കമലേഷ്​ തിവാരിയുടെ കൊലപാതകം: ബി.ജെ.പി നേതാവിന്​ പങ്കുണ്ടെന്ന്​ മാതാവ്​

ലഖ്​നോ: കമലേഷ്​ തിവാരിയുടെ കൊലപാതകത്തിൽ ബി.ജെ.പി നേതാവിന്​​ പങ്കുണ്ടെന്ന ആരോപണവുമായി മാതാവ്​. ശിവകുമാർ ഗു പ്​തക്ക്​ കൊലപാതകത്തിൽ പങ്കുണ്ടെന്നാണ്​ ആരോപണം. ഇതുമായി ബന്ധപ്പെട്ട്​ അന്വേഷണം നടത്തണമെന്നാണ്​ കമലേഷിൻെറ മാതാവ്​ ആവശ്യപ്പെടുന്നത്​.

ശിവകുമാർ ഗുപ്​തയാണ്​ മകൻെറ മരണത്തിന്​ ഉത്തരവാദി. ഇയാളെ ​പൊലീസ്​ ചോദ്യം ചെയ്​താൽ സത്യം പുറത്ത്​ വരും. തത്തേരി ഏരിയയിലാണ്​ ശിവകുമാർ താമസിക്കുന്നത്​. ശിവകുമാറും ക​മലേഷുമായി സ്ഥലതർക്കം നിലനിന്നിരുന്നതായും അവർ പറഞ്ഞു.

അതേസമയം, പ്രവാചകനെതിരായ കമലേഷിൻെറ പരാമർശങ്ങളാണ്​ കൊലപാതകത്തിലേക്ക്​ നയിച്ചതെന്നാണ്​ അദ്ദേഹത്തിൻെറ ഭാര്യ ആരോപിക്കുന്നത്​. ഹിന്ദുസമാജ്​​ പാർട്ടിയുടെ നേതാവായ കമലേഷ്​ കഴിഞ്ഞ ദിവസമാണ്​ വെടിയേറ്റ്​ മരിച്ചത്​.