Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right2022ൽ മോദിയുടെ ആദ്യ...

2022ൽ മോദിയുടെ ആദ്യ വിദേശ യാത്ര യു.എ.ഇയിലേക്ക്

text_fields
bookmark_border
2022ൽ മോദിയുടെ ആദ്യ വിദേശ യാത്ര യു.എ.ഇയിലേക്ക്
cancel

ന്യൂഡൽഹി: 2022ൽ പ്രധാനമന്ത്രി നരേന്ദ്രമോദി നടത്തുന്ന ആദ്യ വിദേശയാത്ര യു.എ.ഇ(യു​ൈനറ്റഡ് അറബ് എമിറേറ്റ്സ്)യിലേക്ക്​. 2022 ജനുവരിയിലായിരിക്കും യാത്ര. ദുബായ്​ എക്​സ്​പോയിൽ ഇന്ത്യ ഒരുക്കിയ പവലിയൻ സന്ദർശിക്കുകയാണ്​ മുഖ്യലക്ഷ്യം. യു.എ.ഇ ഭരണാധികാരികളുമായി ചർച്ചയും നടത്തും.

സ്വാതന്ത്ര്യത്തിന്‍റെ 75-ാം വാർഷികാഘോഷങ്ങളുടെ ഭാഗമായി ഇന്ത്യയുടെ നേട്ടങ്ങൾ പ്രദർശിപ്പിക്കുന്ന 4 നിലകളുള്ള കൂറ്റൻ പവലിയനാണ്​ ദുബായ്​ എക്​സ​്​പോയിൽ ഇന്ത്യ ഒരുക്കിയത്​​. ഇതിനകം നാല് ലക്ഷത്തിലധികം പേർ ഈ പ്രദർശനം സന്ദർശിച്ചു​.

നേരത്തെ 2015, 2018, 2019 എന്നീ വർഷങ്ങളിൽ മോദി യു.എ.ഇ സന്ദർശിച്ചിരുന്നു. രാജ്യത്തെ ഉയർന്ന സിവിൽ ബഹുമതിയായ ഓർഡർ ഓഫ് സായിദും മോദിക്ക് ലഭിച്ചിട്ടുണ്ട്. വിദേശകാര്യ മന്ത്രി ഡോ. എസ്. ജയശങ്കർ ഈ മാസം ആദ്യം ദുബായ് എക്‌സ്‌പോയിലെ ഇന്ത്യൻ പവലിയൻ സന്ദർശിച്ചിരുന്നു. യു.എ.ഇയിലെ ഉന്നത ഭരണാധികാരികളുമായി കൂടിക്കാഴ്ചയും നടത്തിയിരുന്നു.

യു.എ.ഇയിൽ 33 ലക്ഷത്തോളം ഇന്ത്യൻ പ്രവാസികളാണുള്ളത്​. ഇത്​ യു.എ.ഇ ജനസംഖ്യയുടെ 30 ശതമാനത്തോളം വരും.

Show Full Article
TAGS:Narendra Modi modi foreign visit Foreign Trip 
News Summary - UAE to be first foreign destination of PM Narendra Modi in 2022
Next Story