Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഉ​ദ്ധ​വ്​ ​താ​ക്ക​റെ...

ഉ​ദ്ധ​വ്​ ​താ​ക്ക​റെ ഇ​ന്ന്​ സ​ത്യ​പ്ര​തി​ജ്​​ഞ ചെ​യ്യും

text_fields
bookmark_border
ഉ​ദ്ധ​വ്​ ​താ​ക്ക​റെ ഇ​ന്ന്​ സ​ത്യ​പ്ര​തി​ജ്​​ഞ ചെ​യ്യും
cancel

മും​ബൈ: ഒ​രു മാ​സം നീ​ണ്ട രാ​ഷ്​​ട്രീ​യ നാ​ട​ക​ങ്ങ​ൾ​ക്കൊ​ടു​വി​ൽ മ​ഹാ​രാ​ഷ്​​ട്ര​യി​ൽ 18ാമ​ത്​ മു​ഖ്യ​മ​ ന്ത്രി​യാ​യി ശി​വ​സേ​ന, എ​ൻ.​സി.​പി, കോ​ൺ​ഗ്ര​സ്​ സ​ഖ്യം (മ​ഹാ വി​കാ​സ്​ അ​ഗാ​ഡി) നേ​താ​വും ശി​വ​സേ​ന അ​ധ്യ​ക ്ഷ​നു​മാ​യ ഉ​ദ്ധ​വ്​ ​താ​ക്ക​റെ ഇ​ന്ന്​ സ​ത്യ​പ്ര​തി​ജ്​​ഞ ചെ​യ്യും. വ്യാ​ഴാ​ഴ്ച വൈ​കീ​ട്ട്​ 6.40ന് ​ദാ​ദ​റി​ ലെ ശി​വ​ജി പാ​ർ​ക്കി​ലാ​ണ്​ സ​ത്യ​പ്ര​തി​ജ്ഞ ച​ട​ങ്ങ്.


ഉ​ദ്ധ​വി​നൊ​പ്പം മൂ​ന്നു പാ​ർ​ട്ടി​ക​ളി​ൽ​ന ി​ന്നും ​​ഒന്നോ രണ്ടോ പേർ മ​ന്ത്രി​മാ​രാ​യി സ​ത്യ​പ്ര​തി​ജ്ഞ െച​യ്യും. നാ​ലു ദി​വ​സം മു​മ്പ്​ പാ​തി​രാ അ​ട ്ടി​മ​റി​യി​ലൂ​ടെ ദേ​വേ​ന്ദ്ര ഫ​ഡ്​​നാ​വി​സി‍​​െൻറ​യും അ​ജി​ത്​ പ​വാ​റി‍​​െൻറ​യും നേ​തൃ​ത്വ​ത്തി​ൽ നി​ല​ വി​ൽ​വ​ന്ന ബി.​ജെ.​പി സ​ർ​ക്കാ​ർ വീ​ണ​തോ​ടെ ചൊ​വ്വാ​ഴ്​​ച രാ​ത്രി​യാ​ണ്​ മ​ഹാ വി​കാ​സ്​ അ​ഗാ​ഡി ഉ​ദ്ധ​വി‍ ​​െൻറ നേ​തൃ​ത്വ​ത്തി​ൽ സ​ർ​ക്കാ​ർ രൂ​പ​വ​ത്​​ക​രി​ക്കാ​ൻ ഗ​വ​ർ​ണ​റെ ക​ണ്ട്​ അ​വ​കാ​ശ​മു​ന്ന​യി​ച്ച​ത്.

