തുഹിൻ കാന്ത പാണ്ഡെ പുതിയ ധനകാര്യ സെക്രട്ടറി

ന്യൂഡൽഹി: ഐ.എ.എസ് ഓഫിസർ തുഹിൻ കാന്ത പാണ്ഡെയെ കേന്ദ്രസർക്കാർ ധനകാര്യ സെക്രട്ടറിയായി നിയമിച്ചു. ധനകാര്യ സെക്രട്ടറിയായിരുന്ന ടി.വി. സോമനാഥൻ കാബിനറ്റ് സെക്രട്ടറിയായതിന് പിന്നാലെ വന്ന ഒഴിവിലേക്കാണ് നിയമനം. ഇൻവെസ്റ്റ്മെന്റ് ആൻഡ് പബ്ലിക് അസറ്റ് മാനേജ്മെന്റ് വകുപ്പ് സെക്രട്ടറിയായിരുന്നു പാണ്ഡെ.

2019ലാണ് അദ്ദേഹം ഈ പദവി ഏറ്റെടുത്തത്. ഒഡിഷ കേഡറിൽ നിന്നുള്ള1987 ബാച്ചിലെ ഐ.എ.എസ് ഓഫിസറാണ് പാണ്ഡെ.

ആഗസ്റ്റിലാണ് ടി.വി. സോമനാഥനെ കാബിനറ്റ് സെക്രട്ടറിയായി നിയമിച്ചത്. രാജീവ് ഗൗബയുടെ പിൻഗാമിയായാണ് അദ്ദേഹം ചുമതല ഏറ്റെടുത്തത്.