ്​​ഥ​യി​ൽ രോ​ഗ​ങ്ങ​ളോ​ട്​ മ​ല്ലി​ട്ട്, ആ​ശ​ങ്ക​ക​ളി​ൽ മു​ഴു​കി​ക്ക​ഴി​യേ​ണ്ടി​വ​രു​ക​യാ​ണി​പ്പോ​ൾ. ന​താ​ഷ​യു​ടെ കാ​ര്യ​ത്തി​ൽ വ്യ​ക്​​തി​പ​ര​മാ​യ ദു​ര​ന്ത​വും സം​ഭ​വി​ച്ചി​രി​ക്കു​ന്നു. ​

ജീ​വ​ന​ഷ്​​ട​ത്തി​നു​ പു​റ​മെ കോ​വി​ഡ്​ ജ​ന​ങ്ങ​ളു​ടെ മാ​ന​സി​ക ആ​രോ​ഗ്യ​ത്തെ​യും പി​ടി​ച്ചു​ല​ച്ചി​രി​ക്കു​ന്നു​വെ​ന്നാ​ണ്​ വി​ദ​ഗ്​​ധ​ർ പ​റ​യു​ന്ന​ത്. ഈ ​ഘ​ട്ട​ത്തി​ൽ രാ​ഷ്​​ട്രീ​യ ത​ട​വു​കാ​രെ​യും അ​വ​രു​ടെ കു​ടും​ബ​ങ്ങ​ളെ​യും​കു​റി​ച്ചാ​ലോ​ചി​ക്കാ​നും നി​ങ്ങ​ൾ അ​ൽ​പ​സ​മ​യം മാ​റ്റി​വെ​​ച്ചി​രു​ന്നെ​ങ്കി​ൽ എ​ന്ന്​ ആ​ശി​ച്ചു​പോ​കു​ന്നു.

ഒ​രു വ​ർ​ഷം മു​ഴു​വ​ൻ ജ​യി​ലി​ൽ ക​ഴി​ഞ്ഞ മ​ക​ളെ കാ​ണാ​ൻ കൊ​തി​ച്ചു കാ​ത്തി​രു​ന്ന മ​ഹാ​വീ​ർ ന​ട്​​വാ​ളി​ന്​ കോ​വി​ഡ്​ ബാ​ധി​ച്ച്​ ആ​ശു​പ​ത്രി​യി​ൽ ക​ഴി​യേ​ണ്ടി​വ​ന്ന അ​ന്ത്യ നി​മി​ഷ​ങ്ങ​ളി​ൽ പോ​ലും അ​തി​നു സാ​ധി​ച്ചി​ല്ല. പി​താ​വി​‍െൻറ അ​ന്ത്യ​നി​മി​ഷ​ങ്ങ​ളി​ൽ ഒ​പ്പം നി​ൽ​ക്കാ​ൻ അ​നു​വ​ദി​ക്ക​പ്പെ​ടാ​തി​രു​ന്ന ന​താ​ഷ​ക്ക്​ അ​ദ്ദേ​ഹ​ത്തി​‍െൻറ സം​സ്​​കാ​രം ക​ഴി​ഞ്ഞ്​ മൂ​ന്നാ​ഴ്​​ച​ക​ൾ​ക്ക​കം ജ​യി​ലി​ലേ​ക്ക്​ മ​ട​ങ്ങേ​ണ്ടി​വ​രു​ന്ന കാ​ര്യ​വും- നി​ങ്ങ​ൾ ഒ​ന്നാ​ലോ​ചി​ച്ചു നോ​ക്കൂ.

Show Full Article
TAGS:Umar Khalid Tihar Jail 
News Summary - Umar Khalid Writes From Tihar Jail
Next Story