പൊലീസുകാര​െൻറ മകൻ യുവതിയെ മർദിച്ച സംഭവം: രണ്ടു പേർകൂടി അറസ്​റ്റിൽ

ന്യൂഡൽഹി: ഡൽഹിയിൽ പൊലീസ്​ ഉദ്യോഗസ്​ഥ​​​െൻറ മകൻ കാൾ സ​​െൻറർ ജീവനക്കാരിയെ മർദിച്ച സംഭവത്തിൽ രണ്ടു​ പേർ കൂടി അറസ്​റ്റിൽ. കാൾ സ​​െൻറർ ഉടമ അലി ഹസൻ(24), പ്യൂൺ രാജേഷ്​ (30) എന്നിവരാണ്​ അറസ്​റ്റിലായത്.

കേസിലെ പ്രധാന പ്രതിയായ പൊലീസ്​ ഉദ്യോഗസ്​ഥ​​​െൻറ മകൻ രോഹിത്​ തോമർ നേരത്തേ അറസ്​റ്റിലായിരുന്നു. ഇയാൾ യുവതിയെ ക്രൂരമായി മർദിക്കുന്നതി​​​​െൻറയും മുടിപിടിച്ച്​ വലിച്ചിഴക്കുന്നതി​​​െൻറയും വിഡിയോ വ്യാപകമായി പ്രചരിച്ചതിനെ തുടർന്നാണ്​ കേസിൽ ത്വരിത നടപടികളുമായി പൊലീസ്​ മുന്നോട്ടു​പോയത്​. കേന്ദ്രമന്ത്രി രാജ്​നാഥ്​ സിങ്​​ ഉൾ​െപ്പടെ ​േകസിൽ ഇടപെട്ടിരുന്നു.

അതിനിടെ, മർദനത്തിനിരയായ യുവതിയുടെ സുഹൃത്തി​​​െൻറ പരാതിയിൽ തോമറിനെതിരെ മറ്റൊരു കേസ്​ കൂടി എടുത്തതായി പൊലീസ്​ പറഞ്ഞു. മർദിക്കുന്ന വിഡിയോ കാണിച്ച്​ തനിക്ക്​ വഴങ്ങിയില്ലെങ്കിൽ ഇങ്ങനെയായിരിക്കും ഗതിയെന്നു​ പറഞ്ഞ്​ ഭീഷണിപ്പെടുത്തിയതായി യുവതി പരാതിപ്പെട്ടതിനെ തുടർന്നാണ്​ കേസെടുത്തത്​. സെ​പ്​റ്റംബർ രണ്ടിനാണ്​ ആദ്യ കേസിനാസ്​പദമായ സംഭവം.

ഹസ്​തൽ റോഡിലെ അലിഹസ​​​െൻറ കാൾസ​​െൻററിലേക്ക്​ വിളിച്ചുവരുത്തിയ തന്നെ തോമർ ബലാത്സംഗം ചെയ്​തെന്നും പൊലീസിൽ പരാതിപ്പെടുമെന്ന്​ പറഞ്ഞപ്പോൾ​ ക്രൂരമായി മർദിച്ചെന്നുമാണ്​ യുവതിയുടെ പരാതി. ഡൽഹി പൊലീസിൽ എ.എസ്​.െഎ ആയി ജോലിചെയ്യുകയാണ്​ തോമറി​​​െൻറ പിതാവ്​. ഒന്നര വർഷമായി യുവതിയുമായി തോമറിന്​ ബന്ധമുണ്ടെന്നും വിവാഹം കഴിക്കാൻ തീരുമാനിച്ചിരു​ന്നെന്നുമാണ്​ പൊലീസ്​ പറയുന്നത്​.