ഹൈദരാബാദ്​ ഇരട്ട സ്​ഫോടനം; രണ്ടു പ്രതികൾ കുറ്റക്കാർ

ഹൈദരാബാദ്​: ഹൈദരാബാദിലെ ഇരട്ട സ്​ഫോടന ക്കേസിൽ രണ്ടു പ്രതികളെ കുറ്റക്കാരാണെന്ന്​ കണ്ടെത്തി. അനീഖ്​ ഷഫീഖ്​ സയിദ്​, മുഹമ്മദ്​ അക്​ബർ ഇസ്​മയിൽ ചൗധരി എന്നിവരെയാണ്​ കുറ്റക്കാരാണെന്ന്​ കണ്ടെത്തിയത്​. ഇവരുടെ ശിക്ഷാ വിധി തിങ്കളാഴ്​ച പ്രഖ്യാപിക്കും. കേസിൽ മൂന്നു പ്രതികളെ വെറുതെ വിട്ടു. ഫാറൂഖ്​ ഷറഫുദ്ദീൻ തർക്കാഷ്​, മുഹമ്മദ്​ സാദിഖ്​ ഇസ്രാർ അഹമ്മദ്​ ഷൈഖ്​, തരീഖ്​ അൻജും എന്നിവരെയാണ്​ വെറുതെ വിട്ടത്​.

സുരക്ഷാ കാരണങ്ങൾ മുൻനിർത്തി വിധി പ്രസ്​താവിച്ച ഹൈദരാബാദിലെ നമ്പള്ളി കോടതിയിൽ ഇവരെ ഹാജരാക്കിയിരുന്നില്ല. ആഗസ്​റ്റ്​ 27നാണ്​ കേസിൽ വിധി പ്രഖ്യാപിക്കാനിരുന്നത്​. പിന്നീട്​ അത്​ സെപ്​റ്റംബർ നാലിലേക്ക്​ മാറ്റുകയായിരുന്നു.

2007ൽ ലുംബിനി- ഗോകുൽ ചാട്ട്​​​ എന്നിവിടങ്ങളിൽ ഉണ്ടായ ഇരട്ട സ്​ഫോടത്തിൽ 44 പേർ കൊല്ലപ്പെട്ടിരുന്നു. കേസിൽ അഞ്ചു പ്രതികളാണ്​ ഉണ്ടായിരുന്നത്​. അനീഖ്​ ഷഫീഖ്​ സയിദ്​, മുഹമ്മദ്​ അക്​ബർ ഇസ്​മയിൽ ചൗധരി, ഫാറൂഖ്​ ഷറഫുദ്ദീൻ തർക്കാഷ്​, മുഹമ്മദ്​ സാദിഖ്​ ഇസ്രാർ അഹമ്മദ്​ ഷൈഖ്​, തരീഖ്​ അൻജും എന്നിവരാണ്​ പ്രതിപ്പട്ടികയിൽ ഉണ്ടായിരുന്നത്​. കഴിഞ്ഞ ഏഴു വർഷമായി ഇവർ ജയിൽ ശിക്ഷ അനുഭവിക്കുകയാണ്​. ​

തെലങ്കാന പൊലീസിലെ ഇൻറലിജൻസ്​ വിഭാഗമാണ്​ കേസ്​ അനേ​്വഷിച്ചത്​. ഇന്ത്യൻ മുജാഹിദ്ദീനാണ്​ സ്​ഫോടനത്തിന്​ പിറകിലെന്നാണ്​ അന്വേഷണ സംഘത്തി​​​െൻറ കണ്ടെത്തൽ. സ്​ഫോടനത്തിനു പിറ്റേദിവസം വിവിധയിടങ്ങളിൽ നിന്നായി 19 ബോംബുകൾ പൊലീസ്​ കണ്ടെടുത്തിരുന്നു.