ഓപറേഷൻ സിന്ദൂർ: ഇന്ത്യയും പാകിസ്താനും സംയമനം പാലിക്കണമെന്ന് യുക്രെയ്ൻ

കിയവ്: പ​ഹ​ൽ​ഗാം ഭീകരാക്രമണത്തിന് മറുപടിയായി പാ​കി​സ്താ​നി​ലെ​യും പാ​ക് അ​ധീ​ന ക​ശ്മീ​രി​ലെ​യും ഭീ​ക​ര കേ​ന്ദ്ര​ങ്ങ​ൾ ത​ക​ർ​ത്ത ഇന്ത്യൻ തി​രി​ച്ച​ടി​യി​ൽ പ്രതികരിച്ച് യുക്രെയ്ൻ. ഇന്ത്യയും പാകിസ്താനും നയതന്ത്രമാർഗത്തിലൂടെ പ്രശ്നം പരിഹരിക്കണമെന്ന് യുക്രെയ്ൻ വിദേശകാര്യ മന്ത്രാലയം വാർത്താകുറിപ്പിൽ ആവശ്യപ്പെട്ടു.

മേഖലയുടെ സുരക്ഷയെ കൂടുതൽ വഷളാക്കുന്ന നടപടികൾ ഇരുരാജ്യങ്ങളും ഒഴിവാക്കണം. ഇന്ത്യയും പാകിസ്താനും സംയമനം പാലിക്കണം. ദക്ഷിണേഷ്യൻ മേഖലയിലെ സുരക്ഷയെ പ്രതികൂലമായി ബാധിക്കുന്ന പ്രവർത്തനങ്ങളിൽ നിന്ന് വിട്ടുനിൽക്കണം.

തർക്കവിഷയങ്ങളിൽ നയതന്ത്ര പരിഹാരത്തിന് മുൻഗണന നൽകണം. സംഘർഷങ്ങൾ ഉടനടി ലഘൂകരിക്കണമെന്നും സമാധാനവും സ്ഥിരതയും പുനഃസ്ഥാപിക്കാനുള്ള എല്ലാ ശ്രമങ്ങളെയും പിന്തുണക്കുന്നതായും യുക്രെയ്ൻ കൂട്ടിച്ചേർത്തു.

26 പേർ കൊല്ലപ്പെട്ട പ​ഹ​ൽ​ഗാം ഭീകരാക്രമണത്തിന് ഇന്ത്യൻ സൈന്യം നൽകിയ കനത്ത തി​രി​ച്ച​ടി​യി​ൽ പാ​കി​സ്താ​നി​ലെ​യും പാ​ക് അ​ധീ​ന ക​ശ്മീ​രി​ലെ​യും ഭീ​ക​ര കേ​ന്ദ്ര​ങ്ങ​ൾ ത​ക​ർ​ത്തിരുന്നു. ‘ഓ​പ​റേ​ഷ​ൻ സി​ന്ദൂ​ർ’ എ​ന്ന് പേ​രി​ട്ട 25 മി​നി​റ്റ് നീ​ണ്ട സം​യു​ക്ത സൈ​നി​ക ന​ട​പ​ടി​യി​ൽ ഒ​മ്പ​ത് ഭീ​ക​ര കേ​ന്ദ്ര​ങ്ങ​ളെ​യാ​ണ് ല​ക്ഷ്യ​മി​ട്ട​ത്. ബു​ധ​നാ​ഴ്ച പു​ല​ർ​ച്ച 1.05ന് ​ആ​രം​ഭി​ച്ച മി​സൈ​ൽ, ഡ്രോ​ൺ ആ​ക്ര​മ​ണം 1.30ന് ​അ​വ​സാ​നി​ച്ചു. പ​ഹ​ൽ​ഗാ​മി​ൽ ഭീകരാക്രമണം നടന്ന് 14 ദി​വ​സ​ങ്ങ​ൾ​ക്ക് ​ശേ​ഷ​മാ​യിരുന്നു ഇന്ത്യയുടെ തിരിച്ചടി.

ല​ശ്ക​റെ ത്വ​യ്യി​ബ​യു​ടെ​യും ജ​യ്ശെ മു​ഹ​മ്മ​ദി​ന്റെ​യും ഹി​സ്ബു​ൽ മു​ജാ​ഹി​ദീ​ന്റെ​യും പ​രി​ശീ​ല​ന ക്യാ​മ്പു​ക​ളും ആ​സ്ഥാ​ന​ങ്ങ​ളും ഒ​ളി​സ​​ങ്കേ​ത​ങ്ങ​ളും ആ​ക്ര​മ​ണ​ത്തി​ൽ ത​ക​ർ​ന്നു. ഇ​ന്ത്യ​ൻ അ​തി​ർ​ത്തി​യി​ൽ​ നി​ന്ന് ആ​റു​മു​ത​ൽ 100 വ​രെ കി​ലോ​മീ​റ്റ​ർ അ​ക​ലെ​യു​ള്ള കേ​ന്ദ്ര​ങ്ങ​ളാ​ണി​വ. ഇ​തി​ൽ നാ​ലെ​ണ്ണം പാ​കി​സ്താ​നി​ലും അ​ഞ്ചെ​ണ്ണം പാ​ക് അ​ധീ​ന ക​ശ്മീ​രി​ലു​മാ​ണ്. 21 ഭീ​ക​ര ക്യാ​മ്പു​ക​ളാ​ണ് ത​ക​ർ​ത്ത് ത​രി​പ്പ​ണ​മാ​ക്കി​യ​ത്.

പാ​കി​സ്താ​ന്റെ വ്യോ​മാ​തി​ർ​ത്തി ലം​ഘി​ക്കാ​തെ റ​ഫാ​ൽ യു​ദ്ധ വി​മാ​ന​ങ്ങ​ളും സ്കാ​ൽ​പ്, ഹാ​മ​ർ മി​സൈ​ലു​ക​ളും ഉ​പ​​യോ​ഗി​ച്ചാ​യാ​യി​രു​ന്നു കൃ​ത്യ​വും സൂ​ക്ഷ്മ​വു​മാ​യ ആ​ക്ര​മ​ണം. ഇ​ന്ത്യ​യു​ടെ തി​രി​ച്ച​ടി​യി​ൽ 26 പേ​ർ മ​രി​ക്കു​ക​യും 46 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.