11.44 കോടി രൂപയുടെ മയക്കുമരുന്നുമായി രണ്ട് പേർ പിടിയിൽ

ന്യൂഡൽഹി: 11.44 കോടി രൂപയുടെ മയക്കുമരുന്നുമായി ന്യൂഡൽഹി ഇന്ദിരാഗാന്ധി അന്താരാഷ്​ട്ര വിമാനത്താവളത്തിൽ രണ്ട് അഫ്ഗാൻ പൗരന്മാരെ കസ്റ്റംസ് അറസ്റ്റ് ചെയ്​തു. ജനുവരി 25 ന് ദുബൈയിൽ നിന്ന് വരികയായിരുന്ന ഇവരിൽനിന്ന്​ 1.635 കിലോഗ്രാം മയക്കുമരുന്ന്​ അടങ്ങിയ 208 ഗുളികകൾ പിടിച്ചെടുത്തു. ഗുളികകളിൽ ഹെറോയിൻ ആണെന്നാണ്​ നിഗമനം. ​

''എ.കെ 512 വിമാനത്തിൽ ദുബായിൽ നിന്ന് വരികയായിരുന്ന രണ്ട്​ അഫ്ഗാൻ സ്വദേശികളെ ഡൽഹി എയർപോർട്ട് കസ്റ്റംസ് തടഞ്ഞു. 1635 ഗ്രാം ഹെറോയിൻ അടങ്ങിയ 208 ഗുളികകൾ പിടിച്ചെടുത്തു. 11.44 കോടി രൂപ വില മതിക്കും'' -ഡൽഹി കസ്റ്റംസ് ട്വീറ്റിൽ പറഞ്ഞു.