ഡൽഹി കാൻസർ ആശുപത്രിയിലെ രണ്ടു നഴ്​സുമാർക്ക്​ കോവിഡ്​

ന്യൂഡൽഹി: ഡൽഹി കാൻസർ ആശുപത്രിയിലെ രണ്ടു നഴ്​സുമാർക്ക്​ കോവിഡ്​ ബാധ സ്​ഥിരീകരിച്ചു. മാർച്ച്​ 31 ന്​ ഇവിടത്തെ ഡോക്​ടർക്ക്​ കോവിഡ്​ ബാധ കണ്ടെത്തിയിരുന്നു. ഈ ഡോക്​ടർക്കൊപ്പം ജോലി ചെയ്​ത രണ്ടു നഴ്​സുമാരെയും പരിശോധനക്ക്​ വിധേയമാക്കുകയായിരുന്നു.

ഡോക്​ടർക്ക്​ കോവിഡ്​ സ്​ഥിരീകരിച്ചതിനെ തുടർന്ന്​ ഏപ്രിൽ ഒന്നിന്​ ആശുപത്രി അണുവിമുക്തമാക്കുന്നതിനായി അടച്ചിട്ടിരുന്നു.

നേ​രത്തേ മൊഹല്ല ക്ലിനിക്കിലെ രണ്ട​​ു ഡോക്​ടർമാർക്ക്​ കോവിഡ്​ ബാധ സ്​ഥിരീകരിച്ചിരുന്നു. ഗൾഫിൽ നിന്ന്​ മടങ്ങിയെത്തിയ വ്യക്തിയുമായി സമ്പർക്കത്തിൽ ഏർപ്പെട്ടതോടെയാണ്​ ഒരു ഡോക്​ടർക്ക്​ കോവിഡ്​ പിടി​െപട്ടത്​​. ഇയാളുടെ ഭാര്യക്കും മകൾക്കും കോവിഡ്​ ബാധ കണ്ടെത്തി. മ​റ്റൊരു ഡോക്​ടർക്ക്​ രോഗം ബാധിച്ചത്​ എവിടെനിന്നാണെന്ന്​ വ്യക്തമല്ല.

ഡൽഹിയിൽ 141 പേർക്കാണ്​ വ്യാഴാഴ്​ച മാത്രം രോഗം സ്​ഥിരീകരിച്ചത്​. 295 പേരാണ്​ ഇവിടെ രോഗബാധിതരായുള്ളത്​​.