Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഡൽഹിയിൽ രണ്ടു...

ഡൽഹിയിൽ രണ്ടു ഡോക്​ടർമാർക്കും ആറ്​ നഴ്​സുമാർക്കും കോവിഡ്​

text_fields
bookmark_border
ഡൽഹിയിൽ രണ്ടു ഡോക്​ടർമാർക്കും ആറ്​ നഴ്​സുമാർക്കും കോവിഡ്​
cancel

ന്യൂഡൽഹി: ഡൽഹയിലെ ലേഡി ഹാർഡിങ്​ മെഡിക്കൽ കോളജ്​ ആശുപത്രിയിലെ രണ്ടു ഡോക്​ടർമാർക്കും ആറു നഴ്​സുമാർക്കും കോ വിഡ്​ സ്​ഥിരീകരിച്ചു.

മലയാളികൾ ഉൾപ്പെടെ നിരവധി ​നഴ്​സുമാർക്കും ഡോക്​ടർമാർക്കും ഡൽഹിയിലും മുംബൈയിലും കോവിഡ്​ ബാധ സ്​ഥിരീകരിച്ചതിന്​ പിന്നാലെയാണിത്​. മുംബൈയിൽ നൂറിലധികം മലായാളി നഴ്​സുമാർക്ക്​ കോവിഡ്​ ബാധ കഴിഞ്ഞ ദിവസങ്ങളിലായി സ്​ഥിരീകരിച്ചിരുന്നു.

ഡൽഹിയിലെ ലേഡി ഹാർഡിങ്​ ആശുപ​ത്രിയിൽ കുറച്ച്​ ദിവസങ്ങൾക്ക്​ മുമ്പ്​ പത്തുമാസം പ്രായമായ കുഞ്ഞ​ിനെ തീവ്ര പരിചരണ വിഭാഗത്തിൽ ശ്വാസകോശ സംബന്ധമായ അസുഖത്തെ തുടർന്ന്​ പ്രവേശിപ്പിച്ചിരുന്നു. പരിശോധനയിൽ കുഞ്ഞിന്​ കോവിഡ്​ 19 പോസിറ്റീവാണെന്ന്​ തെളിഞ്ഞു. കുഞ്ഞി​​െൻറ പിതാവിനും രോഗബാധ ക​ണ്ടെത്തി.

കുഞ്ഞിനെ പരിശോധിച്ച ആരോഗ്യ വിഭാഗം ജീവനക്കാർക്കാണ്​ ഇപ്പോൾ രോഗബാധ കണ്ടെത്തിയിരിക്കുന്നത്​. ഇതോടെ ആരോഗ്യ പ്രവർത്തകരുമായി അടുത്തിടപഴകിയവരെ കണ്ടെത്താനുള്ള നടപടികൾ ആരംഭിച്ചു. ആശുപത്രിയിലെ കുട്ടികളുടെ ​െഎ.സി.യു അണുവിമുക്തമാക്കുകയും ചെയ്​തതായി ആശുപത്രി അധികൃതർ അറിയിച്ചു.

Show Full Article
TAGS:covid 19 india news malayalam news corona 
News Summary - Two Doctors, Six Nurses at Lady Hardinge Medical College test Covid Positive -India news
Next Story