സു​പ്രീം​കോ​ട​തി ഉ​ത്ത​ര​വി​നെ തു​ട​ർ​ന്ന്​ ബു​ധ​നാ​ഴ്​​ച ന​ട​ന്ന പ്ര​ത്യേ​ക നി​യ​മ​സ​ഭ​യി​ൽ ദേ​വേ​ന് ദ്ര ഫ​ഡ്​​നാ​വി​സ്, അ​ജി​ത്​ പ​വാ​ർ, ആ​ദി​ത്യ താ​ക്ക​റെ തു​ട​ങ്ങി 288 എം.​എ​ൽ.​എ​മാ​രും സ​ത്യ​പ്ര​തി​ജ്​​ഞ ചൊ​ ല്ലി. മു​ഖ്യ​മ​ന്ത്രി​പ​ദ​മു​ൾ​െ​പ​ടെ ശി​വ​സേ​ന​ക്ക്​ 16 മ​ന്ത്രി​മാ​ർ, എ​ൻ.​സി.​പി​ക്ക്​ ഉ​പ​മു​ഖ്യ​മ​ന്ത്രി പ​ദ​മു​ൾ​െ​പ​ടെ 14, കോ​ൺ​ഗ്ര​സി​ന്​ സ്​​പീ​ക്ക​ർ പ​ദ​മു​​ൾെ​പ​ടെ 12 എ​ന്നി​ങ്ങ​നെ​യാ​ണ്​ മ​ന്ത്രി​മാ​രു​ടെ എ​ണ്ണം സം​ബ​ന്ധി​ച്ച്​ മ​ഹാ വി​കാ​സ്​ അ​ഗാ​ഡി​യു​ടെ യോ​ഗ​ത്തി​ലെ ധാരണ.
ശി​വ​സേ​ന, എ​ൻ.​സി.​പി, കോ​ൺ​ഗ്ര​സ്​ നേ​താ​ക്ക​ൾ വൈ​കി​യും ച​ർ​ച്ച തു​ട​രു​ക​യാ​ണ്. മൂ​ന്ന്​ എം.​എ​ൽ.​എ​മാ​രു​ള്ള ഹി​തേ​ന്ദ്ര ഠാ​കു​റി‍​​െൻറ ബ​ഹു​ജ​ൻ വി​കാ​സ്​ അ​ഗാ​ഡി​യും പി​ന്തു​ണ പ്ര​ഖ്യാ​പി​ച്ച​തോ​ടെ മ​ഹാ വി​കാ​സ്​ അ​ഗാ​ഡി​യു​ടെ അം​ഗ​ബ​ലം169 ആ​യി. 288 അം​ഗ സ​ഭ​യി​ൽ 145 ആ​ണ്​ കേ​വ​ല ഭൂ​രി​പ​ക്ഷ​ത്തി​ന്​ വേ​ണ്ട​ത്. സ​ത്യ​പ്ര​തി​ജ്ഞ ചെ​യ്​​ത്​ ഏ​ഴു ദി​വ​സ​ത്തി​ന​കം ഉ​ദ്ധ​വ്​ ഭൂ​രി​പ​ക്ഷം തെ​ളി​യി​ക്ക​ണം.

20 വ​ർ​ഷ​ങ്ങ​ൾ​ക്കു​ ശേ​ഷ​മാ​ണ്​ മ​ഹാ​രാ​ഷ്​​ട്ര​യി​ൽ ശി​വ​സ​ന​ക്ക്​ മു​ഖ്യ​മ​ന്ത്രി​യു​ണ്ടാ​കു​ന്ന​ത്. 1995ൽ ​ശി​വ​സേ​ന, ബി.​ജെ.​പി സ​ഖ്യ സ​ർ​ക്കാ​റി​ൽ മ​നോ​ഹ​ർ േജാ​ഷി​യും, നാ​രാ​യ​ൺ റാ​ണെ​യു​മാ​ണ്​ മു​മ്പ്​ മു​ഖ്യ​മ​ന്ത്രി​മാ​രാ​യ​ത്. താ​ക്ക​റെ കു​ടും​ബ​ത്തി​ൽ​നി​ന്നു​ള്ള ആ​ദ്യ മു​ഖ്യ​മ​ന്ത്രി കൂ​ടി​യാ​ണ്​ ഉ​ദ്ധ​വ്. പാ​ർ​ട്ടി സ്​​ഥാ​പ​ക​ൻ ബാ​ൽ താ​ക്ക​റെ​യെ സം​സ്​​ക​രി​ച്ച ചെ​യ്​​ത ശി​വ​ജി പാ​ർ​ക്കാ​ണ്​ സ​ത്യ​പ്ര​തി​ജ്ഞ​ക്ക്​ തി​ര​ഞ്ഞെ​ടു​ത്ത​ത്.

