മണിപ്പൂരിൽ മാധ്യമപ്രവർത്തകരെ രാജ്യ​േ​ദ്രാഹക്കുറ്റം ചുമത്തി അറസ്റ്റ്​ ചെയ്​തു

ഇംഫാൽ: മണിപ്പൂരിൽ സായുധ വിപ്ലവ സംഘടനകളെ പ്രോത്സാഹിപ്പിക്കുന്ന ലേഖനം പ്രസിദ്ധീകരിച്ചുവെന്നാരോപിച്ച്​ രണ്ടു മാധ്യമപ്രവർത്തകർ അറസ്​റ്റിൽ. രാജ്യദ്രോഹക്കുറ്റം, യു.എ.പി.എ തുടങ്ങിയവ ചുമത്തിയാണ്​ അറസ്റ്റ്​.

പ്രാദേശിക വാർത്ത ഓൺലൈൻ പോർട്ടലായ 'ദ ഫ്രണ്ടിയർ മണിപ്പൂർ' എക്​സിക്യൂട്ടീവ്​ എഡിറ്റർ പഓജെൽ ചഓബ, എഡിറ്റർ ഇൻ ചീഫ്​ ദിരേൻ സഡോക്​പാം എന്നിവരെയാണ്​ മണിപ്പൂർ പൊലീസ്​ അറസ്റ്റ്​ ചെയ്​തത്​. ഭരണകൂടത്തിനെതിരായ നിലപാടുകൾ സ്വീകരിക്കുക, തീവ്രവാദ സംഘടനക​െള പ്രോത്സാഹിപ്പിക്കുക തുടങ്ങിയവ ചൂണ്ടിക്കാട്ടിയാണ്​ അറസ്റ്റ്​.

ജനുവരി എട്ടിനാണ്​ ഓൺലൈനിൽ 'റെവലൂഷനി ജേർണി ഇൻ എ മെസ്​' എന്ന തല​ക്കെ​േട്ടാടെ ലേഖനം പ്രസിദ്ധീകരിച്ചത്​. എം. ജോയ്​ ലുവാങി​േന്‍റതാണ്​ ലേഖനം. വിപ്ലവാശയങ്ങളിൽനിന്ന്​ വ്യതിചലിച്ചതിന്​ മണിപ്പൂരിലെ സായുധ വിപ്ലവങ്ങളെ വിമർശിക്കുന്നതാണ്​ ലേഖനം.

പൊലീസിന്‍റെ എഫ്​.ഐ.ആറിൽ ലേഖകനും രണ്ടു എഡിറ്റർമാരും പ്രതികളാണ്​. ലേഖനത്തിൽ വിപ്ലവ ആശയങ്ങളെയും പ്രവർത്തനങ്ങളെയും ലേഖകൻ അംഗീകരിക്കുകയും മണിപ്പൂരിലെ സായുധ സംഘങ്ങളുടെ ആശയങ്ങളിൽനിന്നുള്ള വ്യതിചലനത്തിൽ നിരാശപ്പെടുകയും ചെയ്യുന്നു. പ്രത്യക്ഷമായി തന്നെ ലേഖനത്തിൽ സായുധ വിപ്ലവ സംഘങ്ങ​ളെയും ആശയങ്ങളെയും പിന്തുണക്കുകയും സഹതാപം പ്രകടിപ്പിക്കുന്നതും കാണാം. കേന്ദ്ര, സംസ്​ഥാന സർക്കാറുകളെ കൊളോണിയൽ നിയമവാഴ്ചയുമായി താരതമ്യം ചെയ്യുന്നതായും പൊലീസ്​ പറയുന്നു.