കാമ്പസുകൾ ഭിന്നശേഷി സൗഹൃദമാക്കണമെന്ന്​ യു.ജി.സി

ന്യൂ​ഡ​ല്‍ഹി: ഉ​ന്ന​ത വി​ദ്യാ​ഭ്യാ​സ​രം​ഗം ഭി​ന്ന​ശേ​ഷി സൗ​ഹൃ​ദ​മാ​ക്കാ​നു​ള്ള ​ക​ര​ട്​ മാ​ർ​ഗ​രേ​ഖ സ​ർ​വ​ക​ലാ​ശാ​ല ധ​ന​സ​ഹാ​യ ക​മീ​ഷ​ൻ (യു.​ജി.​സി) പു​റ​ത്തി​റ​ക്കി. 18ഓ​ളം ഭി​ന്ന​ശേ​ഷി വി​ഭാ​ഗ​ങ്ങ​ളി​ലു​ള്ള വി​ദ്യാ​ര്‍ഥി​ക​ളി​ലും അ​ധ്യാ​പ​ക​രി​ലും സ​ര്‍വേ ന​ട​ത്തി​യാ​ണ് മാ​ര്‍ഗ​രേ​ഖ ത​യാ​റാ​ക്കി​യി​രി​ക്കു​ന്ന​ത്.

കാ​മ്പ​സി​ലെ ന​ട​പ്പാ​ത​ക​ള്‍, ശൗ​ചാ​ല​യ​ങ്ങ​ള്‍, ലൈ​ബ്ര​റി​ക​ള്‍, ലാ​ബു​ക​ള്‍, ഓ​ഡി​റ്റോ​റി​യം, ക​ളി​സ്ഥ​ല​ങ്ങ​ള്‍, ഹോ​സ്റ്റ​​ലു​ക​ള്‍, കാ​ന്‍റീ​ന്‍ തു​ട​ങ്ങി​യ​വ ഭി​ന്ന​ശേ​ഷി സൗ​ഹൃ​ദ​മാ​യി​രി​ക്ക​ണ​മെ​ന്നും പ​ര​സ​ഹാ​യ​മി​ല്ലാ​തെ എ​ല്ലാ കെ​ട്ടി​ട​ങ്ങ​ളി​ലേ​ക്കും ഭി​ന്ന​ശേ​ഷി​ക്കാ​ർ​ക്ക്​ സ്വ​ത​ന്ത്ര​മാ​യി സ​ഞ്ച​രി​ക്കാ​നാ​ക​ണ​മെ​ന്നും ക​ര​ട്​ മാ​ർ​ഗ രേ​ഖ ആ​വ​ശ്യ​പ്പെ​ടു​ന്നു. കെ​ട്ടി​ട​ത്തി​ല്‍ മാ​റ്റം​വ​രു​ത്തു​ന്ന​തി​നൊ​പ്പം ബാ​റ്റ​റി വീ​ല്‍ചെ​യ​റും കാ​മ്പ​സി​നു​ള്ളി​ല്‍ സ​ജ്ജീ​ക​രി​ക്ക​ണം.

കോ​ള​ജ് പ്ര​വേ​ശ​നം, അ​ഭി​മു​ഖം എ​ന്നി​വ ഭി​ന്ന​ശേ​ഷി സൗ​ഹൃ​ദ കെ​ട്ടി​ട​ത്തി​ല്‍ മാ​ത്ര​​മേ ന​ട​ത്താ​വൂ. ലൈ​ബ്ര​റി​ക​ളി​ലെ ബു​ക്ക് റാ​ക്കു​ക​ള്‍ താ​ഴ്ത്തി സ്ഥാ​പി​ക്ക​ണം. ഓ​ഫ്​​ലൈ​ൻ ആ​യും ഓ​ണ്‍ലൈ​നാ​യും ക്ലാ​സു​ക​ളി​ല്‍ പ​ങ്കെ​ടു​ക്കാ​ൻ സൗ​ക​ര്യ​മൊ​രു​ക്ക​ണം. ക്ലാ​സു​ക​ളി​ല്‍ ഹാ​ജ​രാ​കാ​നും നേ​ര​ത്തേ പോ​കാ​നും ഇ​ള​വ് അ​നു​വ​ദി​ക്ക​ണം. പാ​ഠ്യ​പ​ദ്ധ​തി​യും ഇ​ന്‍റേ​ണ​ല്‍ അ​ട​ക്ക​മു​ള്ള മൂ​ല്യ​നി​ര്‍ണ​യ​ങ്ങ​ളി​ലും ഇ​ള​വു​ക​ള്‍ ന​ല്‍ക​ണം. കാ​ഴ്ച​പ​രി​മി​ത​ര്‍ക്ക് പ​ഠ​ന​സാ​മ​ഗ്രി​ക​ള്‍ ബ്രെ​യി​ല്‍ ലി​പി​യി​ല്‍ സൗ​ജ​ന്യ​മാ​യി ല​ഭ്യ​മാ​ക്ക​ണം.

മൂ​ക​രും ബ​ധി​ര​രു​മാ​യ​വ​ർ​ക്ക്​ ആം​ഗ്യ​ഭാ​ഷ വി​ദ​ഗ്​​ധ​രെ നി​യ​മി​ക്ക​ണം. പ​രീ​ക്ഷ​ക്ക്​ ഒ​രു മ​ണി​ക്കൂ​റി​ന് 20 മി​നി​റ്റ് എ​ന്ന ക​ണ​ക്കി​ൽ അ​ധി​ക സ​മ​യം അ​നു​വ​ദി​ക്ക​ണ​മെ​ന്നും ക​ര​ട് മാ​ര്‍ഗ​രേ​ഖ​യി​ല്‍ വ്യ​ക്ത​മാ​ക്കി. മാ​ര്‍ച്ച് ഏ​ഴു​വ​രെ പൊ​തു​ജ​ന​ങ്ങ​ള്‍ക്ക് അ​ഭി​പ്രാ​യം അ​റി​യി​ക്കാം.