ബു​ധ​നാ​ഴ്​​ച ഉ​ദ്ധ​വും ഭാ​ര്യ ര​ശ്​​മി​യും ഗ​വ​ർ​ണ​ർ ഭ​ഗ​ത്​​സി​ങ്​ കോ​ശി​യാ​രി​യെ സ​ന്ദ​ർ​ശി​ക്കു​ക​യും പി​ന്നീ​ട്​ ഉ​ദ്ധ​വ്​ പ​വാ​റി​നെ ക​ണ്ട്​ ച​ർ​ച്ച​ന​ട​ത്തു​ക​യും ചെ​യ്​​തു. അ​തി​രു​വി​ട്ട രാ​ഷ്​​ട്രീ​യ അ​ട്ടി​മ​റി​ക്ക്​ ശേ​ഷം ബി.​ജെ.​പി​യോ​ടു​ള്ള വീ​റും വാ​ശി​യും സ​ത്യ​പ്ര​തി​ജ്​​ഞ ച​ട​ങ്ങി​ൽ പ്ര​ക​ട​മാ​കും. അ​ഗാ​ഡി​യി​ലെ പാ​ർ​ട്ടി​ക​ളു​ടെ ശ​ക്തി​പ്ര​ക​ട​ന​മു​ണ്ടാ​കും.

സോ​ണി​യ ഗാ​ന്ധി, കോ​ൺ​ഗ്ര​സ്​ മു​ഖ്യ​മ​ന്ത്രി​മാ​ർ, പ​ശ്ചി​മ ബം​ഗാ​ൾ മു​ഖ്യ​മ​ന്ത്രി മ​മ​ത ബാ​ന​ർ​ജി, ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ്​ കെ​ജ്​​രി​വാ​ൾ, ഡി.​എം.​കെ അ​ധ്യ​ക്ഷ​ൻ എം.​കെ. സ്​​റ്റാ​ലി​ൻ തു​ട​ങ്ങി​യ​വ​രെ ക്ഷ​ണി​ച്ചി​ട്ടു​ണ്ട്. സോ​ണി​യ വ​രാ​നി​ട​യി​ല്ലെ​ന്ന്​ കോ​ൺ​ഗ്ര​സ്​ വൃ​ത്ത​ങ്ങ​ൾ പ​റ​ഞ്ഞു.

മ​റാ​ത്തി മ​ണ്ണി​ൽ ആ​ദ്യ താ​ക്ക​റെ മു​ഖ്യ​മ​ന്ത്രി

എൻ.സി.പി നേതാവ്​ സുപ്രിയ സുലെ ശിവസേന നേതാവ്​ ആ​ദി​ത്യ താ​ക്ക​റെയോടൊപ്പം


മും​ബൈ: പ​തി​വ്​ തെ​റ്റി​ച്ച്​ മ​ഹാ​രാ​ഷ്​​ട്ര നി​യ​മ​സ​ഭ​യി​ൽ ര​ണ്ടു​ താ​ക്ക​റെ​മാ​ർ. അ​തും അ​ച്ഛ​നും മ​ക​നും. മു​ഖ്യ​മ​ന്ത്രി​യാ​യ ഉ​ദ്ധ​വ്​ താ​ക്ക​റെ​യും മ​ന്ത്രി​യാ​കാ​ൻ സാ​ധ്യ​ത​യു​ള്ള മ​ക​ൻ ആ​ദി​ത്യ താ​ക്ക​റെ​യും.
ബു​ധ​നാ​ഴ്​​ച എം.​എ​ൽ.​എ​യാ​യി സ​ത്യ​പ്ര​തി​ജ്ഞ ചെ​യ്​​ത ആ​ദി​ത്യ തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന ആ​ദ്യ താ​ക്ക​റെ കു​ടും​ബാം​ഗ​മാ​ണ്.

വ്യാ​ഴാ​ഴ്​​ച മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്യു​ന്ന ഉ​ദ്ധ​വ്​ ആ​റു മാ​സ​ത്തി​ന​കം എം.​എ​ൽ.​എ ആ​യോ നി​യ​മ​സ​ഭ കൗ​ൺ​സി​ൽ അം​ഗ​മാ​യോ തെ​ര​ഞ്ഞെ​ടു​ക്ക​പ്പെ​ട​ണം. ശി​വ​സേ​ന കോ​ട്ട​യാ​യ മാ​ഹി​മി​ലെ സി​റ്റി​ങ്​ എം.​എ​ൽ.​എ ഉ​ദ്ധ​വി​ന്​ വ​ഴി​മാ​റു​മെ​ന്നാ​ണ്​ സൂ​ച​ന.

