Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightട്രംപിനെ താജ്​മഹൽ...

ട്രംപിനെ താജ്​മഹൽ കാണിക്കും; അപ്പോൾ യോഗി​ നിലപാട്​ മാറ്റിയോ?

text_fields
bookmark_border
ട്രംപിനെ താജ്​മഹൽ കാണിക്കും; അപ്പോൾ യോഗി​ നിലപാട്​ മാറ്റിയോ?
cancel
camera_alt????? ??????????? ???????? ????????????????

ന്യൂഡൽഹി: ഇന്ത്യയിലെത്തുന്ന അമേരിക്കൻ പ്രസിഡന്‍റ്​ ഡോണൾഡ്​ ട്രംപ്​ താജ്​മഹൽ സന്ദർശിക്കു​േമ്പാൾ കൂടെ ഉത്ത ർപ്രദേശ്​ മുഖ്യമന്ത്രി​ യോഗി ആദിത്യനാഥും ഉണ്ടാകും. അതി​നെന്താ? വിദേശ രാജ്യത്തലവൻമാർ ഇന്ത്യയിൽ വരു​​േമ്പാൾ ത ാജ്​ സന്ദർശിക്കുന്നതും ചിത്രമെടുക്കുന്നതും പതിവുള്ളതല്ലേ എന്നാണ്​ ചോദ്യമെങ്കിൽ അതിന്​ മറുപടിയുണ്ട്​.

മുഗൾ ചരിത്രത്തോടും സ്​മാരകങ്ങളോടും സംഘ്പ​രിവാറിനുള്ള ശത്രുത രൂപീകരണകാലം തെ​ാ​ട്ടേ പ്രസിദ്ധമാണ്​. അധികാര ത്തിലെത്തിയ 2017ൽ തന്നെ ഉത്തർപ്രദേശ്​ വിനോദ സഞ്ചാര പട്ടികയിൽ നിന്നും ലോകാത്ഭുതങ്ങളിലൊന്നായ താജ്​മഹലിനെ വെ ട്ടിയയാളാണ്​ യോഗി. ലോകത്തി​​​​​​​െൻറ എല്ലാ ഭാഗങ്ങളിൽ നിന്നുമുള്ള സഞ്ചാരികളെത്തുന്ന താജ്​മഹൽ പുറത്തായ പട് ടികയിൽ മഥുരയിലെയും ഗോരഖ്​പൂരിലെയും ക്ഷേത്രങ്ങൾ ഇടം പിടിച്ചിരുന്നു.

ഡോണൾഡ്​ ട്രംപി​​​​​​​െൻറ സന്ദർശനത്തെ തുടർന്ന്​ താജ്​മഹൽ കനത്ത സുരക്ഷയിൽ

അതുകൊണ്ടും തീർന്നില്ല, വിദേശങ്ങളിൽ നിന്നുള്ള ഉന്നതവ്യക്തികൾ ഇന്ത്യയിലെത്തു​േമ്പാൾ താജ്​മഹലി​​​​​​​െൻറ ചെറുമാതൃക സമ്മാനമായി കൊടുക്കുന്ന രീതിയെ ബിഹാറിൽ ഒരു പ്രസംഗത്തിനിടെ യോഗി വിമർശിച്ചിരുന്നു. ഇത്​ ഇന്ത്യൻ സംസ്​കാരത്തെ പ്രതിഫലിപ്പിക്കുന്നില്ല എന്നായിരുന്നു യോഗിയുടെ വാദം. ചെറുമാതൃക നൽകുന്നതിനെ വിമർശിച്ച യോഗി വിദേശരാജ്യത്തലവനോടൊപ്പം യഥാർഥ താജ്​മഹൽ തന്നെ സന്ദർശിക്കു​േമ്പാൾ തീർച്ചയായും അതിൽ കൗതുകമുണ്ട്​.

താജ്​മഹലിനെ തിരസ്​കരിക്കുന്നതിനെതിരെ പലകോണുകളിൽ നിന്നും വിമർശനങ്ങൾ ഉയർന്നതിനെ തുടർന്ന്​ 2017ൽ യോഗി താജ്​മഹൽ സന്ദർശിച്ചിരുന്നു. ‘‘ആര്​ നിർമിച്ചതായാലും ഇതിനായി ഉപയോഗിച്ചിരിക്കുന്നത്​ ഇന്ത്യൻ തൊഴിലാളികളുടെ ചോരയും വിയർപ്പും ആണെന്നായിരുന്നു’’യോഗിയുടെ അന്നത്തെ പ്രതികരണം.

