സ്വകാര്യ സർവകലാശാല; പിടിമുറുക്കാൻ യു.ജി.സി

തി​രു​വ​ന​ന്ത​പു​രം: സ്വ​കാ​ര്യ സ​ർ​വ​ക​ലാ​ശാ​ല​ക​ളു​ടെ അ​നു​മ​തി, നി​യ​ന്ത്ര​ണം എ​ന്നി​വ​യി​ൽ അ​ധി​കാ​ര​പ​രി​ധി വി​പു​ല​മാ​ക്കി യു.​ജി.​സി​യു​ടെ പു​തി​യ റെ​ഗു​ലേ​ഷ​ൻ വ​രു​ന്നു. നി​ല​വി​ൽ 2003ലെ ​ചു​രു​ങ്ങി​യ വ്യ​വ​സ്ഥ​ക​​ളോ​ടെ​യു​ള്ള റെ​ഗു​ലേ​ഷ​നാ​ണ്​ സ്വ​കാ​ര്യ സ​ർ​വ​ക​ലാ​ശാ​ല​ക​ൾ​ക്കാ​യു​ള്ള​ത്. കേ​ര​ള​ത്തി​ൽ സ്വ​കാ​ര്യ സ​ർ​വ​ക​ലാ​ശാ​ല​ക​ൾ​ക്ക്​ അ​നു​മ​തി ന​ൽ​കി​യു​ള്ള ബി​ൽ​ നി​യ​മ​സ​ഭ​യി​ൽ അ​വ​ത​രി​പ്പി​ക്കാ​നി​രി​ക്കെ​യാ​ണ്​ ഈ ​മേ​ഖ​ല​യി​ൽ കൂ​ടി പി​ടി​മു​റു​ക്കാ​ൻ യു.​ജി.​സി നീ​ക്കം. ഇ​തു​സം​ബ​ന്ധി​ച്ച്​ സം​സ്ഥാ​ന​ങ്ങ​ളോ​ട്​ കേ​ന്ദ്ര വി​ദ്യാ​ഭ്യാ​സ മ​ന്ത്രാ​ല​യം അ​ഭി​പ്രാ​യം തേ​ടി. പൊ​തു​മേ​ഖ​ല​യി​ലു​ള്ള സം​സ്ഥാ​ന സ​ർ​വ​ക​ലാ​ശാ​ല​ക​ളി​ലെ വി.​സി, അ​ധ്യാ​പ​ക നി​യ​മ​ന​ങ്ങ​ളി​ൽ ചാ​ൻ​സ​ല​റാ​യ ഗ​വ​ർ​ണ​ർ​ക്ക്​ കൂ​ടു​ത​ൽ അ​ധി​കാ​രം ന​ൽ​കി​യും സം​സ്ഥാ​ന സ​ർ​ക്കാ​റു​ക​ളെ അ​പ്ര​സ​ക്ത​മാ​ക്കി​യു​മു​ള്ള ക​ര​ട്​ റെ​ഗു​ലേ​ഷ​ൻ വി​വാ​ദ​മാ​യി​രി​ക്കെ​യാ​ണ്​ സ്വ​കാ​ര്യ സ​ർ​വ​ക​ലാ​ശാ​ല​യി​ലേ​ക്കും യു.​ജി.​സി കൈ​വെ​ക്കു​ന്ന​ത്.

