Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഅമിത്​ ഷായുടെ അകൗണ്ട്​...

അമിത്​ ഷായുടെ അകൗണ്ട്​ ബ്ലോക്​ ചെയ്തു; ട്വിറ്റർ പ്രതിനിധിയോട്​ തട്ടിക്കയറി പാർലമെന്‍ററി കമ്മിറ്റി അംഗങ്ങൾ

text_fields
bookmark_border
Twitter Grilled On Blocking Amit Shah
cancel

ഡൽഹി: അമിത്ഷായുടെ അകൗണ്ട്​ ബ്ലോക്​ ചെയ്​തതിനെചൊല്ലി ട്വിറ്റർ പ്രതിനിധിയെ നിർത്തിപ്പൊരിച്ച്​ പാർലമെന്‍ററി കമ്മിറ്റി. കഴിഞ്ഞ നവംബറിലാണ്​ ആഭ്യന്തര മന്ത്രി അമിത്​ഷായുടെ അകൗണ്ട്​ ട്വിറ്റർ ബ്ലോക്​ ചെയ്​തത്​. കോപ്പിറൈറ്റ്​ പ്രശ്​നം ചൂണ്ടിക്കാണിച്ചായിരുന്നു നടപടി. പൗരന്മാരുടെ അവകാശങ്ങൾ സംരക്ഷിക്കുക, ന്യൂസ് മീഡിയ സോഷ്യൽ പ്ലാറ്റ്‌ഫോമുകൾ ദുരുപയോഗം ചെയ്യുന്നത് തടയുക, ഡിജിറ്റൽ സ്ഥലത്ത് സ്ത്രീ സുരക്ഷ ഉറപ്പവരുത്തുക തുടങ്ങിയ വിഷയങ്ങൾ പരിഗണിക്കുന്നതിനാണ്​ ഇൻഫർമേഷൻ ടെക്​നോളജിക്കുവേണ്ടിയുള്ള പാർലമെന്‍റിന്‍റെ സ്​ഥിരംസമിതി യോഗം കൂടിയത്​.


ശശി തരൂർ എം.പിയാണ്​ കമ്മിറ്റി ചെയർമാൻ. ട്വിറ്റർ ഫേസ്​ബുക്ക്​ പ്രതിനിധികളെ കമ്മിറ്റി വിളിച്ചുവരുത്തിയിരുന്നു. കമ്മിറ്റിൽ പ്രധാനമായും ചർച്ചയായത്​ അമിത്​ ഷായുടെ ട്വിറ്റർ അകൗണ്ട്​ ബ്ലോക്​ ചെയ്​തതായിരുന്നു. ഷായുടെ ട്വിറ്റർ അക്കൗണ്ട് എന്തുകൊണ്ടാണ് തടഞ്ഞതെന്നും അതിനുള്ള അവകാശം ആരാണ് നൽകിയതെന്നും ട്വിറ്റർ പ്രതിനിധിയോട്​ കമ്മിറ്റി അംഗങ്ങളിലെ ബി.ജെ.പി പ്രതിനിധികൾ പോദിച്ചു. പോസ്റ്റുചെയ്ത ചിത്രവുമായി ബന്ധപ്പെട്ട് പകർപ്പവകാശ പ്രശ്‌നമുള്ളതിനാൽ താൽക്കാലികമായി അകൗണ്ട് തടയേണ്ടിവന്നുവെന്ന് ട്വിറ്റർ അധികൃതർ വിശദീകരിച്ചു.


വിദ്വേഷ ഭാഷണവും ഉള്ളടക്കവും സംബന്ധിച്ച്​ അമേരിക്കയിൽ ട്വിറ്റർ അകൗണ്ടുകൾ സൂക്ഷ്​മമായി നിരീക്ഷിക്കുകയും നീക്കം ചെയ്യുകയും ചെയ്​തത്​ വലിയ വിവാദമായിരുന്നു. ഇന്ത്യയിൽ ഇത്തരം നിയമങ്ങളൊന്നും ഇല്ലാത്തപ്പോൾ ഉള്ളടക്കത്തെ എങ്ങനെ നീക്കംചെയ്​തുവെന്ന്​ ബി.ജെ.പി അംഗങ്ങഹ ട്വിറ്റർ പ്രതിനിധിയോട്​ ചോദിച്ചു. ഉള്ളടക്കത്തെക്കുറിച്ച് ശക്തമായ നിയമങ്ങളുണ്ടെന്നും കണ്ടന്‍റുകൾ അക്രമത്തിന് പ്രേരിപ്പിക്കുന്നില്ലെന്ന് ഉറപ്പാക്കുന്നതിന് ആവശ്യമുള്ളപ്പോൾ നീക്കംചെയ്യുമെന്നും അവർ പറഞ്ഞു. വാട്‌സ്ആപ്പിന്‍റെ പുതിയ സ്വകാര്യതാ നിയമങ്ങളെക്കുറിച്ചും യോഗത്തിൽ ഫേസ്ബുക്ക് പ്രതിനിധി വിശദീകരിച്ചു.


വാഷിംഗ്ടൺ ഡിസിയിലെ ക്യാപിറ്റലിൽ ഉണ്ടായ അക്രമത്തിന്ശേഷം അന്നത്തെ അമേരിക്കൻ പ്രസിഡന്‍റ്​ ഡൊണാൾഡ് ട്രംപിന്‍റെ അകൗണ്ട് ട്വിറ്റർ ഈയിടെ സസ്​പെൻഡ്​ ചെയ്​തിരുന്നു. സ്വകാര്യതയെക്കുറിച്ചുള്ള ആശങ്ക, ഡാറ്റ ധനസമ്പാദനം, സോഷ്യൽ മീഡിയയിലെ തെറ്റായ വിവരങ്ങൾ എന്നിവ സമിതി ചർച്ച ചെയ്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:FacebookTwitterAmit ShahParliamentary panel
Next Story