തൊ​ട്ട​ടു​ത്ത വ​ർ​ളി മ​ണ്ഡ​ല​ത്തി​ൽ​നി​ന്നാ​ണ്​ ആ​ദി​ത്യ ജ​യി​ച്ച​ത്. ‘മാ​തോ​ശ്രീ’ യി​ൽ ഇ​രു​ന്നു ഭ​രി​ക്കു​ന്ന​താ​യി​രു​ന്നു താ​ക്ക​റെ കു​ടും​ബ​ത്തി‍​െൻറ ഇ​തു​വ​രെ​യു​ള്ള ശൈ​ലി. 95ൽ ​സേ​ന ഭ​രി​ച്ച​പ്പോ​ൾ സ​ർ​ക്കാ​റി‍​െൻറ റി​മോ​ട്ട്​ ‘മാ​തോ​ശ്രീ’​യി​ലി​രു​ന്ന ബാ​ൽ താ​ക്ക​റെ​യു​ടെ കൈ​യി​ലാ​യി​രു​ന്നു. എ​ന്നാ​ൽ, ഇ​ത്ത​വ​ണ വി​പ​രീ​ത ദി​ശ​യി​ലു​ള്ള​വ​രു​ടെ സ​ഖ്യ​മാ​യ​തി​നാ​ൽ സ​ർ​ക്കാ​റി‍​െൻറ നി​ല​നി​ൽ​പി​ന്​ ശ​ര​ദ്​ പ​വാ​റി‍​െൻറ ഉ​പ​ദേ​ശ​പ്ര​കാ​രം ഉ​ദ്ധ​വ്​ ത​ന്നെ നേ​രി​ട്ടി​റ​ങ്ങു​ക​യാ​ണ്.
ദാ​ദ​റി​ലെ ശി​വ​ജി പാ​ർ​ക്കി​ലാ​ണ്​ ഉ​ദ്ധ​വി‍​െൻറ സ​ത്യ​പ്ര​തി​ജ്ഞ ച​ട​ങ്ങ്​ എ​ന്ന​തി​ലു​മു​ണ്ട്​ പ്ര​ത്യേ​ക​ത. ശി​വ​സേ​ന പാ​ർ​ട്ടി​യാ​യി പ്ര​ഖ്യാ​പി​ച്ച​തും വാ​ർ​ഷി​ക ദ​സ​റ റാ​ലി​യി​ൽ ബാ​ൽ താ​ക്ക​റെ ന​യ​ങ്ങ​ൾ പ്ര​ഖ്യാ​പി​ച്ച​തും ശി​വ​ജി പാ​ർ​ക്കി​ലാ​ണ്. ബാ​ൽ താ​ക്ക​റെ​യെ സം​സ്​​ക​രി​ച്ച​തും സ്​​മാ​ര​ക​വും ഇ​വി​ടെ​യാ​ണ്​. അ​തി​നാ​ലാ​ണ്​ സ​ത്യ​പ്ര​തി​ജ്ഞ​ക്ക്​ ഈ ​വേ​ദി തെ​ര​ഞ്ഞെ​ടു​ത്ത​ത്. ക​ന​ത്ത കാ​വ​ലി​ലാ​ണ്​ പൊ​ലീ​സ്​ ഇ​വി​ടെ വേ​ദി ഒ​രു​ക്കു​ന്ന​ത്. ച​ട​ങ്ങ്​ ആ​ഘോ​ഷ​മാ​ക്കാ​നാ​ണ്​ സേ​ന​യു​ടെ ആ​ലോ​ച​ന. വ്യാ​ഴാ​ഴ്​​ച വൈ​കീ​ട്ട്​ 6.45നാ​ണ്​ സ​ത്യ​പ്ര​തി​ജ്ഞ.

Show Full Article
TAGS:Maharashtra politics Uddhav Thackeray 
News Summary - uddhav thackeray oath-india news
Next Story