കോവിഡ്​ ബാധിച്ച്​ ബംഗളൂരുവിൽ രണ്ട്​ മലയാളികൾ മരിച്ചു

ബംഗളൂരു: കോവിഡ്​ ബാധിച്ച്​ ബംഗളൂരു നഗരത്തിൽ രണ്ട്​ മലയാളികൾകൂടി മരിച്ചു. പത്തനംതിട്ട സീതത്തോട് കുമ്പളശ്ശേരി സ്വദേശി ഗോപാലകൃഷ്ണ​െൻറ മകൻ പ്രസന്നകുമാർ (56), തിരൂർ പായ്ക്കാട്ട് സ്വദേശി പി.വി. കരുണാകരൻ (78) എന്നിവരാണ്​ മരിച്ചത്​.

രോഗബാധയെ തുടർന്ന്​ പ്രസന്നകുമാറിനെ ബംഗളൂരുവിൽ ആശുപത്രികളിൽ പ്രവേശിക്കാനായി മൂന്നുനാലു മണിക്കൂർ കാത്തിരുന്നെങ്കിലും ഫലമുണ്ടായില്ല. ഒടുവിൽ ആംബുലൻസിൽ​െവച്ചായിരുന്നു മരണം. ഹൊസൂർ റോഡ് യെടവനഹള്ളി ആർ.കെ ടൗൺഷിപ്പിൽ സ്ഥിരതാമസമാക്കിയ പ്രസന്നകുമാർ കർണാടക നായർ സർവീസ് സൊസൈറ്റി ചന്താപുര കരയോഗം സെക്രട്ടറിയാണ്​. ഭാര്യ: തങ്കമണി. മക്കൾ: പ്രതീഷ്, പ്രീത. മരുമകൻ: മഹേഷ്.

ബംഗളൂരു വിക്​ടോറിയ ആശുപത്രിയിൽ ചികിത്സയിലിരിക്കെയാണ്​ കരുണാകര​െൻറ മരണം. കർണാടക നായർ സർവീസ് സൊസൈറ്റിയുടെ മന്നം ക്രെഡിറ്റ് കോഒാപറേറ്റീവ് സൊസൈറ്റിയിൽ ദീർഘകാലം സെക്രട്ടറിയായിരുന്നു. ചന്ദ്രലേഔട്ടിലായിരുന്നു താമസം. ഭാര്യ: നീന. മക്കൾ: നീരജ്, മകൾ: നിത്യ. മരുമകൻ: രജോഷ്. സംസ്​കാരം കോവിഡ് മാനദണ്ഡ പ്രകാരം ബംഗളൂരുവിൽ.