ഷോപ്പിയാനിൽ ഏറ്റുമുട്ടൽ: രണ്ട്​ ജയ്​ശ്​ തീവ്രവാദികളെ വധിച്ചു

ശ്രീനഗർ: ജമ്മുകശ്​മീരിലെ ഷോപ്പിയാനിലുണ്ടായ ഏറ്റുമുട്ടലിൽ സുരക്ഷാസേന രണ്ട്​ ​ജയ്​ശെ മുഹമ്മദ്​ തീവ്രവാദികള െ ​വധിച്ചു. ഷോപ്പിയാനിലെ മീമേന്ദർ ഏരിയയിലാണ്​ ഏറ്റുമുട്ടൽ തുടരുന്നത്​. തീവ്രവാദികൾ ഒളിച്ചിരിക്കുന്നുവെന്ന വിവരത്തെ തുടർന്ന്​ സൈന്യം പ്രദേശം വളയുകയായിരുന്നു.

തെരച്ചിൽ നടത്ത​ുന്നതിനിടെ ഭീകരർ സേനക്കു നേരെ വെടിയുതിർത്തു. സൈന്യം നടത്തിയ പ്രത്യാക്രമണത്തിൽ രണ്ട്​ ​ഭീകരർ കൊല്ലപ്പെട്ടതായി സൈനിക വൃത്തങ്ങൾ അറിയിച്ചു.

കഴിഞ്ഞ ദിവസം ഇന്ത്യൻ വ്യോമസേന നടത്തിയ മിന്നലാക്രമണത്തെ തുടർന്ന്​ പാക്​ സൈന്യം വെടിനിർത്തൽ കരാർ ലംഘിച്ച്​ കശ്​മീരിലെ ഇന്ത്യൻ പോസ്​റ്റുകൾക്കെതിരെ വെടിവെപ്പ്​ നടത്തിയിരുന്നു.