Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബി.ജെ.പിയെ വരച്ചവരയിൽ...

ബി.ജെ.പിയെ വരച്ചവരയിൽ നിർത്തി അമിത്​ ഷാ–ഉദ്ധവ്​ ചർച്ച

text_fields
bookmark_border
ബി.ജെ.പിയെ വരച്ചവരയിൽ നിർത്തി അമിത്​ ഷാ–ഉദ്ധവ്​ ചർച്ച
cancel

മുംബൈ: ബി.ജെ.പി ദേശീയ, സംസ്​ഥാന നേതൃത്വത്തെ വരച്ചവരയിൽ നിർത്തി ബി.ജെ.പി പ്രസിഡൻറ്​ അമിത്​ ഷായുമായി ശിവസേന പ്രസിഡൻറ്​​ ഉദ്ധവ്​ താക്കറെയുടെ മുഖാമുഖം. പ്രമുഖ വ്യക്​തികളുമായി ‘പിന്തുണ തേടിയുള്ള അഭിമുഖ’ത്തിന്​​ ബുധനാഴ്​ച മുംബൈയിൽ എത്തിയ അമിത്​ ഷാ  രാത്രി എട്ടിനാണ്​​ താക്കറെയുടെ വീടായ ‘മാതൊശ്രീ’യിൽ എത്തി​ ഉദ്ധവിനെ കണ്ടത്​. ഇനി എൻ.ഡി.എയുമായി സഖ്യമില്ലെന്ന്​ സേന പ്രഖ്യാപിച്ച പശ്ചാത്തലത്തിലായിരുന്നു​ ചർച്ച. മന്ത്രി അർജുൻ ഖേത്​കർ അടക്കമുള്ള ശിവസേന നേതാക്കളുടെ എതിർപ്പുമൂലം ബി.ജെ.പി മഹാരാഷ്​ട്ര അധ്യക്ഷൻ റവുസാഹെബ്​ ധാൻവെക്ക്​ ഇവിടേക്ക്​ വരാനായില്ല. തനിക്കൊപ്പം ഒരേ കാറിൽ

‘മാതൊശ്രീ’യിൽ എത്തിയ മഹാരാഷ്​ട്ര മുഖ്യമന്ത്രി ദേവേന്ദ്ര ഫഡ്​നാവിസിനെ ഉദ്ധവുമായുള്ള ചർച്ചയിൽനിന്ന്​ അമിത്​ ഷാക്ക്​ മാറ്റിനിർത്തേണ്ടി വന്നു. 
ബി.ജെ.പി സംസ്​ഥാന, കേന്ദ്ര നേതൃത്വത്തിന്​ എതിരെ കടുത്ത വിമർശനമാണ്​ ഉദ്ധവും മറ്റു നേതാക്കളും ഉന്നയിച്ചത്​. പിന്നീട്​ ഉദ്ധവും ഷായും അടച്ചിട്ട മുറിയിൽ ചർച്ച നടത്തി. ചർച്ച പ്രതികൂലമല്ലെന്നാണ്ചർച്ചക്കുശേഷം പുറത്തെത്തിയ അമിത്​ ഷായുടെ ശരീരഭാഷ വ്യക്​തമാക്കുന്നത്​. മാധ്യമങ്ങളോട്​ അദ്ദേഹം പ്രതികരിച്ചില്ല. 100 ശതമാനം സേനയുമായി സഖ്യം തുടരാനാകുമെന്ന്​ പ്രത്യാശ പ്രകടിപ്പിച്ചായിരുന്നു ഷായുടെ ചർച്ചക്കുള്ള വരവ്​. നേരത്തേ ബോളീവുഡ്​ നടി മാധുരി ദീക്ഷിതി‍​​െൻറ വീട്ടിലെത്തി അമിത്​ ഷാ പിന്തുണ തേടിയിരുന്നു. ഇവർക്ക്​ രാജ്യസഭ സീറ്റ്​ നൽകുമെന്ന അഭ്യൂഹമുണ്ട്​. രത്തൻ ടാറ്റ, ലതമ​േങ്കഷ്​കർ തുടങ്ങിയവരെയും അമിത്​ ഷാ കാണും. 

Show Full Article
TAGS:sivsena bjp congress india news malayalam news 
News Summary - Uddhav Thackeray Makes Devendra Fadnavis Sit Out Amit Shah's Outreach Meeting-india news
Next Story