Top
Begin typing your search above and press return to search.
exit_to_app
exit_to_app
ലഡാക്കിനെ ചൈനയുടെ ഭാഗമാക്കി കാണിച്ചതിന്​ മാപ്പുപറഞ്ഞ്​ ട്വിറ്റർ
cancel
Homechevron_rightNewschevron_rightIndiachevron_rightലഡാക്കിനെ ചൈനയുടെ...

ലഡാക്കിനെ ചൈനയുടെ ഭാഗമാക്കി കാണിച്ചതിന്​ മാപ്പുപറഞ്ഞ്​ ട്വിറ്റർ

text_fields
bookmark_border

ന്യൂഡൽഹി: ഇന്ത്യൻ പ്രദേശമായ ലഡാക്കിനെ ചൈനയുടെ ഭാഗമായി ചിത്രീകരിച്ചതിന്​ മാപ്പുപറഞ്ഞ്​ സമൂഹമാധ്യമമായ ട്വിറ്റർ. നവംബർ 30നകം തെറ്റുതിരുത്താൻ പ്രതിജ്ഞബദ്ധമാണെന്നും ട്വിറ്റർ സംയുക്ത പാർലമെൻററി സമിതിയെ അറിയിച്ചു.

ലഡാക്കിനെ ചൈനയുടെ ഭാഗമായി കാണിച്ചതിന്​ ട്വിറ്റർ​ മാപ്പ്​ എഴുതി നൽകിയതായി പാർലമെൻററി സമിതി ചെയർപേഴ്​സൻ മീനാക്ഷി ലേഖി അറിയിച്ചു. ഇന്ത്യയുടെ വികാരം വ്രണപ്പെടുത്താൻ ഇടയായ സാഹചര്യത്തിൽ മാപ്പ്​ പറയുന്നുവെന്നും നവംബർ 30നകം തെറ്റു തിരുത്തുമെന്നും ട്വിറ്റർ അറിയിച്ചതായും അവർ കൂട്ടിച്ചേർത്തു. തെറ്റായ ജിയോ ടാഗിങ്ങിൽവന്ന ആശയകുഴപ്പമാണ്​ കാരണമെന്ന്​ ട്വിറ്റർ പറഞ്ഞു.

കഴിഞ്ഞമാസം നടത്തിയ ലൈവ്​ ബ്രോഡ്​കാസ്​റ്റിൽ കേന്ദ്രഭരണ പ്രദേശമായ ലഡാക്കിലെ ഏറ്റവും വലിയ പട്ടണമായ ലേയെ ചൈനയുടെ ഭാഗമായി കാണിക്കുകയായിരുന്നു​. തുടർന്ന്​ സംയുക്ത പാർലമെൻററി സമിതി ഇടപെടുകയും ട്വിറ്ററിനോട്​ വിശദീകരണം ആവശ്യപ്പെടുകയുമായിരുന്നു.

Show Full Article
TAGS:Twitter Ladakh China 
News Summary - Twitter apologises For showing Ladakh in China
Next Story