ഉമർ ഖാലിദിന്​ ജാമ്യം, ജയിലിൽ തുടരണം

ന്യൂഡൽഹി: വടക്കുകിഴക്കൻ ഡൽഹിയിലുണ്ടായ വംശീയ അതിക്രമത്തിൽ​ പൊലീസ്​ പ്രതിചേർത്ത ജെ.എൻ.യു മുൻ വിദ്യാർഥി നേതാവ്​ ഉമർ ഖാലിദിന്​ കോടതി ജാമ്യം അനുവദിച്ചു. ഖജൂരി ഖാസിലുണ്ടായ കലാപവുമായി ബന്ധപ്പെട്ട കേസിലാണ്​ ജാമ്യം അനുവദിച്ചത്​.

അതേസമയം, യു.എ.പി.എ കേസ്​ നിലനിൽക്കുന്നതിനാൽ ജയിലിൽതന്നെ തുടരണം. നേരത്തെ, മറ്റൊരു കേസിലും ഉമറിന്​ ജാമ്യം ലഭിച്ചിരുന്നു. കഴിഞ്ഞ വർഷം ഒക്​ടോബറിലാണ്​ ഉമർ ഖാലിദിനെ അറസ്റ്റു ചെയ്​തത്​.