ഗോവയിൽ വൻ സെക്സ് റാക്കറ്റ് പിടിയിൽ; നടിയടക്കം മൂന്നുപേരെ മോചിപ്പിച്ചു

ഗോവയിൽ വൻ സെക്സ് റാക്കറ്റ് പിടിയിലായി. നടി അടക്കം മൂന്ന് യുവതികളെ പൊലീസ് മോചിപ്പിച്ചു. പനാജിക്ക് സമീപമുള്ള സംഗോൾഡ ഗ്രാമത്തിലാണ് പെൺവാണിഭ സംഘം പ്രവർത്തിച്ചിരുന്നത്. ഹൈദരാബാദ് സ്വദേശിയായ യുവാവിനെ അറസ്റ്റ് ചെയ്യുകയും ടെലിവിഷൻ നടി ഉൾപ്പെടെ മൂന്ന് സ്ത്രീകളെ രക്ഷപ്പെടുത്തുകയും ചെയ്തതായി ഗോവ ക്രൈംബ്രാഞ്ച് അറിയിച്ചു.

ക്രൈംബ്രാഞ്ച് പുറത്തിറക്കിയ പത്രക്കുറിപ്പിൽ, ടി. വി നടി ഉൾപ്പെടെ രക്ഷപ്പെടുത്തിയ സ്ത്രീകളിൽ രണ്ട് പേർ മുംബൈക്ക് സമീപമുള്ള വിരാർ സ്വദേശികളാണെന്നും മൂന്നാമത്തെ യുവതി ഹൈദരാബാദിൽ നിന്നുള്ളതാണെന്നും പറഞ്ഞു.