ഉദ്ധവ് സര്ക്കാർ ഇന്ന് വിശ്വാസവോട്ട് തേടും
text_fieldsമുംബൈ: മഹാരാഷ്ട്ര നിയമസഭയില് ഉദ്ധവ് താക്കറെയുടെ നേതൃത്വത്തിലുള്ള ശിവസേന, എന് .സി.പി, കോണ്ഗ്രസ് സഖ്യ (മഹാ വികാസ് അഗാഡി) സര്ക്കാറിെൻറ വിശ്വാസ വോട്ടെടുപ്പ് ഇന്ന്. ചൊവ്വാഴ്ചക്കകം വിശ്വാസവോട്ട് നടത്താനാണ് ഗവര്ണര് ഭഗത് സിങ് കോശിയാരി ആവശ്യപ്പെട്ടത്. ശനിയാഴ്ച തന്നെ പ്രത്യേകസഭ വിളിച്ച് വിശ്വാസവോട്ട് നടത്താന് സര്ക്കാര് തീരുമാനിക്കുകയായിരുന്നു. ഉച്ചക്ക് രണ്ടിനാണ് സഭ. മഹാവികാസ് അഗാഡിയുടെ ശിപാര്ശ അംഗീകരിച്ച് എന്.സി.പി എം.എല്.എയും മുന് സ്പീക്കറുമായ ദിലീപ് വത്സെ പാട്ടീലിനെ ഗവര്ണര് പ്രോ ടെം സ്പീക്കറായി നിയോഗിച്ചു.
സര്ക്കാറുണ്ടാക്കാന് അവകാശമുന്നയിച്ചപ്പോള് 162 എം.എല്.എമാരുടെ പിന്തുണ കത്താണ് അഗാഡി നേതാക്കള് ഗവര്ണര്ക്ക് നല്കിയത്. ഇപ്പോള് 170 പേരുടെ പിന്തുണയുണ്ടെന്ന് അവകാശപ്പെടുന്നു. ശിവസേന (56), എന്.സി.പി (54), കോണ്ഗ്രസ് (44) പാര്ട്ടികള്ക്ക് മാത്രം 154 എം.എല്.എമാരുണ്ട്.
ചെറു പാര്ട്ടികളും സ്വതന്ത്രരും ഉൾപ്പെടെ ഒമ്പത് എം.എല്.എമാര് ശിവസേനയെ പിന്തുണക്കുന്നു. ബഹുജന് വികാസ് അഗാഡി (മൂന്ന്), സമാജ്വാദി പാര്ട്ടി (രണ്ട്), പി.ഡബ്ല്യു.പി (ഒന്ന്), സ്വാഭിമാന് പക്ഷ (ഒന്ന്) എന്നിവര് കോണ്ഗ്രസ്, എന്.സി.പിക്ക് ഒപ്പവുമുണ്ട്. ഇവരും ചേരുന്നതോടെയാണ് 170 പേരാകുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.