രണ്ട് പെൺകുട്ടികളെ കൂട്ടബലാത്സംഗത്തിനിരയാക്കി; ആറു പേർ അറസ്റ്റിൽ

ഫത്തേപൂർ: വീട്ടിലേക്ക് പോകുകയായിരുന്ന രണ്ട് പെൺകുട്ടികളെ കൂട്ടബലാത്സംഗത്തിനിരയാക്കി. ഉത്തർപ്രദേശിലെ ഫത്തേപൂർ ജില്ലയിൽ ഹുസൈൻഗഞ്ചിലാണ് സംഭവം. ആറു പേർ അറസ്റ്റിലായതായി പൊലീസ് അറിയിച്ചു.

കുറ്റക്കാരെല്ലാം അറസ്റ്റിലായി, പ്രതികൾക്കെതിരെ കർശന നടപടികളുണ്ടാകും -പൊലീസ് സൂപ്രണ്ട് രാജേഷ് കുമാർ സിങ് പറഞ്ഞു.

സമീപത്തെ ഒരു വിൽപന മേളയിൽ പോയി മടങ്ങുകയായിരുന്നു പെൺകുട്ടികൾ. സംഭവത്തിൽ പൊലീസ് അന്വേഷണം പുരോഗമിക്കുകയാണ്.

കഴിഞ്ഞാഴ്ച ഉത്തർ പ്രദേശിലെ അലീഗഢ് ജില്ലയിൽ 15കാരി കൂട്ടബലാത്സംഗത്തിനിരയായിരുന്നു.