സ്വ​കാ​ര്യ സ​ർ​വ​ക​ലാ​ശാ​ല സ്ഥാ​പി​ക്കു​ന്ന​തി​ൽ സം​സ്ഥാ​ന​ങ്ങ​ളു​ടെ​ നി​യ​മ​നി​ർ​മാ​ണ​ത്തി​ന് പ്രാ​ധാ​ന്യം ന​ൽ​കി​യാ​ണ്​ 2003ലെ ​റെ​ഗു​ലേ​ഷ​നെ​ങ്കി​ൽ ദേ​ശീ​യ വി​ദ്യാ​ഭ്യാ​സ ന​യ​ത്തി​ന്‍റെ അ​ടി​സ്ഥാ​ന​ത്തി​ൽ മാ​ന​ദ​ണ്ഡ​ങ്ങ​ൾ നി​ശ്ച​യി​ച്ചാ​ണ് ‘യു.​ജി.​സി (എ​സ്റ്റാ​ബ്ലി​ഷ്​​മെ​ന്‍റ്​ ആ​ൻ​ഡ്​​ മെ​യി​ന്‍റ​ന​ൻ​സ്​ ഓ​ഫ്​ സ്റ്റാ​​​ന്‍റേ​ഡ്​​സ്​ ഇ​ൻ സ്​​റ്റേ​റ്റ്​ പ്രൈ​വ​റ്റ്​ യൂ​നി​വേ​ഴ്​​സി​റ്റീ​സ്) റെ​ഗു​ലേ​ഷ​ൻ, 2025’ എ​ന്ന പേ​രി​ൽ ​പ​രി​ഷ്കാ​രം കൊ​ണ്ടു​വ​രു​ന്ന​ത്. സ്വ​കാ​ര്യ സ​ർ​വ​ക​ലാ​ശാ​ല​ക​ൾ​ക്ക്​ ഓ​ഫ്​ കാ​മ്പ​സു​ക​ൾ തു​റ​ക്കാ​നു​ള്ള മാ​ന​ദ​ണ്ഡ​ങ്ങ​ളും റെ​ഗു​ലേ​ഷ​നി​ൽ നി​ർ​ദേ​ശി​ക്കും. നാ​ഷ​ന​ൽ അ​സ​സ്​​മെ​ന്‍റ്​ ആ​ന്‍ഡ്​ അ​ക്ര​ഡി​റ്റേ​ഷ​ൻ കൗ​ൺ​സി​ലി​ന്‍റെ (നാ​ക്) സാ​ധു​വാ​യ അ​ക്ര​ഡി​റ്റേ​ഷ​ൻ/ ദേ​ശീ​യ വി​ദ്യാ​ഭ്യാ​സ ന​യം അ​ടി​സ്ഥാ​ന​പ്പെ​ടു​ത്തി​യു​ള്ള ഗ്രേ​ഡി​ങ്​ മാ​ന​ദ​ണ്ഡ​ങ്ങ​ൾ പ്ര​കാ​രം 75 ശ​ത​മാ​നം സ്​​കോ​റി​ൽ കു​റ​യാ​തെ, എ​ൻ.​ഐ.​ആ​ർ.​എ​ഫ്​ റാ​ങ്കി​ങ്ങി​ൽ ആ​ദ്യ 200ൽ ​ഇ​ടം​പി​ടി​ക്കു​ന്ന​വ​ക്കാ​യി​രി​ക്കും ഓ​ഫ്​ കാ​മ്പ​സി​നു​ള്ള അ​നു​മ​തി.

എ​ക്സി​ക്യൂ​ട്ടി​വ്​ കൗ​ൺ​സി​ൽ, അ​ക്കാ​ദ​മി​ക്​ കൗ​ൺ​സി​ൽ, ഫി​നാ​ൻ​സ്​ ക​മ്മി​റ്റി തു​ട​ങ്ങി​യ​വ​യു​ടെ ഘ​ട​ന​യും നി​ർ​ദേ​ശി​ക്കു​ന്നു​ണ്ട്. നി​ല​വി​ൽ ഇ​വ​യെ​ല്ലാം സം​സ്ഥാ​ന നി​യ​മ​ത്തി​ന്‍റെ ഭാ​ഗ​മാ​ണ്. റെ​ഗു​ലേ​ഷ​ൻ പാ​ലി​ച്ചി​ല്ലെ​ങ്കി​ൽ ബി​രു​ദം ന​ൽ​കാ​നു​ള്ള അ​നു​മ​തി ത​ട​യ​ൽ, സ​ർ​വ​ക​ലാ​ശാ​ല​യു​ടെ അം​ഗീ​കാ​രം പി​ൻ​വ​ലി​ക്ക​ൽ, യു.​ജി.​സി നി​യ​മ​ത്തി​ലെ 2 (എ​ഫ്), 12 (ബി) ​വ​കു​പ്പു​ക​ൾ പ്ര​കാ​ര​മു​ള്ള പ​ട്ടി​ക​യി​ൽ​നി​ന്ന്​ നീ​ക്ക​ൽ തു​ട​ങ്ങി​യ ന​ട​പ​ടി​ക​ൾ​ക്കു​ള്ള വ്യ​വ​സ്ഥ​ക​ളും പു​തി​യ റെ​ഗു​ലേ​ഷ​നി​ലു​ണ്ടാ​കും. സ്വ​കാ​ര്യ സ​ർ​വ​ക​ലാ​ശാ​ല സ്ഥാ​പി​ക്കാ​ൻ സം​സ്ഥാ​ന​ങ്ങ​ളി​ൽ നി​യ​മ​നി​ർ​മാ​ണം ആ​വ​ശ്യ​മെ​ന്ന്​ വ്യ​വ​സ്ഥ ചെ​യ്യു​ന്നു​​ണ്ടെ​ങ്കി​ലും നേ​ര​ത്തെ ഇ​ല്ലാ​തി​രു​ന്ന കൂ​ടു​ത​ൽ വ്യ​വ​സ്ഥ​ക​ൾ സ​ഹി​ത​മാ​ണ് റെ​ഗു​ലേ​ഷ​ൻ നി​ല​വി​ൽ വ​രു​ന്ന​ത്.