താജ്​മഹൽ സംരക്ഷണത്തിൽ വീഴ്​ചവരുത്തിയെന്ന്​​ സു​പ്രീംകോടതി ഉത്തർ​പ്ര​ദേശ്​ സർക്കാരിനെ വിമർശിച്ചിരുന്നു. ആഗ്ര പരിസരം മലിനമാകുന്നതിനെത്തുർന്ന്​ താജ്​മഹലി​​​​​​​െൻറ നിറത്തിൽ മാറ്റം വരുന്നുവെന്നും കണ്ടെത്തിയിരുന്നു. 2017-18 കാലത്തെ ഉത്തർപ്രദേശ്​ സർക്കാറി​​​​​​​​െൻറ ബജറ്റിലെ ‘‘നമ്മുടെ സംസ്​കാരിക പൈതൃകം’’എന്ന പ്രത്യേകവിഭാഗത്തിലും താജ്​മഹലിനെക്കുറിച്ച്​ യാതൊരു പരാമർശങ്ങളുമുണ്ടായിരുന്നില്ല.

യോഗി മാത്രമല്ല, താജ്​മഹലി​​​​​​​െൻറ പൈതൃകത്തെയും സംസ്​കാരത്തെയും വക്രീകരിക്കുന്നതിനും അപമാനിക്കുന്നതിനും വേറെയും ബി.ജെ.പി നേതാക്കൾ മുന്നിലുണ്ടായിരുന്നു. താജ്​മഹൽ ഇന്ത്യൻ സംസ്​കാരത്തിന്​ അപമാനമാണെന്നായിരുന്നു ബി.ജെ.പി എം.എൽ.എ സംഗീത്​ സോമി​​​​​​​െൻറ വാദം. ബി.ജെ.പി എം.പി വിനയ്​ കത്യാർ ഒരു പടികൂടി കടന്ന്​ താജ്​ മഹൽ ശിവക്ഷേത്രം ആയിരുന്നുവെന്നും പേര്​ തേജ്​ മന്ദിരം ആയിരുന്നുവെന്നും അഭിപ്രായപ്പെട്ടിരുന്നു.

താജ്​മഹൽ ശിവക്ഷേത്രമായിരുന്നുവെന്ന വാദം ഉയർത്തിയവരിൽ പ്രമുഖൻ ഹിന്ദുത്വചരിത്രകാരനായ പി.എൻ ഓക്​ ആയിരുന്നു. ജയ്​പൂര്‍ രാജാവായിരുന്ന ജയ് സിങ്ങില്‍ നിന്ന് തേജോ മഹാലയം, ഷാജഹാന്‍ സ്വന്തമാക്കുകയും മുംതാസിന്റെ ഖബറിടമാക്കുകയും ചെയ്തു ന്നായിരുന്നു ഓകി​​​​​​​െൻറ വാദം. താജ്​ മഹൽ മുസ്​ലീംകൾ നിർമിച്ചത​െല്ലന്നും പരമതീർഥ രാജാവ്​ പണികഴിപ്പിച്ചതാണെന്ന സിദ്ധാന്തവുമായി ബി.ജെ.പി എം.പിയും മുൻ കേന്ദ്ര മ​ന്ത്രിയുമായ അനന്ത കുമാർ ഹെഗ്​ഡെയും രംഗത്തെത്തിയിരുന്നു.

താജ്​മഹലിനെ മറ്റൊരു ബാബരിയാക്കാനും ചരി​​ത്രത്തി​​​​​​​െൻറ വക്രീകരണത്തിനായും സമൂഹമാധ്യമങ്ങളിൽ സംഘ്പ​രിവാർ കിണഞ്ഞു ശ്രമിച്ചുകൊണ്ടിരിക്കുകയാണ്​. അലഹബാദ്​ പ്രയാഗ്​രാജും മുഗൾസരായി ദീൻ ദയാൽ ഉപാധ്യായ നഗറും ആക്കിയ യോഗിയുടെ ‘നാം വാപസി’ ആഗ്രയെയും നോട്ടമിട്ടിട്ടുണ്ട്​. ആഗ്രയെ അഗ്രവൻ ആക്കാനുള്ള ആലോചനയിൽ യു.പി സർക്കാറെന്ന വാർത്തകൾ പുറത്തുവരുന്നതിനിടെയാണ്​ ട്രംപുമൊത്ത്​ യോഗി താജ്​മഹലിലെത്തുന്നത്​.

നൂറ്റാണ്ടുകളെയും മാറിവന്ന ​ഋതുഭേദങ്ങളെയും ജയിച്ച അനശ്വരപ്രണയത്തി​​​​​​​െൻറ നിത്യസ്​മാരകം ഈ നുണപ്രചാരണങ്ങളെയും ജയിക്കാതിരിക്കില്ല. അല്ലെങ്കിലും പ്രണയത്തി​​​​​​​െൻറ സ്​മാരകം​ വെറുപ്പി​​​​​​​െൻറ രാഷ്​ട്രീയക്കാർക്ക്​ എങ്ങനെ പ്രിയപ്പെട്ടതാകാനാണ്​​?

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:tajmahalBJPtrump india visitIndia NewsDonald TrumpYogi Adityanath
News Summary - trump visit tajmahal yogi adityanath india bjp
Next Story